Tayusima 26:10 - Candoshi-Shapra

¹⁰ Ashirucha, shaana iyaam panarangush, iysha na in wanusee kaneeschiri yusiyrangu anootssha pusaranguni, nish yushindaranginiya shiyaama, tángtsa. Tsumbootssha Apanllish suma wayayarus, Apanlleetssha anshuri tutunlltayarus ungirtangtsa.

Tayusima 26:10 Iomraidhean Croise

Salmos 22:27

Ichingaru minshucheewis tsapurunasis, arapcheewtamtis, Apanllee kuk mazinakchus, mangoonkachus, tutunlltayarus, Apanlleetsimarisha ungirtangtsa.

Salmos 22:29

Yuwis maacheetsi zapan payukis anis, Apanlleetsimarishat chinayarus ungirtangtsa. Watam siysa uru tsipachtamsawa. Siy saanamuntari wizpuriris urutamari taamaam pinasaksawa.

Salmos 95:6

Ashirucha, naanints. Ungirtayani Apareetsich. Tuchimtayaruni, wánungeetari ungirtayani Apareetsich. Watam iyaamtam tinaranguwa, atina.

Romshucheema 2:1

Ashpatam tputs atana; Ashiri nuwna kamungachshaparina, watam an tputs tamapari ashiruri nda kizpur yutarit taakinawa; atana. Itaru, nuwsha táshina; tputs titaatiya, waana chayarini taaritamta. Waa wanimaam waritartamta.

1 Koríndshucheema 10:31

Nuwsha: Zuraktishcha, atina. Itaru, niri chinangtsa. Mayamasaja chinakush, ashpi átush, Apanll nuwaa kis napchinda átush, anoo shingcha. Katungpi atinaareesha ashiru, Apanllee zurampatari chinayarush, ktungangcha. Tputs shiyaa pakchusin, uwshtisin Apanllee chinachpasinaya, atina.

Tayusima 26:17

Watam na in saana wanasiritaatsiri Apanllee kamanirangsawa. Saana Taarashipanee, Apaa, shiyaa iycha Aparini. Shiyash nungishish tachitamaam zandaktanicha. Yuwaa kamachtarangish anoo k'keetsis tuminuchpariniya. Izuurupari payuchiniya, tárangsa.

Tayusima 26:2

ichingaru masach tatsumaris ichtakachuri kayanakchu, anoo pusayarus, tsumburshis pshtayarus, Apanlleemsha wayangtsa. Yap Apanll waanaatsi ungirtamaam ipuskachu anush wayayarus, Apanllee, Wappari, tángtsa.

Tayusima 26:4

Ashiriya, yuwaa tsumbush payurish anoo apanllpansha urkar yáyaru, uwsha Apanllish wasum ungirtamaam wayachiya.

Tayusima 8:18

Apanlleetsimari ichingaru zar chinangcha. Watam waana zandarangu siyaam tuwizpurtarangu, kapung maacheetsi payumaama panarangiya. Yuwaa sirútama zitaminarineetsis; Nuw siyaam tsapoo panachintspa, tárangu, anoo na siyaamsha panarangiya.

Apanll ashtachu anu 22:9

Itaru, Apanllsha wasundurur nuwaa: Watsta; shiriyshpa. Nuw Apanlltamana muchchuri; nuw shiy tamapari ashiritamana. Zuwanllish ichingurusin Isusoo kuk payukana, nuw ashiritamana. Nuw Apanlleetsimari kuk kamankitamana. Yandarangish anoo nuw payumaam waritaktamana. Apanllee nuw kurakartana. Ashiri Apanllee ungirtangcha tina, tárangiya.