Wangarini 17:15 - Candoshi-Shapra

¹⁵ Natsaktaatssin, shiysha tputsireetsi tapachindangcha. Shiyap naturita yamangcha teezi, nda. Itaru, izuuru ksutangcha; tsasiri taachinllinpa tina. Yashingush yutarit taarusinapa táshina. Ashiriya, Apaa, shaana napangcha tina.

Wangarini 17:15 Iomraidhean Croise

Apanll chtarangu 48:16

Apanll nuwaa pachindarangu, yutaritshish nda nuwaam tushiyrangiya, tárangu, Apanlleetssha mashku, Apaa, shiyshat nee nlluraa wanasir ksutangcha. Nichich ayam nlluranur pzapaneekchusin, ichingaru nuwachchinandari maachiriti taachinllinpa. Nuwaanaatsi, Aprahamaarineetstam, Isaakarineetstam sur ayamtaati mbizarusinapa. Waani nuwachichinandari tputs tsapurunasish ztaru taachinllinaya, Akoparini Apanllee mashku tárangiya.

Salmos 121:7

Apanll Taarasheetsis uru ksutkiya. Yutaritshish tushiyku anootstam tapachindakiya.

Matiwarini 5:37

Ántangat shirintspa; saanaatsi kukis payungtsa. Atinaareesa, Yashingoo kuk payutssa. Zurampatari ashtachparina tángtsa; nduntaati ashiru, Ashcheezi tángtsa; aranginasha tsiyatintspa. Sheerus, saanaatsi kukis payungtsa; wipunashee tárangiya Isusu.

Matiwarini 6:13

Yashing' nuwaa kasirundama aturi, shiy nuwaa istangandama. Apaa, shiyamari kasishawa. Shiy kizpurtishcha. Shiyaa urutari tputs chinachinllinpa. Ashiriya, Apaa, wapparee; Apanllpat tsiyatkus siysa ambtam tángtamtsa.

Lukasarini 11:4

Shiy nuwaa yutaritshishireetsi tchingandama. Tputs nuwaa yutaritam ínaktaa, anpat nuw yaramaam tsiyatkina. Ashiri shiy shingandama nuwaatsi. Yashing' nuwaa ksirundama aturi, shiy nuwaa istangandama, tángtsa, Apanllpat tsiyatkus, tárangiya Isusu, manga.

Lukasarini 22:32

Itaru, nda watstamari nuwaa kasachsha, watam shiyaam Aparpati tsiyataranginawa. Sheertaatish, nuwaa yusur chinayarush, zuwanlleetsish nuwaa chinamaam istachsha; mang tárangiya Isusu.

Gálatasshcheema 1:4

Watam iyaa tapachindaku Yashingush tatutsiranguwa. Naturit in tputs ichinguru Yashingush tachitkitaatssin, itaru Isusshat iyaa tatutsirangiya. Aparini waana zandku, iyaam ashkiya.

2 Tesalónshucheema 3:3

Itaru, Apanll siyaa Isuschicheetsis istachiya, watam tapachindachintspa, táranguwa. Apanll ashchima átu anoo waana uru tatsamkiya. Ashiri siyaa Apanll wizpuririni panayaru, uru siyaa Yashingoo itutskiya. ¿Tamaree siyaa Yashing' kasich?

2 Tímoteyurineema 4:8

Ashiriya, Isus yusur kuskachu, nuwaa kis napchindanaya. Uru itsinsaru iyaa natstakiya. Nuwaa: Shiy wanasirtishcha; k'keetsi payurangsha; nda sambaytarangsha, átu, nuwaa kurakaam ínchindanaya. Sirútari ashimaam nuwaam uru wayarangiya. Nuwaamamtaja wayarang; Isuschicheem ichinguru wayarangiya. Isusungaz chinakuch, musásiri kusachpa, yusur kusangaz átuch, Isussha anoo ichinguru kis mazinakiya. Ashirucha, yuwari áti anuri chinayarush sambaytarinllpa; nuw shiyaa atashina.

1 Wangarini 5:18

Ndamba yasariniya: ¿Yuwich Apanllimun nllurtamich anich tamaree yutarit taamamari taachich? ¿Watam Isus Apanll Wip chiyaa patsisakuwa? Isusumun chiyaa Yashing' yutaritamapan xapookcha.

1 Wangarini 5:19

Iy Apanllchichtanicha. Ndamba yasaraniya. Tsapurunasshuchee ichingurusin Yashing'cha maachirita.