Wangarini 12:13 - Candoshi-Shapra

¹³ Yarinll tamapari ashiru pakich katupeersin, Isusoo chamayangani atusin iripurangana; zamangarangana. Apaa, iyaa izuuru tapachindangcha. Iyaa wanasiri taamaam istangcha. Shaana ipusamarineetsish iyaam zangankush wanasiri napangcha. Watatishcha iy Utaáshuchini kurakarini shiya. Ashirucha, shiyaa kis ungirtakaniya, ákamach ashirangana.

Wangarini 12:13 Iomraidhean Croise

Isáysa 44:6

Apanlli Taarashipan siyaam kurakcha. Uru siyaa Israelchicheetsis tapachindakiya. Wamari kasikiya. Waana Apanll siyaa átcha. Nuw ichtakachuri taarangina. Nuw urutamari taaki antana. Nuw minamari Apanlltana. Arang minamtiyam nuwapa waritarazinllinaja.

Apanll kamachtamarini 23:40

Zar ichtaru yakchu anush ichinguru tputs wanusee kizpur wanasiri yachinllinpa. Yarinpat tambtangtsa. Mashar tuwapimashpat wanasiritam tambtamaama. Tambtayarus, tsimbun zar matayaru tamburishis tángtsa. Mishat, kis shaniykus, nuwaa Apanlleetsi ungirtangtsa, tárangiya Apanlli.

Matiwarini 23:39

Nuwash kamungumaam ngatkus, nuwsha Aparpi naachina. Siysa nuwaa yusur pangcheezis, ndambaree. ¿Wanipaja kiyung kachiychis? Itaru, nuwsha yusur kuskachuri, nuwaa natstachpasa. Mangis kis nuwamun shambatachpasa. Apaa, shiy kizpurtishcha. Shaana ipusamarineetsish iyaam zangankush wanasiri napangcha, táchpasa; itaru zapshiya, tárangiya Isusu. Ashiri tsiyatssis watamcha yuw Isus Utaáshuchee tayapstampanee waneerangu anu.

Matiwarini 27:42

Tputsee nllitarit istataritaa, ¿tamasha nda waanaatsi nda tapachindaka? Isus, Utaáshuch urkari karuwkachu, iysha anoo pakeerurini mangoonachshapariniya. Ashkachinaari, kaapa Apanllcha Ipusamarini táchiniya; kizpurpari mangich tatuchchee.

Wangarini 1:49

Natánaysha, Mayistoroo, zuraktishcha; shiy Apanlltishcha Ipusamarini; iy Utaáshuchini shiyaa kurakartanicha, táyaru,

Wangarini 12:14

Isus burroo yamayaru, anumun k'xinnatach ashirangiya. Apanll kuk watam wirkarish anoom wasina kamaniranguwa;

Wangarini 12:15

Irusarinshuchis, mazinangtsa. Punirintspa; siy kurakaris naanchpa. Burroo wip yamayaru, anumun karupanamun ush kuxinaru kuschiya, tárangiya Apanlli.

Wangarini 19:15

Iysha kurakarini kizpur tsiyantayarusin, Taringsi; pchangi; yasinamun tstsayarush ksangi; tárangana. Pilaturinsha: ¿Saanaa kurakareetsis yasinamun pachamaam zandkis? átu, apanllpansha urkari; Iy kurakarini minamari taariya Romshuch presidente; minu wanindaja, tárangiya.

Apanll ashtachu anu 15:3

Apanllee yaseerangana. Móysisarineetsini wayasi yaseeranganaya; watam Móysisarin Apanllee uru chinaranguwa. Isusoo wayasi yaseerangitamanaya. Yaseeksin, tárangana; Apaa, shiy kizpurtishcha. Shiyamari kasiksha. Shiyamari kuraktishcha. Shiyash ngichiz wanindaja. Shiy uru itsinsaru chinakush, wanasirinandari kamachtaksha. Shiy waneekush, ksumish punikaniya. Iyaa istakush, izuuru iyaa tapachindaksha, Apaa. Urutamari shiy kuraktishcha; tsapurunasshuchee shiyamari kasiksha, Apaa.

Apanll ashtachu anu 19:16

Mishat, watunirimunsha sura yandam kamiran nuw parangi; wanumbinungi yandamaa nuw parangi. Yandamarini taarangu: Watacha in kurakaa ichingurootstam, presidenteetstam ichingurootstam wamarisha kasiriya, tárangiya. Ashiri yuwaa Isus wamari kasichu anoo kamaneena.

Apanll ashtachu anu 7:9

Anoo paranguri, napeeruri, tputssha wazapan shaneerana anoo parangtana. Táchimaam pinasarangiya. Tsapurunasshuch ichinguru shuneeru shaniyarangana. Ichinguru waantatam kuk tsiyatkana antam, maachirittam, tunartam, ichinguru shaniyarangana. Apanllee tasaseersin, Apanlleetstam Opeejarin tasaseersin, shaniyeeramach ashirangana. Shaniyeeramchusin, shambatkusin, zamamtaramach ashirangana. Mburshinandari kamartarangana; misha yarinll tamapari ashiru payurangana. Apanllee ungirtamaam ashirangana.