Tayusima 8:2 - Candoshi-Shapra

² Itaru, yuwash Apanll Taarashipan siyaa 40 masach tsap upusap machirangu anoo mbizarintspa. Amb, upusap xitangat ashirangus, waana Apanll siyaa yachapi átu, ¿kamapari nuwamun mang' tatkeesinaya, nuwaa kuki payuchinllinaya? átu siyaa kiyung yacharangiya.

Tayusima 8:2 Iomraidhean Croise

Apanll chtarangu 22:1

Anumunsha zapish Aprahamarini wip kanungaramchu, anush Apanll Aprahamarineetsi yacharangiya taárasheetsi. ¿Zurkeeja nuwaa kuki payuk? átu, Apanll Aprahamarinee yacharangiya. Apanllsha: Aprahamaa, táyaru, Aprahamsha: ¿Mayaa? tárangiya.

Nehemiyasa 9:19

shiysha Apaa, kchinamsheerush, upusap ambiri tsipamaam nda wayarangsha. Kaschir naamaam msas ashiru mzeetar ashirangu, mishat psaantam naamaam sumas ashiru kurakurtar ashirangu, ngootsush nda masatamaama wayarangsha.

Salmos 103:2

Apaa, ungirtakuri taachima. Wanip nuwaa istarangsha. Kapung istarangsha. Nuw anoo ayamamtiyam nda mbizachina.

Tashitungarangu 15:25

Ashiriya, Móysissha Taarashipanee mashirangiya; ¿Tamaycheezi nuwa? Apaa, tárangiya. Ashiri Taarashipansha, Yasinaa kungumun wing Móysisee, yámandangcha, tárangiya. Ashiri Móysissha yasinaa ichipeeru, kungush kapeetarangiya. Ashkachu, kungsha misingapsheem kinarangiya. Ashiri anush Taarashipani Israelchichee, yachaku ashirangiya. Kamaparee nuwaa chinakeesinaya, nuwamun mang' tatchinllinaya, tárangiya. Sheeru, Israelchichee tárangiya;

Tashitungarangu 16:35

Ashiri ichingurusin Israelchich manaa ipunpunar chung masachi katungkusin taaranganaya. Ashiri anuri katungamchusin, Kanaannung tsap kuseersin, izuurishat manaa pastarangiya. Ayamtaa Taarashipan manaa nda zanganirangiya. Sheersin, kuseersin, anshurisha Kanaanshurishat izuurisha taararanganaya.

Tashitungarangu 16:4

Ashiri Taarashipansha tputsee kuk mazinayaru, Móysisee tárangiya; Ashiriya, nuw katungtsee íwarpichee zanganchima. Zar puturta, sin tamaparee ashiru katungats sinakpaz ashiru parat ashchiya. Ichinguru zar puturi, putam putam ashiru katungats zanganchima. Itaru, tputssha minamtamari zar tatsamooru katungamaama tapuyachinllinpa. Arangeem yanuru tapuyarusinapa. Itaru, tputsee kamaningtsa; Zar tsimbun mataykachu anush, viernesash zari, yanusha zapan tapuyangtsa sabadshutam katungamaama, tángcha. Itaru, nuwaana napchima; nuwaa kuki tputs zurampataya payuksin, kamapari anuri tuminchinlliniya, tárangiya. Ashiri na yachachima anumun nuw yasachima, Taarashipan tárangiya.

Tashitungarangu 20:20

Ashiri Móysissha; Punirintspa. Apanll siyaa yachaku ashkiya. Nuwaa kuki mazinayarusin, puniksin, izuuru nuwaa kuki payupana, átu, siyaa kamanirangiya. Mishat, punirsin, nda yutaritshishee chinapana, átu ashkiya, Móysisi Israelchichee tárangiya.

Jeremiyasa 2:6

Nuw siyaa Ijipto tashitungayaruri, apusap yap kung ndunari tsap puza machinandari taaru, tputs nda minumtiyam taam waninda, izuuru wamsanmuna, tsipats siyash watsirita tachitarangtaa, ashiritaa nuw amb wanasir machtarangi. ¿Nda anoo mangishish chinaksa? ¿Mayaamsa nuwaa watstamari kasarangsa?

Amosa 2:10

Sheeruri, siyaatssha Ijiptoo tsap tashitungayaruri, apusap machiranguri, amb cuarenta masach maarangis, anush nuw siyaa ksutarangina. Amorrewshuchee tputs watsapun itutseeruri, siyaamsha panarangina. Ashirangtaati, siysa nuwaa ngataksa.

Masatarangana 14:33

Ashkachus, iparshitis chinuzpan tputs tamatarpari ashirusin mangutari masarsin, apusap tsap xitangat ashkusin, 40 masach taachinllinaya. Ashkusin, siyamand wachinamandis yutaritshishiris kiyung kachiykusin taachinllinaya. Saantana wachinis tsiparamchus, anumun iwaz ashchinllinaya.

