Tayusima 9:9 - Candoshi-Shapra

⁹ Itaru, nuwsha machip káreeranlluri, Apanllee kamachtamarini, yuwaa Apanll siyaa kamachtarangu anoo, patumbchimun yandamaa yati aturi, naatarangina. Nuwsha anush machip ichingaru 40 zar kaschir psaanpatatam aship taarangina. Nda pakchiyam katungaranguri, misha waamaatstam nda pakchiyam waarangina. Marizpatari taarangina.

Tayusima 9:9 Iomraidhean Croise

1 Utaáchich kuraka 19:8

Elíyassha anuritam chiyzayaru, katungeeru, kungootsitam waarangiya. Ashirangu, ansha katungats wizpureem panarangu, mang' sitatseerangu, aranginasha naayaranllu, apusari 40 zar kaschir, 40 zaritam psaan ashiru kachingeeranllu, tsap Orebash yuwash Apanll wan taarangu anush kusarangiya.

2 Utaáchich kuraka 6:22

itaru Elisewsha, Nduni. Pcharintspa. ¿Mayaamaja pachachich? watam tapazish putayariniwa. Katungtsina yáyarus, maritangints. Sheerus, kungutam waamaam panangints. Wayarusin, waani urkarpitam kanapunllina, tárangiya.

Tashitungarangu 24:12

Ashiri Taarashipan Móysisee tárangiya; Na shiysha aranginasha nuwanung káreerush, anush nuwaam k'tangcha. Shiyaam patumbich táwar tamapari ashiru panachinllpa. Patumbchimun nuwaanaatsi kamachtamari yandayaruri panachinllpa, tárangiya.

Tashitungarangu 24:15

Ántarangu, Móysisi machip Sinayap aranginash íwari kárirangiya. Móysissha kárirangu, msassha kizpur tuwapi machee yambutarangiya. Mishat, Taarashipan wizpur kizpur 'sineerangiya.

Tashitungarangu 24:18

Itaru, Móysissha msasush Taarashipanip pshturangiya. Sheeru, machpiri ipunpunar chunga zari psaanpatari zapshtarangiya. Ashiri na kamaneena yuwaa Móysisi machip Sinayap yusur kárirangu anootsi.

Tashitungarangu 32:1

Ashiri Israelchich táranganaya ashparitin, ¿Tamarangshtaja Móysisee? ¿Tamashta nda kusak? ¿Yapishtaja Móysis naatarang? táranganaya. Ashiriya, washunandsha shaniyarsin, Aaronaatssha táranganaya, Ashiri shiy tinangi Apanlleema yaama Apanllirini iyaa ksutamaama, watam nda yasakaniwa; ¿Yapamasaja Móysis naatarang? yuw iyaa Ijiptosh tsap tashitungarangu anu. Watam izuuru tsipayaranlluwa, táranganaya. Itaru, ¿iyaa tamari Apanll machich? ¿watam Móysis iyash ndunariwa? Israelchich táranganaya.

Tashitungarangu 34:28

Ashiri Móysisi anpari Taarashipanpat tsiyatku ipunpunar chunga zari psaanpatari zapshtarangiya. Nda katungku, misha nduntam waaku, taarangiya. Ashiri Taarashipansha yusur táwaramun patumbchimun waanaatsee wamachtash, minam chunga, yandarangiya. Yandamaam iwaparamchu, Móysiseem panarangiya. Ashiri na kamaneena yuwaa Apanll yusur kamachtamarineetsi patumbchimun yandarangu, mishat Israelchichee yusur tiptsireem ínarangu anootsi.

Matiwarini 4:2

Anush Isus 40 maats taarangiya. Nda katungku kizpur mariztarangiya. 40 maats tushiyaramchu,

Gálatasshcheema 4:24

Nish tsiyatsis pishum taariya iyaa tayaspatamaama. In tsimbun kiz k'kuz tamapari ashiru tsimbun taariya. Mashingamarini Apramarin wizanll muchchur Apanllpat kamachtamarini sirapuchpat tatsamkiya. Itaru, ichtamarinsha wizanll Isuspat kuk tatsamkiya. Sirútari zitaminarini machish Sinayash sura taarangusin, anush Apanll Móysisarinee tuyandarangiya waanaatsi kamachtamarini. Chiy anoo kuk payukuch, muchchureempaz wip ashiru kinachich; kiyung kachiykich. Kiz muchchur sura Akararincha.

Tayusima 8:3

Marizpa siyaa kiyung yacharangu, itaru anumunsha katungtsee manaa siyaam maritarangiya. Manaa nduntaa patarus, misha zitaminaris nduntam anoo patarusin, itaru siyaamsha maritarangiya. Apanll siyaa mangeemis p'tsimaam ashirangiya. Apanll tárangeeja. ¿Antaatiya tputs katungtsimunamari taarashish urutamash payutareeja? ndambari. Itaru, yuwamunari nuw kamachtaki anumunari urutamari taamaam taariya, Apanll waana siyaa mangeetsis p'tsimaama tárangiya.

Tayusima 9:11

Ashiriya, 40 zar psaanpatatam tushiyramchu, anumun Apanll waanaatsee kamachtamarini patumbchimun yandamaa nuwaam panarangiya. Apanll siyaa kamachtamareetsi mangishis tuminungtsa, tárangu, anoo patumbchimun yandayaru, nuwaam panarangiya.

Tayusima 9:15

Itaru nuwsha; Xamachi Apaa, táranguri, machimand karuweeshinuri, Apanllee kamachtamarini patumbchimun yandam payururi karuweerangina. Machimunsha sumas kizpur kurakurtar ashirangiya.

Tayusima 9:18

Ashiranguri, nuwsha Apanllpa siyaam tsiyatamaam yusur wapitam machip naatarangina. Apanllpa siyaam tutunlltayaruri, tsiyatkuri, 40 zari psaanpatatam nda pakchiyam waakuri, katungkumaatstam nda pakchiyam katungkuri taarangina. Yuwamand siy Apanllee kuk kapeeteerus, yutaritshishish pshturangus, Apanlleetssha kapung tatsiyuntarangis anumanda ashirangina.

Utaáshucheema 9:4

Sheeru, Apanllush pang' wantsshu, tandapunuz arangtachush, kajonaatsi orpat taparayarusin, wayarangana. Anush kzammashee tazuyaru, kzam pchazarangiya. Minusha kajon orpat tapararangana. Sheeru, shatangashimun ush Apanll wipunash tamapari ashtamaru orpatatam ínayarusin wayarangana. Sheeru kajonsha wantsush Apanllush pang' wayarangana kizpur wanasiri anshu. Kajonushshacha Apanllee wayandamari, patumbchimun yandarangu anoo pshtayarusin wayarangana. Mishat, muritssha orpatatam tinayarusin, zitaminarinee watungashi, mana sura pakich pshtayaru, kajonshutam pshtarangana. Mishat, Aaronarini tushuwshini yuw chaptarangu anootstam kajonshutam pshtarangana. Tputssha an kajon: Apanll kajonarini, ísamarangana.