Tayusima 1:8 - Candoshi-Shapra

⁸ Aship an tsap nuw siyaam tsapuneemis panayana. Ashiri natunaa naayarus, siyamari tputsee kasiyarus tsapuneemarishtis yáttsa. Watam nuw Zurampatari, sirútama zitaminarineetsis Aprahamarineetsi, Isaakarineetsi, misha Akoparineetstam arangeem chinllineemtamtis panachima tárangi anoo. Ashiri na in siyaamsha tsapuneemis panachintspa, Apanll iyaa tárangiya, Móysis tárangiya. Ashiriya, na kamaneena yuwaa Apanll Móysisee, tsapuneemis kapung panachintspa, tárangu anootsi.

Tayusima 1:8 Iomraidhean Croise

Apanll chtarangu 12:7

Anush tsap, Sekemash, yusur Apanll Aprampa tsiyatarangiya: Nuw shiyaam tsapuneemish Kanaanaa panachinllpa, siyachcheemtamta, Apanll tárangu, Apramarinshitini Apanllee ungirtapi átu, patumbich xanateeru, anumun maacheetsi muchirangiya.

Apanll chtarangu 15:18

Anuritam zar psaan Apanll Apramarinpatini amikurtaranganaya. Anshuri Apanll Apramarinee; Nuw shiyachcheem nlluranur watsapuneem kapung panachima; kung Ijiptomand yáyaruri, arangeem kung kapung Eufratis anumun tutsipeeri, yáyaruri panachima, Apanll tárangiya.

Nehemiyasa 9:15

Mishat, tputs mariz kayatkusin, shaana pangaa kanindamand zanganirangsha, nda marizimun kiyung kachiyamaama. Kungootstam patumbchish wayarangsha, nda sachisimun kiyung kachiymaama. Sheerush, Kanaanush tsap kusarangsin, shiysha; Natu, naangints. Tputsee pachayarus, kasiyarus, watsapunee tsapuneemis yángtsa. Nuw siyaam tsapuneemis panachintspa, tárangsha.

Tashitungarangu 33:1

Ashiri Taarashipansha Móysisee tárangiya; Ashiri na shiysha tputsiriptish Kanaanap tsap naangcha. Yuwapat shaana tputsireetsish Ijiptosh tsap tashitungarangish anpat naangcha. Watam nuw sirútama Aprahamarinee, mishat Isaakarinee mishat Akoparinee; Siyaam tsapuneemis panachintspa, táranginawa. Ashiri siysa amb naangtsa, Taarashipani tárangiya.

Masatarangana 14:23

Ashiriya, nuw sirútama zitaminarneetsi, uru nuw siyachcheem chinllinis nee tsap Kanaana panachintspa tárangitaateena, ashiritaa natsha yuwamand nuwaa kuki kapeetarangana anumand ayamtaatiya anchich tputs minumtiyam nda Kanaanash tsap taachinllinaya.

Tayusima 10:11

Nuwaatssha, Na naayarush, shiysha wasina tputsireetsish imazayarush naangcha. Ashkachush, nuwsha tsap ipusarangi, yuwaa sirútama zitaminareetsis nuw siyaam tsapoo panachintspa tárangi anoo siyaamsha panayaruri tatsameeri kasachima, Apanll tárangiya nuwaatsi.

Tayusima 26:15

Ashiriya, Apaa, shiy kanindash kizpur wanasir taakush, anumandari shiy tputsireetsish Israelchichee istangcha. Tsapuneetstamtish ksutangcha. Watam shaana panarangshawa. Nish wakar mimir, kindurtam kung ashiru naantangatu anush kis taakaniya. Yuwaari sirútama iyaa zitaminarni tsiyatarangish anuritam tatsamoorangsha, tángtsa, Apanllee tsiyatkus, Móysis Israelchichee tputs tárangiya. Ashiriya, na kamaneena yuwaa, Tatsumareetsis dies tsumb pusakchus, minamtam tputseemsha panamaam wayangtsa, Móysis Israelchichee tárangu anootsi.

Tayusima 26:3

Anushsha apanllpaneem urkar panangtsa. Sheerus, Apanllpat tsiyatangtsa. Na nuw Apaa, zurampatari kamankina. Shaana nuwaa yasartamtish. Na taariniya yuwash shiy sirútama iyaam zitaminarineetsi, Nuw siyaam tsapuneemis kapung panachintspa tárangish anshu. Apaa, wapparee. Na mzarini taariya, tángtsa.

Tayusima 30:20

Ashiriya, Apanllee chinangtsa. Kukoo payungtsa. Apap nuwaa ksari pangpanda átus, taangtsa. Watam Apanllimunari wizpurini taakaniwa. Wanasirinaari taakus, urutamariparee taatssa yuwash sirútama siyaam zitaminaris Apanll tsapoo Apramarineemi, Isaakarineemtam, Akoparineemtam, Nuw siyaam tsapuneemis kapung panachintspa, tárangu anshuya, Móysis tárangiya Israelchicheetsi. Ashiriya, na kamaneena yuwaa Apanll Israelchichee, Nuw siyaam ayamtaa yusur istachintspa, tárangu anootsi.