Lukasarini 18:14

Ashiriya, nuwsha siyaa atashina; mang, tárangu Isusu. Apanll anoo tputs istarangiya. Yutaritshishirineetsi tachingarangiya. Apanlleem uru ashtariya. Tputs waanaatsi ungirtakachu, Apanllsha nda istachiya. Itaru, tputs Apanllee istanda tákchu, Apanllsha kapung istachiya; mang, tárangiya Isusu. Yuwaa Isus Apanllpat tsiyatamaam tayaspataku, tárangu anoo kamaneena.

Wangarini 2:25

Nduntaa tputs kamanku, itaru Isus tputsee mang' natstarangiya. Kizpur yasarangiya. Ashiri yuwaa Isus Apanllish pang' tputsee nambarangu anoo kamaneena.

Tayusima 1:3

Iwamun Israelchich Ijiptosh tsap shitungarangana anumun iwaz, 40 masach tushiyramchu, anumunsha 11 tsup kaneeschiri yáyaru anush Móysis Israelchichee Apanllee kamachtamarini, yusur tayuseeru ichingaroo kamanirangiya.

Tayusima 13:3

siysa yuwaa átu anoo pakchiyam kukoo payurintspa. Watam Apanll waana amb ashiru siyaam yachachuwa. ¿Kamapari zurampatartaya nuwaa mangpatari chinaksin, anoo ngichiz nda payuchinllinaya? átu yachachiya.

Tayusima 32:7

Ashiriya, na kaapaniri mangishish chinangantsa yuwaa Apanll sirútama tamayaranlleeja anootsi. ¿Wandaya anoo yasamaam nda waritakus? Ashiri apareetsshitis mashangtsa, nduntaatiya ashiru, siy maachiritaatsis kizpur wachina, pachireewatsis saanpata mashangtsa. Uwshapari siyaa ichingaru kamanchiya.

Tayusima 7:18

Itaru anshuchee tputs punirintspa. Apanll Parawaa tiptsirpatari waneerangu anoo mangishis mbizarintspa.

Tayusima 8:16

Mishat, siyaa amb apusap machirangu, siyaam katungtsee martarangiya yuwaamshee nda katungats pataris, misha sirútamastaatiya zitamin nda pataru anumashee siyaamsha martarangiya. Apanll waana ashimaam siyaa waanaatsi mangoonamaama yapstarangiya. Amb ashishtar ashku, uru siyaa aranginasha istamaam chinarangiya.

Sandeekurini 4:10

Apaa, nuw yutarittana, tángtsa. Atinaareesa ashiru, Apanllsha kizpur istachintsa siyaatsiya. Ashirucha, yutaritshishee chinarintspa atashina.

Sandeekurini 4:6

Ashiriya, Apanlleetsimari chinakinaareesa ashiru, Apanll siyaa istachapantsa; watam waana kuk, táranguwa. Yuw tputs nuwaanaatsi chinakana anoo kizpur istachima, itaru yuwaatssha nda nuwaanaatsi chinakana anoo wanichima; tárangiya Apanlli.

1 Pitorurini 1:7

Apanll siyaa ksumish chinaku, Tputsiri nuwaa izuuru mangoonachpa átu, siyaam natumasam kiyung kachiyamaam wayakiya. Napa; ¿oroo tamatareezich? Tsarunarini kapeetamaam sumasush ipusamaam wayatarich, ashikpaz ashkiya mangeetsis. Orsha pastakchitaa, itaru siy urutamari taatssa. Aranginashaparee wanasirimshiri taachpa átu, Apanll siyaa ashkiya. Ashiriya, kiyung kachiykitaatis sambaytarintspa, Apanllimun mangis tatungtsa. Isussha yusur kuskachu, siyaa yasakchu, Nuwamun mang' kapung taturangsa, kiyung kachiyarangtaatis, tákchu, siyaa kis napchiya. Siyaa wanasiri tsiyatchiya. Urutamari Isuspat kis ipunatssa.

Apanll ashtachu anu 2:23

Mishat, tputs anush kiz tachitarangu anoo ichinguru pachachima. Ashkachuri, tputsiri ichinguru nuwaa yasakchusin, tayuchpasinaya; áttanda tánllcha. Tputs mangush chinakana anoo ichinguru yasaktana; zandkana anoo ichingurutam natstakina. Nuwaana yasayaruri, tatsamooritam waneekina; áttanda tánllcha.

Kurak tsipasa 2:22

Táyaru, Na nuwsha anoo tsapurunas ksutchima. ¿Tamapari Israelchich nuwaa kuki payuchinllinaya? Sirútama zitaminarni tamarangpasinaya ashtachinllinaya; izuuru nuwaa kuki payuchinllinaya, Apanll tárangiya.