Wangarini 10:16 - Candoshi-Shapra

¹⁶ Ashkachuri, tputsiri zapan taachiya. Nuw nllitaritaatstaa arapcheetstaa tputs tputsireemi ínachima. Uwshtisin nuwaa kuki mazinachtampasinaya. Ashkachu, tputsiri washunand minamaritpaz ashiru taachinllinaya. Nuwaantarisha ksutchima.

Wangarini 10:16 Iomraidhean Croise

Apanll chtarangu 49:10

Ambtam ashikpaz ashkusin, shiyachchimari ichingaroo tputs kasirsin taachinllinaya. Shiyachich kizpur kurak urutari pishtacheeja, ndambari. Itaru, nimun zapish kurak shiyachcheetsimarisha nlluranur kasiru kizpur kurak kuschiya. Anootsimari uru kurakawtamsin istanda táchinllinaya. Ichingaru tsapurunas anootsimaritam kurakaa kuk payuchinllinaya.

Isáysa 49:6

Nuw shiyaa kizpur chinaktana. Arangeem nuwaa istangcha. Nuwaa tputsireetsi, Akoparineetsini mangoo p'tseekchush, Israelchichee katuchimarini nuwaa yusur mangoonkatssin, anush arangeem tsapurunasshuch ztaru tputs nuwaa mangoonchinllinaya. Nuwaa kuki tuwasineekchush, nuwsha tputsee arapcheetstaa tapachindachima. Tsapurunas katuktakachu amb ichingarusin mazinachinllinaya, Apanll nuwaa tárangiya.

Isáysa 52:10

Apanll Taarashipan kizpureeru, tsapurunasshuch tputs ichingarusin wach parsin, ichingarusin yasachpasinaya. Waana Apanll iyaa Utaáchcheetsini tapachindachiya.

Isáysa 56:8

Tputs arap pseertarangitaatssin, nuwsha pangipi anoo tputs machchina. Nllitaritap tputs watsapun taarangtaatssin, nuwashsha shaniychinllinaya. Nuw tputsireetsi Israelchichee ashchitamana. Araptaa pseertarangusin, nuwsha yamayaruri, nuwashsha kis napchinllinaya, Apanll Taarashipan siyaa tárangiya. Ashirucha, nuw Isáysi siyaa, Apanlleetsimari kuk payukus, Apanllsha siyaa kis napchintsa, atina.

Esekiyela 34:12

Ksutamapan wanasirimish opeejarini tsípakchu, anungaz urutari nachungtaru, nuwsha ashiritam tputsiri tsípachusin, anungaz uru nachungakuri taachima. Ashiri masatkatssin, tapishpaz ashiru kiyung kachiykachinllina. Anoo uru tapachindachima.

Esekiyela 34:23

Dapiyaa nuwaanaatsi tputsiri amb zanganchima. Uwsha anush ksutamapan taachiya. An kizpurcha wanasiri. Uwaatssin ksutku taachiya.

Esekiyela 34:6

Ashiriya, opeej manginap, misha machpitam suwasuwarangana, anungaz ¿chakshtaja nayaniku nachungayach? watam tputs anoo ksutamapan ndunariwa.

Esekiyela 37:22

Ashkachuri, washunandarisha Israelshuchpat wayachintspa. Anush minumarisha kurak taakchu, ndusha chawpishtambarus taatssa.

Esekiyela 37:24

Dapiyarinchicheetssha tputsireetsi kurakareemis ínatssa. Ansha ichingurootsis ksutku, siysa nuwaa kuki izuuru payukus, kamachtamareetsi tuminutssa.

Matiwarini 17:5

Pitor tsiyatku, msassha kizpur 'sineeku ashku, Isusootstam, wipunasheetstam yambutatara ashirangiya. Sheeru, msasush mang k'kuz kimarangiya; Isusoo nuw ipartana. Ksumish chinaktana. Ashiri Isusootsiri kuk mazinangtsa; mang k'kuz kimaku, tárangiya.

Lukasarini 15:8

Mishat, kamanchintspa. Apaz kiz urkiree 10 payuru, itaru minam kapiyku, ¿tamacheeja? Nachungachimasima átu, nambarinaa tiruyaru, pangush kizpur nachungachiya. Tuchineeru, nachungat nachungat ashchiya.

Wangarini 10:11

Napa: nuw chinuzpan tputs urkar tamapari ashiru taakina. Tputsireetsi istapi aturi, tsipaneetstaati pachindcheezi, ndambaree. Tputsireemi tsipachima.

Wangarini 10:2

Itaru, opeeja chinumpani, opeeja amuyarini chinuzpan uru wachunungiri pshtukiya.

Wangarini 10:27

Itaru, tputsiri nuwaanaatstamari kuki mazinakanaya. Mazinayarusin, nuwash tachitkanaya. Nuwaa yasakanaya; nuwaya tputsireetsi yasaktamana.

Wangarini 10:3

Pshtupi tákchu, ksutamapansha tawatchiya. Chinuzpansha pshtuyaru, waanaatsi opeejarineetsi suraa kuruz kuruz ashchiya.

Wangarini 10:4

Opeejsha wits mazinayarusin, chinuzpanush tachitatangatanll ashkanaya. Chinuzpansha machtayaru, yamazayaru, pastup machkiya kis katungumaama.

