Tayusima 9:2 - Candoshi-Shapra

² Anchich tputs wazuraneewsincha, watam Anakarinchichiniwa. Ashirucha, anchicheeru ichingaroo wazuranirini tputs waamari kasiranaya. Siysa yuwaa tputs ¿chakaja anchichpat tputs minumtiyam tatsamooch? átarana anoo siy yasartamtischa.

Tayusima 9:2 Iomraidhean Croise

Tashitungarangu 9:11

Itaru, wishunsha nda amb ashiranganaya. Nda Móysispa tatsamooranganaya, watam waanaatstatam wishunu chit tsutarangitamtawa. Mishat, watam ichinguru Ijiptoshchee tputs shuneeru chit tsutataranguwa.

Amosa 2:9

Síru nuw siyaa Israelchicheetsis chinaranguri, apusap machimaam Amorrewshuch tputs kizpureewaatstaa, karipan tamapari ashirusin wazuraneewtaa taarangsin, ashiritaa anoo tpachingarangina.

Masatarangana 13:28

Itaru, Kanaanshuchshitisin tputs kizpurinandari taaranaya. Yaktarinshitini kapungtamta. Waanaatsi watsapun wanasir patumbichpa ashchiri yakat kámanarsin taaranaya. Mishat, Anakarinchicheetstam tputs anush taarusin paranginiya. Uwshtisin wanuts kapungu wazuraneew taaranaya.

Masatarangana 13:33

Wamaritssin iyashchee tputs wanuts kasiksirnaya. Anakarinchicheetstam tputs anush parangitamaniya. Iyshat anush kusaranguni, annung watsiri káyamaranguni, iyapa nutsini táchkuni, iyshat ashcheewshitini pchichini pakcheewshitiniya. Ashirucha, uwshtisin iyaa nutsini pakcheewatsini kis naparanganaya, puniksin táranganaya. Ashiriya, na kamaneena yuwaa Móysisi tiptsir Kanaanap tsap nareeshinusin, Móysisaatssha kamanirangana anootsi.

Tayusima 7:24

Apanll waana kurakaatstaa siyamarisha kasimaam wayachiya. Ashkachus, ayamtaatiya anoo kurakaa tputs chinachazinllinaja; watstamamari mbizachinllinaya. Siyamari kurakaa ichingaru kasirus taatssa. Siyamari kachingatssa.