Tayusima 31:7

Móysis tsiyatarangu, ichingarusin Israelchich tputs napatarandsin, Josueyaatssha kuruzeeru tsiyatarangiya. Josueyaa, shiysha kizpurtangcha, watam shiytanda nee tputsee yap sirútama siyaam zitaminaris Apanll tsapoo panachintspa tárangu amb machchish.

Tayusima 34:4

Ashiriya, aship ichingaru tsapuranas yámandaramchu anumun Apanll Móysisarinee; In tsapuranas watacha yuw sirútama zitaminarneetsi Apramarinee, misha Isaakarineetstam, misha Akoparineetstam nuw siyaam nlluranur tsapuranasee panachima tárangi anu. Nuwaana zandaranguri, shiyaa; Waani amuyari wachpatari pangap, táranguri, na shiyaam ashchiri yámandaranguri, shiysha anush tsap nduntaa taachush; itaru ashchiri tsapuranasee parangsha, Apanll tárangiya.

Tayusima 4:1

Móysissha: Na Israelchichis mazinangantsa. Nuw siyaa Apanllee kamachtamarini itsinsaru kamanirangina. Ashiri siysa tuminungtsa; kukoo payungtsa. Sirútama Apanll zitaminarineetsis, nee tsap panachintspa, tárangu, na anush tsap siysa taakchus, wamachtasheetstam payukus, urutamari anush tsap wanasir taatssa.

Tayusima 6:10

Ashiriya, na Apanll Taarashipani siyaa zangankachu, siyaam tsapoo panachiya. Sirútama zitaminarineetsi, Aprahamarineetsi, Isaakarineetsi, mishat Akoparineetstam, Kanaanaa tsap siyaam panachintspa, tárangu, na siyaam nlluranureemshitis panachiya. Ansha yakat kizpur wanasirimshi misha kapunguw taariya. Ashich siy nda pangutarus,

Tayusima 7:12

Ashiriya, siy ichingarus Apanllee kamachtamarini na mazinarangus, anuritam tuminkachinareesa, Apanllsha Taarashipan siyaam urutamari kapung istachiya. Zurampatari yuwaa sirútama zitaminarinpa tsiyatarangu anuri tuminchiya.

Tayusima 7:13

Siyaa chinaku uru kapung istachintsa. Iparis zapaneeyarus taatssa. Tatsumareetstamtis tirooku, kizarunaatstam, yasinatam wayungunoom yakana anootstam, misha chineetstamtis, wakaraa wip, opeejata wip ashpari wanasir kanungartachiya. Yuwash tsapoo sirútama siyaam panachintspa tárangu anush taakamchusa.

Tayusima 7:8

Itaru, Apanll siyaa kizpur chinarangu ipusarangiya. Watam sirútama zitaminarneetsini, Nuw siyachcheem izuuru istachima, táranguwa. Ashirucha, anoo tatsampi átu siyaa ipusarangiya. Anumand waana siyaa Ijiptosh tsap tashitungarangiya. Siyaa Ijiptoshuch kurak kiyung yacharangu, muchchureem ínarangitaa, itaru Apanllsha siyaa wizpurpata tapachindarangiya.

Tayusima 8:1

Móysis wand Israelchicheetsi tsiyatarangu: Nuw na siyaa Apanllee kamachtamarini ichingaru kamanirangina. Ashiri siysa anoo tuminungtsa. Ambinaariya ashkachus, uru pzapaneeyarus, siyamari ichingaroo tputs kasiru taatssa, yuwaa Apanll sirútama zitaminarneetsi; Nuw siyaam tsap panachintspa, tárangu anootsiya.

Tayusima 9:5

¿Nitaati siy uru wanasiri taakis, uru chinampanari taakis? Nda. Nda anumand Apanll siyaa tputsee kasimaam istak. Itaru, yuwamand an tputs ichingarusin yutarit taakana anumand arap kapeeteeru kasachiya. Mishat, waanaatsi kuk payumaam yuwaamsha sirútama Aprahamarinee, Isaakarinee, mishat Akoparineetstam tsiyatarangu, anoomsha tatsampi átu ashirangiya.

Utaáshucheema 6:13

Zitaminarini Apramarini izuuru Apanllee kuk payurangiya. Apanllimun mang' kapung taturangu, Apanllsha Apramarineetsi istarangiya.

Utaáshucheema 6:14

Apanll, tárangiya; Nuw Apanlltana. Nuw minamari k'kuz payuktana; ashiri shiyaa aranginasha istachinllpa. Shiyachich tputs pzapanichinllinaya, tárangiya.

Josueya 1:6

Itaru, shiysha kizpurtangcha. Shiyshat tputsireemish ichingaru Israelchicheem tsapu ipuseerush panangcha, Nuwshat yuwaa sirútama zitaminarneetsis tsiyatarangi anoo izuuru tatsamchima.

Kurak tsipasa 2:1

Apanll wasundururee kamachtayaru, Guilgaalamand tsap káyaranllu, Bokimapsha Israelchichee kamankatu naatarangiya. Anushsha Apanll wasundurur kuseeramchu, Nuw siyaa Ijiptosh tsap tashitungarangina. Ashiri yuwaa sirútama siyaam tsap panachima tárangi, anoo na tatsamchima.