Tayusima 26:6 - Candoshi-Shapra

⁶ Itaru, Ijiptoshsha tsap taakuni, iyaa anshuch tputs kiyung yacharanganaya. Iyaa muchchureem ínarangusin, putayarusin, kizpur waneeranganaya.

Tayusima 26:6 Iomraidhean Croise

Tashitungarangu 1:11

Amb tárangu, arangeem Israelchich tputs pzapanitpa átu, Israelchichee kiyung yachamaam chtarangiya. Ijiptoshchee tputs tarawzipaneem urkar ínarangu, uwshitisin Israelchichee tputs pangus kapunguw tsimbun pangumaam kamachtaranganaya. Anoo yakat ísamaranganaya Pitona, misha Ramsisa. Ashiriya, anushsha pangusish katungtsee Ijiptoshcheem kurak ichinguru wayaranganaya.

Tashitungarangu 1:14

Ladrichoo tinamaam itarawaztaranganaya. Tinaksin, tsapupat, misha masharpat aship íseersin, tinaranganaya. Sheersin, anpasha panguseem kapung panguranganaya. Mishat, mazareemtam itarawaztarangitamsinaya. Itaru, ashiritaa, Israelchich aranginasha pzapaneerangiya. Ashiriya, na kamaneena yuwaa Ijiptoshuch kurak Israelchichee muchchureem ínarangana anootsi.

Tashitungarangu 1:16

Ashiriya, siysa kizaa ksutkus, yuwaa wip kamuz nllurtakachu anoo pchangtsa. Itaru, wandaya wip kiz nllurtakachu, anootsinaa ksangtsa; waani taachpa, tárangiya.

Tashitungarangu 1:22

Anumandshat, Ijiptoshuchsha kurak kizpur tsiyantarangu, tiptsiree: Ichinguroo Israelchichee wip yuwaa kamuz nllurtakachu anoo pakchus, kungush kpitangtsa. Itaru, wip kizaya nllurtakachu, anootsinaa ksangtsa; waani taachpa, kurak tárangiya. Ashiriya, na kamaneena yuwaa Israelchichee wip kamuzaa kungush kpitangtsa kurak tárangu anootsi.

Tashitungarangu 1:8

Ashiriya, zapshinaa Osiyarini kurak tsiparamchu, anumun zapan masach tushiyramchu, nllitarisha tputs Ijiptoshcheem kurak kinarangiya. Ashirucha, yuw kaneesich kurak kinayaru an Osiyarinee nda yasarangiya, yuwaa Osiyarini kurakaam kinaru, Ijiptoshchee tputs ksutarangu anootsi. Amb ashirangu, Israelchichee tputs nda pakchiyam nayanirangiya.

Tashitungarangu 5:19

Ashiriya, kurakaa kuk mazinayarusin, yuwaa kurak ladrichoo tatsamooru wayangtsa, tárangu anoo kapung punirangusin, waptam kanapuranganaya.

Tashitungarangu 5:9

Itaru, siysa ashiritaa aranginasha kizpurinasha itarawaztangtsa. Ashiri uwshtisin kapung tarawaztaksin, mapeeksin, mapiyashtisin patatchinlliniya. Yuwaa Móysis mangu ngichku átu anoo nda chinachinlliniya. Mishat, Aaronaatstam kuk nda payuchinlliniya, Ijiptoshuch kurak tarawzipanee urkar tárangiya.

Masatarangana 20:15

Watam iyashuch zitaminarni Ijiptop tsap naatarangsin, ambiri zapan masach taarangsin, itaru Ijiptoshuchshitisin tputs iyashchee zitaminarni nda wanasir chinarangusin, kapung natsataranaya. Iyaatssha ashirangtamsinaya. Iyaa kiyung yacharanganaya.

Tayusima 26:7

Amb ashiru taakuni, Apaa, shiyaatssha masharanginiya. Shiysha iyaa k'keetsini mazinarangsha. Parangitamtish yuwaa kiyung kachiykini anootsi. Anshuri tuxaramani kiyung kachiykuni taaranganiya.

Tayusima 4:20

Siy Ijiptosh tsap taarangus, sumasishpaz ashiru kiyung kachiykus taarangsa. Itaru Apanllsha siyaa Ijiptosh tsap tashitungarangu, siy kizpurtarangus, ngusamb mbammash sumasish pshtam tamapari ashiru shitungarangsa. Sheeru, Apanllsha siyaa; Nuwaanacha tputsiri, tárangiya.