Wangarini 12:40 - Candoshi-Shapra

⁴⁰ Siyaa mangeetsis tamiroosinlltakchuri, kitseetstamtis tamirkachuri, kcheetstamtis kámanakchuri, siysa ¿tamareeja mangoonchis? ¿Antaati mazinacheezis? ¿Nitaati pangcheezis? Ndambaree. Mangoontapa, siyaa aturi, nda siyaa yaramaam zurampatari zandkina, tárangiya Isáysarini.

Wangarini 12:40 Iomraidhean Croise

1 Utaáchich kuraka 22:20

Anushsha Apanll masharangu; ¿Chakaja kurakap Ajabap naayaru, mangutari tamasingayarusin, pachamaam yakat Romotap Galaadshuchip naakchu, waanaatstatam pachachinllina? Apanll tárangu, wasundurursha anoo piyartachshitisin tsiyatkusin, mangutari piyarisha tsiyata, mishat tputs mangutaritam piyartatam tsiyata, ashiranganaya.

Tashitungarangu 10:1

Ashiri Apanll Móysisee tárangiya, kurakush pang' pshtuyarush, kurakpa yusur tsiyatashini. Tsiyatkitaatish nda mazinachiya, mishat wasundururtam nda mazinachiya. Wandaritam nuwaa tputsiri zanganimaam pachindchiya. Watam nuw kurakush mangu xarashish wayaranginawa. Ashiriya, wand siyaa zanganimaam pachindchiya. Ashkachu, anumun nuwsha nimun aranginasha nuw wizpurireetsi yámandachima, kizpur napuxtamasheetsi.

Tashitungarangu 11:10

Ashiri Móysis Aaronpa ipuneerandsin, kurakap pang' naat naat ashirangtaatssin, Taarashipanee kuk kaman kaman ashirangtaatssin, kizpur napuxtashimashee yámandarangitaatssin, itaru ashiritaa, kurak urutari izuuru Israelchichee pachindarangiya. Itaru, watam uru Taarashipani waana parawush mangu xarashshee wayaranguwa, ashirucha, anumand kurak izuuru pachindarangiya Israelchicheetsi zanganimaama. Ashiriya, na kamaneena yuwaa Apanll Ijiptoshchee minam chung wanichima tárangu anootsi.

Tashitungarangu 14:17

Mishat, Taarashipan tárangitamta; Ashiri na nuw paraw wasundururpat izuuru wanichima. Nuw parawash mang' xarashish wayarangina. Ashiri siyaa tachitkachunts, nuwsha wizpureetsi yámandakchuri, nuwamari parawaa kasichima, wasundururpat, misha kapaachpat pshiyrshini, misha kapaachirinpatatam, ashpari ichinguru pastachinllinaya, Taarashipan tárangiya.

Tashitungarangu 14:4

Sheeru, wasundururpat siyaa pachamaam tachitchinlliniya. Itaru, nuwsha siyaa istachintspa siyaa kurak tuxaraktaati ashiru. Ashiri nuwsha wizpurireetsi yámandakchuri, parawaa wasundururpatari kachingchima. Anumun nuwaa tputs ichingurusin yasachinllinaya. Mishat, Ijiptoshuchsha nuwaa yasachtamanaya; Watacha Apanll Taarashipani, wizpurpat tputsee kachingarangu, nuwaa táchinllinaya, Apanll Móysisee tárangiya. Ashiri Israelchichsha anuri Taarashipanee kuk payuranganaya.

Tashitungarangu 14:8

Taarashipan kurakaa paraw mangu tuchinarangiya Israelchichee tuxaramaama. Ashiri parawsha wasundururee kamachtaku; Israelchichee tachiteeruni pachayani, tárangiya. Itaru, Israelchichsha Taarashipanimun wizpur Ijiptosh tsap shitungeerandsin, sundar tamapari ashirusin marchampatari shitungeerandsin, naataranganaya. Itaru, ashiritaa parawsha Israelchichee pachamaam tachitaranganaya.

Tashitungarangu 4:21

Apusapsha Apanllsha: Ashiriya, shiysha Ijiptosh tsap kuseerush, nuwaa wizpuriri yuwaa nuw shiyaam yámandarangi anoo shiysha kurakaa parawa yámandangcha. Ichinguru yámandangcha; punirinllpa. Nuw shiyaa istachinllpa. Itaru, shiysha nuwaa kuki kamankitaatish, kurak siyaa zanganimaam kapung ngatachparee, watam nuwsha kurakush mang' xarashish wayakchinawa.

Tashitungarangu 7:13

Itaru ashiritaa, kurak paraw waantari Israelchichee pachindarangiya. Nda anumun mang' taturangiya. Yuwari Taarashipan tárangu anuri tuminurangiya. Siy nuwaa wizpuri yámandaktaateesa, kurak siyaa zangancheeja, tárangu anurita. Ashiriya na kamaneena yuwaa Aarona tushuwshineetsi kapeeteeru, makaamsha kinarangu anootsi.

Tashitungarangu 7:3

Itaru, nuwaa kuki kamankitaatis, kurak siyaa zanganimaam kapung ngatachparee. Watam nuwsha kurakush mang' xarashish nda shiyaa zanganimaam wayakchinawa. Ashiri yuwash kurak shiyaa tuxarakchu anush nuwsha wizpurireetsi wanimaam yámandachima. Itaru ashtaa, uwsha shiyaa nda zanganchiya; wandari pachindchiya, Apanlli tárangiya.

