Wangarini 11:52 - Candoshi-Shapra

⁵² Itaru, Isus iyaamamtaja kamungshini wayarang, nda. Ichinguroom tputs kamungshini wayarangiya; tsapurunaschicheem ztaru ashirangiya. Ashkachu, Apanll tiptsir washunandari minamaripaz ashiru taachinllinaya táshina nuwaya.

Wangarini 11:52 Iomraidhean Croise

Apanll chtarangu 49:10

Ambtam ashikpaz ashkusin, shiyachchimari ichingaroo tputs kasirsin taachinllinaya. Shiyachich kizpur kurak urutari pishtacheeja, ndambari. Itaru, nimun zapish kurak shiyachcheetsimarisha nlluranur kasiru kizpur kurak kuschiya. Anootsimari uru kurakawtamsin istanda táchinllinaya. Ichingaru tsapurunas anootsimaritam kurakaa kuk payuchinllinaya.

Salmos 22:15

Sachisimun kuki mazach ashiru puzaku neepuritamti ptsutkiya. Shiy nuwaa wazawash tsipamaama wayarangsha.

Salmos 22:27

Ichingaru minshucheewis tsapurunasis, arapcheewtamtis, Apanllee kuk mazinakchus, mangoonkachus, tutunlltayarus, Apanlleetsimarisha ungirtangtsa.

Salmos 72:19

Shiysha Apaa, urutamari Taarashipanish taaksha. Shiyamari wanasirtishcha. Shiyamari tapachindampantishcha. Apaa, tputs ztaru shiyaa wanasirimshireetsish yasachinllinpa, atina. Ashiri Apaa, Wappari.

Isáysa 49:18

Ashiriya, napangtsa. Nashamangantsa. Tputs ¿wanipamasaja Irusarinap naakchusin, siyash musá shaniychinllina? Nuwsha Taarashipani zurampatari atashina. Ndunnaa k'keetsi tuminkuri, tsipachshaparina nuwaya. Ashiriya, mazinangtsa. Yusur kis taatssa. Yarangasheetsis yusur yarareerus, kis yupzingambeerus, taatssa.

Isáysa 49:6

Nuw shiyaa kizpur chinaktana. Arangeem nuwaa istangcha. Nuwaa tputsireetsi, Akoparineetsini mangoo p'tseekchush, Israelchichee katuchimarini nuwaa yusur mangoonkatssin, anush arangeem tsapurunasshuch ztaru tputs nuwaa mangoonchinllinaya. Nuwaa kuki tuwasineekchush, nuwsha tputsee arapcheetstaa tapachindachima. Tsapurunas katuktakachu amb ichingarusin mazinachinllinaya, Apanll nuwaa tárangiya.

Isáysa 55:5

Dapiychich arapchee tputs kuruzkiya. Nduntaa wach parangu, nduntaa Dapiyarinichichee yasarangusin, ashiritaa Dapiyap iripuptaraa ashchinllinaya. Nuw Taarashipaneeruri, Israelchichee Apanllirini taakuri, Dapiyarinchichee kizpur kurakaam ínachima, Apanll Dapiyarinchichee átcha. Nuwsha Isáysi siyaa atashina.

Isáysa 56:8

Tputs arap pseertarangitaatssin, nuwsha pangipi anoo tputs machchina. Nllitaritap tputs watsapun taarangtaatssin, nuwashsha shaniychinllinaya. Nuw tputsireetsi Israelchichee ashchitamana. Araptaa pseertarangusin, nuwsha yamayaruri, nuwashsha kis napchinllinaya, Apanll Taarashipan siyaa tárangiya. Ashirucha, nuw Isáysi siyaa, Apanlleetsimari kuk payukus, Apanllsha siyaa kis napchintsa, atina.

Isáysa 60:4

Siy ichingaroo napangtsa. ¿Kamaparee arapich tputs siyap kus kus ashchinllinaya? Siyash Irusarinush shaniypani atanaya. Siyachich tputs tsapurunasush arap taaktaatssin, siyash kuschinllinaya. Siyachchee kizanur pachipeersin, yusur siyash wayachinllinaya.

Esekiyela 34:12

Ksutamapan wanasirimish opeejarini tsípakchu, anungaz urutari nachungtaru, nuwsha ashiritam tputsiri tsípachusin, anungaz uru nachungakuri taachima. Ashiri masatkatssin, tapishpaz ashiru kiyung kachiykachinllina. Anoo uru tapachindachima.

Lukasarini 15:8

Mishat, kamanchintspa. Apaz kiz urkiree 10 payuru, itaru minam kapiyku, ¿tamacheeja? Nachungachimasima átu, nambarinaa tiruyaru, pangush kizpur nachungachiya. Tuchineeru, nachungat nachungat ashchiya.

Lukasarini 2:32

Nimun arapchitam tunartaa shiyaatstam kukish yasachtampasinaya. 'Sinushpa taachinllinaya. Utaáshuch tputs nimun kizpurtachpasinaya. Wapparee, Apaa, mang tárangiya Simorini Apanllpa tsiyatku.

Wangarini 1:12

Itaru, ashpatam tputs mangoonarangana. Mangooneersin, Apanllsha waama tiptsireem ínarangiya, watam yámandampanimun mang' taturanganawa.

Wangarini 1:29

Putamsha apuchirini anshutam tayaspatarangu, Isussha naantach parangiya. Apuchirinsha tputsee, tárangiya: Napangantsa; In tputs Apanllcha opeejarini. Chiyaa ztaru tputseetsich yutaritshishireetsich izuuru tachingchiya, tárangiya.

