Wangarini 10:11 - Candoshi-Shapra

¹¹ Napa: nuw chinuzpan tputs urkar tamapari ashiru taakina. Tputsireetsi istapi aturi, tsipaneetstaati pachindcheezi, ndambaree. Tputsireemi tsipachima.

Wangarini 10:11 Iomraidhean Croise

Salmos 23:1

Shiy Apaa, opeejpan tputs tamapari ashirush, nuwaa wanasir ksutaksha. Opeejpan chinoo wanasir ksutku, pastush maritachu, kungootstam waamaam wayakchu, kis kanuskanaya. Shiyshat Apaa, ashikpaz ashiritam nuwaa wanasir ksutkush, nuwsha Apaa, shiyamun mangi kis kanuskina. Nuwaam pishtats wanindaja.

Salmos 80:1

Apaa, shiyamari Osiyarinchichee ksutarangsha. Opeejaa ksutamapan tamapari ashirush machtarangsha. Shiy kanindush kurakish kuxinshishimunish kuxineerush, sundarurish shiyaa ksutkanaya. Ashiri Apaa, iyaa k'kini mazinangcha.

Isáysa 40:11

Chinuzpan ashiru tiptsiree wanasir ksutkiya. Tputs opeejaa wip chipayaru, mangumunari chipaypaytar ashku wanasir ksutkiya. Opeej wipaa kaneeschiri tatsipkachu, wanasir ksutaru, ashiru Apanll iyaa Israelchicheetsini ksutchiya, waana Apanll siyaa tárangiya.

Isáysa 53:6

Itaru, iysha opeej tamaparee ashiruni mantsirish masaru taaranguni, yuwari yaana zandkini anuri mapiyruni yutarit taarangini. Itaru, Taarashipansha iyamand yutaritshishirini wipunashee yutaritaam ínarangiya.

Esekiyela 34:2

Esekiyelaa, nutsish musásimashtaati, ashiritaa nuwaa kuki Israelchichee kurak kamanishini. Ashiri tángcha. Paptsa. Apanll siyaa kurakaatsis waneerunts. Siy Israelchichee wanasir ksutangtsa. Opeeja ksutamapan tamatarparee shingtsa. Itaru, siy nda ashkus saanaatstamari ksutaksa.

Esekiyela 34:23

Dapiyaa nuwaanaatsi tputsiri amb zanganchima. Uwsha anush ksutamapan taachiya. An kizpurcha wanasiri. Uwaatssin ksutku taachiya.

Esekiyela 37:24

Dapiyarinchicheetssha tputsireetsi kurakareemis ínatssa. Ansha ichingurootsis ksutku, siysa nuwaa kuki izuuru payukus, kamachtamareetsi tuminutssa.

Mikiyasa 5:4

Apanll waana nlluraam wizpur panakchu, waana Apanll Taarashipan tamaparee ashiritam kurak tiptsiree ksutchiya. Opeejpan tamapari ashiru tiptsiree wanasir ksutchiya. Amb ashkachu, Israelchich mapiyrsin wanasir taachinllinaya. Watam tputs ztaru arapeewtaa taakana, an Apanllee kuk ichingarusin mazinchinllinawa. Apanll Taarashipan kizpurcha, táchinllinaya.

Matiwarini 20:28

Napa; nuw tputseem kinaranguri, tputsee istamaam nish tsapurunasush kusarangtana. Nuw tsipakchuri, tputsee zapan yashingoo itutschima. Urutamari Apanllish kis taachinllinaya. Nuw anoom tsapurunasush kusarangtana. Ashiri siysa kasiru taamaam zandkus, ashiri shingtamtsa; tputsee istangtsa; tárangiya Isusu.

Wangarini 10:2

Itaru, opeeja chinumpani, opeeja amuyarini chinuzpan uru wachunungiri pshtukiya.

Wangarini 15:13

¿Tamaru nuw siyaa chinakina? Siyaam kaminis nuw tsipachina. Ashiri siysa shingtamtsa saanpatata.

Ipísshucheema 5:2

Chinampatari chinangtsa. Isus iyaa tamaranga chinarangu, siysa tputsee ambtam shingtamtsa. Isus iyaa kizpur chinayaru, yutaritshishirineemani tachingamaam tsiparangiya. Nda tsipunoo pachindarangu tsiparangiya. Anumand Waparsha ksumish chinarangiya. Ashiriya, iysha ashchitamaniya Isuschichpatatini, watam Apanllini tiptsiriniwa.

Titorineema 2:14

Isus waanaatsi watsipunu pachindarangeeja. Iyaam tapachindamaam tsiparangu. Iyaam yutaritshishirineemani tachingamaam tsiparangu. Apanll wanasir taapana átu, waama tiptsireem ipusarangiya. Uru wanasir taamaam chinachinllinpa; atiya Apanlli.

Utaáshucheema 13:20

Ashiriya, na wappari kamaneena. Zuwanllee, Apanll siyaa kapung chinakiya. Iparimuni ursir urutamari tputsee tapachindachima átu, wip tsiparangitaa ituyamarangiya. Na urutamari taachiya. Iyaam yaramapanee taakiya; misha iyaamtam ksutamapani taachiya.

1 Pitorurini 5:4

Ashiri wanasiri ksutangsa. Ashkachus, ksutamapansha urkari; Isus yusur kuskachu, urutamari siyaa kis chinachiya. Shiy nuwaa tputsiri wanasiri ksutarangsha. Shiyaa kapung chinaktana; tákchu, urutamari kis Isuspat ipunatssa. Ashiri shingtsa, nuw siyaa ksutamapaneetsis atashina.

1 Wangarini 3:16

Itaru, Isus iyaa chinamaam yapstarangiya. Isus waanaatsi tsipun nda pachindarangu iyaam tsiparangiya. Ashirangu anumun chinamaa mangoonkini. Ashirucha, Isussha iyaa: Nuw tamarangparina ashikpaz shingtsa; kiyung kachiykitaateesa, tsipakitaateesa, tputs wamin shingtsa tiya. Nuwachichpatartis zuwanlleemawis yuw nuwaanchichitis anis saanpatatam saanaatsi tsipaneetsis pchindintspa, tárangiya.

Apanll ashtachu anu 7:17

Apanll Opeejarini waparimun watsirari kuxineeru waanaatsi tiptsir ishinchiya. Taarashee urutamash panachiya. Kungumun wanasirimshimun tamapari ashiru ishinchiya mapiyru taamaama. Sheeru, Apanllsha anush ksushee ichinguru kapeetchiya. Ndusha kiyung kachiychinllinaya; ayamta tanuchazinllinaja, ndambaree, wachin, tárangiya nuwaatsi. Ashiri yuwaa Isus tiptsir Apanllush shaniychinllina anoo kamaneena.