Tayusima 4:6 - Candoshi-Shapra

⁶ Tatsamoongtsa, misha tuminungtsa. Siy amb ashkachus, tputs siyaa, In tputs tamara, mangpatari taakanaya, táchapsinaya. Apanllee kamachtamarini mazinaksin; In tputs zurampatari yasampansincha, misha chinampansincha, siyaa táchpasinaya.

Tayusima 4:6 Iomraidhean Croise

Salmos 19:7

Apanlli kuk kizpurcha wanasiri. Apanll nda minamtiyam yutarit tsiyatarangiya. Ichinguru tputs Apanllee kuk mangoonamaam taariya. Tputs mang' nduntaa, itaru Apanllee kuk mangoonku, yasampaz ashiru wanasiri chinakiya.

Salmos 19:8

Apanll kuk iyaam itsinsaru taamaam kamankiya. Tputssha payukinaariya, kissha taachiya. Apanll kuk nda minamtiyam yutam kamankiya. Tputsush mang' tuwasineekiya wanasiri chinamaama.

Daniela 1:20

Anush taarangsin, kurak Nabukodonosor yachamaam yasampaneewaa kuruzurangu, itaru Danielsha, wipunashpatari wamaritssin yasampanee kasiranganaya. Uru wanasiri kurakaa kamaniranganaya. Wishunootstam mishat yasampaneewaatstam wamaritssin kasiranganiya.

Daniela 4:9

Belsasaraa, nuw shiyaa yasampaneem urkar wayarangina. Urutari Apanll wani shiyash taakiya. Anoo nuw yasakina. Ashiri Apanll wani shiyash taaku, mangeetsish p'tseeku, yuwaa ashtachu anoo yasaksha. Ashiri na shiyaa pamazumareetsi kamanchinllpa. Shiysha nuwaa itsinsaru kamaningandama. ¿Mayaja nuwaam tushiych?

Malakiyasa 3:12

Ashkachus, minchichsha tputs ichingarusin siyaa yasaksin, ¿Tamaru Apanll Utaáchchee istaka? tákchinllinaya. Watam siyamari tsapunis kizpur wanasir taachuwa. Nuw Apanlltana. Taarashipantana. Nuwamari kasirina. Ashiri nuwaa kuki mazinangtsa, atashina, Apanll siyaa átcha. Na kamaneena yuwaa Apanll, Nuwash pangi chineetsis, mishat tatsumareetsis tatsamooru wayangints, tárangu anootsi.

Tayusima 32:46

Ashiriya, na in zar tsiyatssee Apanllee kuk ichingarus mazinayarus, mangiptis chinangtsa. Ipareetstamtis tayaspatangtsa. Nee tsiyatsis wanasirimshee, Apanllee kamachtamarini urutamarisha payungtsa.

Tayusima 32:47

Mangutaritis iwaziri mazinakus, ¿ashinooja mangoonchis? Kitsiptis izuuru mazinangtsa. An Apanll kamachtamarini siyaam taarashishcha. Anoo tsiyatsis payukinaareesa ashiru, Kanaanash tsap urutamaripa zapan masach taatssa, yuwash Apanll siyaam Ortaga arachich panachintspa tárangu ambiya, Móysis Israelchichee tárangiya. Ashiriya, na kamaneena yuwaa Móysis Israelchichee yuwamunarisha iwatspakamchu, waneerangu anootsi.

2 Tímoteyurineema 3:15

Nllurtamasish uru Apanllee kuk kis mazinarangsha; Apanllee yandamarini yasarangitamsha. Apanll kuk kizpur wanasircha; mangeemich kapung panakiya. Isusoo mangoonamaam istakiya. Isusumun mangich tatkuch, Isussha yashingoo itutskiya chiyaatsi. Ashiri uru payungcha tina.

Sandeekurini 3:13

Mangis taarinaari, mangiptis taangtsa. Wanasir taangtsa. Tputsee chinangtsa. Ashkinaareesa, mangooz kapung payutssa.