Wangarini 10:16

Ashkachuri, tputsiri zapan taachiya. Nuw nllitaritaatstaa arapcheetstaa tputs tputsireemi ínachima. Uwshtisin nuwaa kuki mazinachtampasinaya. Ashkachu, tputsiri washunand minamaritpaz ashiru taachinllinaya. Nuwaantarisha ksutchima.

Tayaspatampanirini 18:10

Nuwaana istachinllpa. Tputs shiyaa natsaktaa, itaru kasichazinll, ndambaree. Watam nishuch tputs zapan mangoonachpasinaya, tárangiya Isusu mirinishu.

Romshucheema 3:29

Mazinangtsa; ¿nitaati Apanll Utaáshucheetsimani chínak? tputsee ichinguru ztaru chinakiya;

Romshucheema 4:17

Watam Apanll Apramarineetsi, táranguwa; Arapich tputs zapan, Apramarinchichtanicha, ayamta shiyaa ántachinllinaya, Apramaa, tárangiya Apanlli. Apanll táyaru, Apramarinsha: zurakcha, táyaru, Apanllimun mang' taturangiya. Iysha Apramarini tamaparee ashiru mangoonkinaareeniya ashiru, Apramarinchichtanicha támaam waritakaniya. Ashirucha, Apanllimun kamachtamarini mangich tatumaam pinasakchi kamungamaama; nuw siyaa táshina. Mazinangtsa; ndatuma Apramarin wip wanindaru, ashiritaa yuwaa Apanll tárangu anoo payurangiya. Apanll Taarashipancha; tsipareetstaa ituyamatariya; táyaru, Apanllimun mang' taturangiya.

Ipísshucheema 1:5

Mishat, iyaa ksumish chinaku, waana iyangaz zandeeru, tputsee: Nuw shiyaa ipartana táchima, tárangiya. Táyaru, iyaa Isusumun wamin wipaampaz ashiru ínarangiya.

Ipísshucheema 3:11

Yuwaa Apanll uruta tputsee Wipamun tapachindamaam chinarangu anoo na mangoonkanaya.

Sandeekurini 1:1

¿Zuwanllee, tamarimsa; taaris? Nuw Sandeeki siyaam kirakaa yandakina. Nuw uru Isustana wámachtashina. Apanlleem ashiritamina. Watam Ísúkirísut iycha kurakarini. Na kirak siyaam yandayaruri, zanganchintspa. Siy nish Utaásh tsapurunas pseertarus, tunarip naatambarangis arapi anoomis, siyaam yandaktana. Siyaam Akoparinchicheemis yandakina.

1 Pitorurini 1:1

¿Tamarimsa; zuwaa, taaris? Nuw siyaa chinakina. Nuw suri Pitortana; Isustana wipunashi. Isus nuwaa kamanimapaneem wayarangiya. Ashiriya, siyaa chinakuri, kirakaa yandakina. Natumasamta pseertarus taaksa tputsush watsapunu; Isusoom wamin masaru tsapurunasush taaksa. Ashpatamtis tsap Póndosh taaksa. Ashpatamtis Gálatasash tsap taaksa. Kápatosash tsap taaktamsa. Ásiyash tsap taaktamsa. Bitíniyush tsap taaktamsa. Ashpis tsap ztarus taaksa. Itaru, ichingurus Apanllee chinaksa.

1 Wangarini 2:2

Waana Isus iyaam yutaritshishirini tsiparangu, mangeetsini tachingeeru, Waparee yámandakchu, Waparsha iyaa kis napkiya. Itaru, nda iyamamta yutaritshishirini tsiparangu, ichingurooma tsapurunas tputs taakana anoom tsiparangiya. Ashirucha, Apanll tamara ashiritamani taayani, atashina.

1 Wangarini 3:1

¡Tamaru iyaa Aparich chinaka, watam iyaa ipartana atuwa! Apanlltanicha wipini, watatanicha. Tsapurunasshuch tputs Apanllee natstakazinllinaja. Ashirucha, iyaatstam nduntam natstakshinllinaya.

1 Wangarini 3:10

Anumand Apanllchichee kamirana natstachchi; misha, yashing'chichee kamiranatam natstachchi. Tputs nda itsinsaru wanasir taaku an Apanllchicheeja. Yuw nda zoonlleetstam chinaku an Apanllchichtamtaja; Yashing'chichcha anu.

1 Wangarini 3:2

Isuschichis, mazinangtsa; na in Apanllshatanicha wipini. Itaru, yuwaa izuuru kinatartachini anoo wasina nda yasakini. Isus kuskachu, ashiriya Isus waana tamapari ashtachtamaniya, watam izuuru Isusootsiri kchiptini pangchiniwa.

Apanll ashtachu anu 5:9

Wayassha kaneesich yaseerangusin, táranganaya; Shiyamaritish waritaksha kirakaa yamaama; ipursamaam nda xapooksha, wachin, tárangana. Shiy izuuru waritaksha. Shiy iyaam tputseemani ichinguru tsiparangsha. Kurasiriptish iyaa tumashirini tuwaparangsha. Ashiri na Apanllchichshatanicha. Tputsee ichinguru istarangsha. Tsapurunasshuchee shuneerangsha. Kuk ichinguru tsiyatkana anootstam shuneerangsha. Maachiritaatstam, tunareewaatstam ichinguru istarangsha.