Tashitungarangu 9:12

Itaru ashiritaa, kuraksha wandari Israelchichee zanganimaam pachindarangiya. Watam waana Taarashipan kurakush mang' xarashish wayaranguwa. Ashirucha, yuwari Taarashipan Móysisee; Shiyaa kukish kurak payucheeja, ndunaree, tárangu anuritam izuuru tuminurangiya. Ashiriya, na kamaneena yuwaa Taarashipan Ijiptoshchi tsutashshipa waneerangu anootsi.

Isáysa 53:5

Tárangitaatini, itaru iyamand yutaritshishini kiyung kachiyarangiya. Yuwamand iy Apanllee kuku nda payurangini anumand mangoo kayungaranganaya. Anumunsha, Apanll iyaa yutaritshishee mapiykiya. Yuwamand kiyung kachiyarangu, anumand iyaa wanasirimsheem wayarangiya.

Isáysa 6:10

Siyaa mangeetsis tamiroosinlltakchuri, kitseetstamtis tamirkachuri, kcheetstamtis kámanakchuri, siysa ¿tamareeja mangoonchis? ¿Antaati mazinacheezis? ¿Nitaati pangcheezis? Ndambaree. Mangoontapa, siyaa aturi, nda siyaa yaramaam zurampatari zandkina. Apanll átcha tángcha, tárangiya nuwaatsi.

Isáysa 6:9

Apanllsha, Nuw shiyaa zanganchinllpa. Naayarush, tputsi yutaritaa Israelchichee kamanishini. Apanll ateeja, tángcha. Nuwaa kuki zapantaa mazinakus, ashiritaa nda mangoonaksa. Nuw kizpur istaktaati, anoo pakitaateesa, nduntam mangeetsis p'tsichima.

Matiwarini 15:14

Ashiri waani tsiyantachpa. Wach mchusanandpaz tputs ashkana. ¿Tamaree mchuspatatin itach? Ashkinaarsina naakchusin, waani tsimbunuri wazawush tuwitchinllinaya, tárangiya Isusu.

Márkosarini 4:12

Nuwaa kuki zapantaa mazinaksin, ashiritaa nda mangoonkanaya. Nuw kizpur istaktaati, anoo pakitaatssin, nduntam mangoo p'tsichima. Mangoontapa, aturi, nda mangoo yaramaam zurampatari zandkina, tárangiya Isusu, manga.

Lukasarini 4:18

Apanll Taarashipan wani nuwash wizpur taachiya. Apap nuwaa ipuseeru, wipunasheemsha ínarangiya. Nuwaa kamachtaku, Yuw kiyung kachiykana anoo istashini, tárangiya. Pukireem nuwaa kuki kamanishini. Putamawaa tputs yanpushini. Tumanshishush wantsush taakana, anoo tashitungangcha. Yuw kiyung kachiykana an nimun kiyung kachiyachtazinllinaja, Apanll átanda, tángcha.

Lukasarini 8:10

Isussha: Ayu; siyaam wazareetsiri kamanimaam waritarina, tárangiya. Apanll anoo chinakiya. Itaru, tputseetssha wazaree kamancheezi; ndambaree. Ashkitaateena, nuwaa kuki zapantaa mazinaksin, ashiritaa nda mangoonchinllinaya. Nuw kizpur istaktaati, anoo pakitaateesina, ashiritaa nduntam mangoo p'tsichima, watam ngatkanawa, Isus mang tárangiya.

Wangarini 12:39

Tputs waana ngatarangsin, Apanllsha xarashee wayarangiya; ashirucha mangoonamaam pinasarangana. Isáysarini wasina anootstam kamanirangiya. Tárangiya;

Wangarini 9:39

Sheeru, Isus tputseetssha ichinguru, tárangiya; Nuw tputsee ipusamaam kusarangtana. Tputs Apanllee nda mangoonkitaatssin, wach mchuspaz ashiru taakitaatssin, nuwsha mangoo p'tseekchuri, mangoonchinllina; yarchinllinaya. Itaru, tputs mangutari Apanllee kapung yasaktaniya atitaatssin, nuwaa mangoonamaam ngatkusin, urutamari wach mchuspaz ashirusin nuwaam xarakshinllinaya, tárangiya Isusu.

Tayaspatampanirini 15:3

Ashiriya, zangankusin, kurikpa istarangitamsina. Neewa; Nipta apus ktungangints, táranganaya. Naanamachinipa, táyarandsin, urupunguri naayarandsin, ichtaru Fenisiyash tsap xiytaramach ashirangana. Yusur anumunsha Samariyash tsap xiytaramach ashiranganaya. Yuwash pakchu anush kamanirangiya; Tunaritam Isusumun mang' taturanganaya; tát tát ashirangiya. Isuschich ichingurusin kizpur shambatarangana, anoo mazinaksina. Asheetu, zapish Irusarinush kusaranganaya.

Tayaspatampanirini 28:26

Ateeja: Utaáshuchee kamaningcha; Nuwaa kuki zapantaa mazinakus, ashiritaa nda mangoonaksa. Nuw kizpur istaktaati, anoo pakitaateesa, nduntam mangeetsis p'tsichima.

Tayaspatampanirini 3:19

Itsinsarus chinangtsa átana. Ashkachus, Apanll yutaritshishireetsis tachingchitamparee;

Romshucheema 9:18

Ashirucha, Apanll tputsee ipuseeru, nayaniku istakiya; tina.