Wangarini 18:1 - Candoshi-Shapra

¹ Isus iyaa wipunasheetsini tayaspatamaam iwapayaru, Yasinap tatsummap Olivap naayani, táyaru, ambshat psaanaritam naataranganiya. Irusarinush shitungeeruni, kung wazangan Sítorona sura kiteeruni, tatsummash pshturanginiya, watam anush kis uru shaniyaranganiwa.

Wangarini 18:1 Iomraidhean Croise

Apanll chtarangu 2:15

Ashiriya, Apanllsha kamuzaa mzatsish Edengash wayarangiya. Shiy mzats ksutangcha, tárangiya.

2 Samuela 15:23

Tputsshitin ichingarusin, kizpur tanuranganaya. Tputsima Sedronaa kung kíteerandsin, ushimunsha kurak Dapiy kítarangitamta. Tputsee yamarsin naataranaya. Arangirisha tsap puzap naataranganaya.

2 Utaáchich kuraka 23:12

Mishat, yuwaa kurakash Ajasash pangu íwar apanllputseem muchimaam wayarangu, anootstam kapeetarangitamta. Mishat, Manases Apanllinung pang' apanllputsee wayarangitamta, anoo ichingaru yáyarusin, machimand Sedronash wazaw kapeetaranganaya.

2 Utaáchich kuraka 23:4

Ashiriya, kurak Osiyas Hilkiyasaa, apanllpanee urkari, misha apanllpaneetstam, misha Apanllee pang' ksutamapaneetstam kamachtarangiya. Yuw Apanllish pang' apanllputsee ungirtamaam Baalaa, misha Aseraatstam, misha tsangacheetstam wani ashiru wayarangana, anoo ichingaru yáyarus, ishitungangints, tárangiya. Uwshtisin ashpari wishchip ishitungayarusin, Sedronaa timburanlliz apusanand xanateersin, ashpari muchiranganaya. Sheersin, puzacheetsimarisha Betelap yátaranganaya.

2 Utaáchich kuraka 23:6

mishat Aseraamtam Apanllshuri pang' ungirtamaam tinarangana, anoo ichingaru yusheersin, kungumun wing xanateersin, ashpari muchiranganaya. Puzachimarisha katuchirangiya. Ashiriya, puzachee yáyarusin, tsiparish mapshishish kuruteersin, kasaranganaya.

Nehemiyasa 2:15

Sheeranlluni, anush psaanaritam, yakat tandapunuzee kapeetamawaa naparanginiya. Sheeruni, wapitam kanapuranganiya. Yaptam tandapunuzi shitungarangini, ambitam yaktashtam pshturanginiya.

Matiwarini 26:30

Ashiriya, waayaruni, Apanllee yaseeyaruni psaanaritam shitungaranganiya. Sheeruni, machip naataranganiya, yap yasin suru Oliva zapan taaru ambi.

Matiwarini 26:36

Mach yuwash naatarangini an suru Getsemani. Ashiriya, psaanaritam Getsemanish kusaranguni, Isussha iyaa: Nishuri siy k'tangtsa. Nuwma arapeetari Aparpati tsiyattatama, tárangiya.

Márkosarini 14:26

Apanllee yaseeyarandsin, psaanaritam shitungarangana. Sheeru, machip naatarangana, yap yasin suru Oliva zapan taaru ambi. Ashiri yuwaa Isus wipunashpat washunand shambatshish zar katungarangana anoo kamaneena.

Márkosarini 14:32

Psaanaritam Isus wipunashpa ipuneersin, mzatsip sur Getsemanap naatarangana. Kuseeramchusin, Isussha wipunasheetsi: Xamachimasi: nish k'xinangints. Aparpatamasi tsiyatatamasima táyaranllu,

Márkosarini 14:42

Pza, naayani. Paptsa tamapingampani naanllpa, tárangiya.

Wangarini 14:31

Itaru, tputs ichingurusin nuwaa mangoonpana átana. Nuw Apapaa izuuru chinakuri, tputseem tsipachima, watam Apap nuwaa kamachtaranguwa. Na waritayanlltanda. Ashiri pzaja; naayani; tárangiya Isusu. Táyaritaa, wandaritam iyaa tayaspatarangiya. Tárangiya;

Wangarini 18:26

Yusursha apanllpansha urkari muchchur, Nuw shiyaa tatsummash panawa. Anush Isuspat shaneerus panawa; m'chach, tárangu. Shiycha zuwanlleetsi wits t'sharangtishcha. ¿Ndusha wattish shiya? Shiy Isuspasha wipunashsha shiyaya, tárangiya kurak muchchuri.

Tayaspatampanirini 21:11

Paporosh kuseeru, Paporoo wichpooshi yáyaru, sheeru waanaatsi wats kamuriku, uweetssha kurixku ashirangiya. Sheeru, kamanirangiya. Apanll Wani ateeja; Papor Irusarinush kuskachu, Utaáshuch Paporoo putakchusin, piyparee ashtachinllinaya. Kamureerusin, tunareem tputs panachpasinaya Apanll áttanda, tárangiya Akápo.