Wangarini 10:5

Tputsee piyartachee nda mazinakana; izuuru ngatkana. Piyartachee tputs kapung punirusin, mangu suwasuwatanganll ashkanaya. Piyartachee kuk nda mangoonkana. Nuw tputsiri ashikpaz uru ashtachinllinaya, tárangiya Isusu.

Wangarini 11:52

Itaru, Isus iyaamamtaja kamungshini wayarang, nda. Ichinguroom tputs kamungshini wayarangiya; tsapurunaschicheem ztaru ashirangiya. Ashkachu, Apanll tiptsir washunandari minamaripaz ashiru taachinllinaya táshina nuwaya.

Wangarini 17:20

Ashiriya, Apaa, tputsireetsi kamachtaranguri, uwshtisin k'keetsish kamankatssin, nllitaritsha tputs mangoonchitampasinaya. Tputsireemish kinachtampasinaya. Ashiri uwaamtam tsiyatkitamana.

Wangarini 6:37

Itaru, yuwaa tputs Aparich nuwaam tputsireemi wayarangu an uru nuwangaz zandkiya; nuwash tachitkiya. Tputs nuwash tachitku, nuwsha anoo kapeetcheezi, ndambari.

Tayaspatampanirini 15:14

Pitor iyaa mangeetsini p'tseerangiya yuwaa ichtaru Apanll tunaree istarangu anootsi. Mishat, yuwaa Apanll tunaree tapachindamaam ipusarangu anootstam kamanirangiya. Apanlleem tiptsiri ínarangana anoo ichinguru kamanirangiya Pitoru. ¿Tamaree anoo kuk ngatchich; watam waptatawa?

Tayaspatampanirini 18:10

Nuwaana istachinllpa. Tputs shiyaa natsaktaa, itaru kasichazinll, ndambaree. Watam nishuch tputs zapan mangoonachpasinaya, tárangiya Isusu mirinishu.

Tayaspatampanirini 22:14

uwsha: Zitaminarineetsini Apanll chinarangiya. Na anuritam shiyaa ipuseenllsha, tárangu. Wasinguru ashirangish anush Isusoo Apanllee Ipusamarini kuk mazinarangsha. Anush Isus shiyaa yakarangiya. Nimun Apanll mangush chinaku anoo yasachpasha. Ashiri mangoonangcha.

Romshucheema 11:25

Ashiri siyaa Isuschicheetsis mangeetsis p'tsichintspa. Arapcheewis nda saanaats ungirtamaam aturi, tsiyatssis kaneesich kamanchintspa yuwaa nda sirú mazinarangis anootsi. Utaáshuch Isusoo ngatkitaatssin, natumari ashkana; zapshina watsiyunoo kapeeteersin, mangoonachshapsinaya. Arapich tputs Apanllee tatsamooru mangoonaramchusin, Apanll: Wapparee, waritayanllcha táyaru, anamunsha Utaáshuchshtisin mangoonachpasinaya.

2 Tesalónshucheema 2:13

Zuwanllee, Apanll siyaa chinakiya; ichtakachuri siyaa ipusarangiya kamungkarus taamaama. Watam Apanll Wani ksutkuwa siyaam wanasir taamaama. Mishat, mangeetsis p'tseeta ashkiya zuramamish payumaama. Ashirucha, Apanllee wapparee tini siyaama. Yungpariparee ashkiniya.

Utaáshucheema 13:20

Ashiriya, na wappari kamaneena. Zuwanllee, Apanll siyaa kapung chinakiya. Iparimuni ursir urutamari tputsee tapachindachima átu, wip tsiparangitaa ituyamarangiya. Na urutamari taachiya. Iyaam yaramapanee taakiya; misha iyaamtam ksutamapani taachiya.

1 Pitorurini 2:10

Sirútama tunar ashirus taarangsa. Itaru, natsha Apanllis tiptsiris taaksa. Sirú Apanll siyashchee niyrarangiya. Itaru, natsha Apanll siyaa tapachindarangiya. Ashiri mangis kis Apanllpat ipunaksa, na watam Apanlltis tiptsirsawa.

1 Pitorurini 2:25

Siy sirú opeeja mangsharit tamapari ashirus uru piyari masatarangsa. Itaru, na kis tachitaksa. Apanll siyaa ksutkiya. Isus tamarangpari ashiritamtis taangtsa, nuw siyaa atashina.

1 Pitorurini 5:4

Ashiri wanasiri ksutangsa. Ashkachus, ksutamapansha urkari; Isus yusur kuskachu, urutamari siyaa kis chinachiya. Shiy nuwaa tputsiri wanasiri ksutarangsha. Shiyaa kapung chinaktana; tákchu, urutamari kis Isuspat ipunatssa. Ashiri shingtsa, nuw siyaa ksutamapaneetsis atashina.

Apanll ashtachu anu 3:20

Nuw tputsiringzi kizpur zandkina. Ipunpi tina. Napa tputsish pangu pakatuch, yambiku, washunand katungkuch, kis ipuntarchi. An tamapari ashiritam urutamari taachiniya; amb tákush áttanda tánllcha.