Tashitungarangu 15:2 - Candoshi-Shapra

² Ashirucha, anu yaseesshish nuw yaseekina Taarashipaneetsi, watam nuwaa tapachindakuwa, misha nuwaa ksutkuwa. An watacha nuw Apanlliri. Ashirucha, nuw Apanllee ungirtaki. Nuw apari Apanlleetstam ungirtarangu, na nuwsha ashiritam ungirtakina.

Tashitungarangu 15:2 Iomraidhean Croise

Apanll chtarangu 17:7

Itaru, amb ashkachuri, shiyachcheetsimari chinllineetsish, ayamta nllurnureetstamtish kapung chinachima. Urutamari nuw shiyachchee chinllinish ksutkuri taachina. Amb ashkachuri, nuwaatsimari Apanllireemani ínachinllinaya.

Apanll chtarangu 49:18

Tárangu, Apanlleetssha: Apaa, nuwachchee nlluranur ksarinllpa; tapachindangcha, tárangu, anumun yusur minootssha wip tsiyatarangiya.

2 Samuela 22:3

Shiyash patumbich wach tamapari ashiru anush nuw kamungkina; nuwaa tapachindaksha. Mishat, xanxapishpapaz kámanaku ashiru nuwaa wizpurirpatish kámanakush, nuwshat kamungkina. Mishat, arang yuwarpaz kámanaru ashiru anush nuwaa pishuksha. Ashkush, shiyamari wizpurirpatish nuwaa ksutkush taaraasheetsi tapachindaksha. Nuwaa tputs kiyung yachamaam zandarangtaatssin, itaru shiyshat nuwaa tapachindarangsha.

2 Samuela 22:47

Ashiri Apaa, shiyamari urutamari taatsha. Shiyashumari nuw kamungkina. Shiyaatsimari nuw wanasir tsiyatchima. Shiy nuwaa taaraasheetsi tapachindaksha.

2 Samuela 22:51

Shiyamari kasirangush, nuwaatssha kurakaam ínarangsha. Shiy kurakish kizpureerush, shaana nuwaa kurakaam ipusarangsha. Shiy urutamari nuwaa, mishat chinllineetstamti kis napaksha, Dapiy tárangiya. Ashiriya, na kamaneena yuwaa Dapiyarini yaseeku tárangu anootsi.

2 Samuela 7:24

Watam shaana zandarangush, shaama tputsirish Israelchichee ipusarangshawa. Ashiri uwshtisin urutamaritam shiyaa chinachinllinpa. Shiyshat tputsireetsish ashtachtamsha, atina.

2 Samuela 7:5

Ashiriya, shiyshat Natánaa, Dapiyaa kamaningcha, Apanll ateeja shiyaatsi. ¿Antaati kaapa shiyaja nuwaam pangi panguchish? ndunparee.

1 Utaáchich kuraka 8:13

Itaru, Apaa, natsha nuw shiyaam pangeemish pangurangina. Na nish shiyaam pangeemish pangurangi anushsha 'sinishsha taangcha. Urutamari, Apaa, ichingaru zar anush taachsha, tárangiya.

1 Utaáchich kuraka 8:27

Itaru, ¿Apaa, shiy nish tsapuranasish taamaam waritakeezish? Kanindshutaa taamaam shiyamari tatsitkush, ¿tamareeja nishunasha yuwash nuw pangurangi anush taachish?

Salmos 118:14

Apanll nuwaa kasimaam tuwizpurtarangiya. Ashirucha, nuwsha na Apanllee yaseekuri, ungirtakuri taakina. Apanll watacha tapachindampani.

Salmos 118:21

Ashirucha, nuwsha shiyaa, Apaa, wappari, atina, watam shiy nuwaa kuki mazinarangush, nuwaa tapachindarangshawa.

Salmos 118:28

Apaa, shiyaa, Wappari, atina. Shiyamari kasiksha, Shiyaa nuw Apareetseeruri, ungirtakina.

Salmos 145:1

Shiyaa kurakareetseeruri urutamari ungirtakina. Shiyaa chinakina. Ayamtaati shiyaa mbizcheezi. Apaa Taarashipanee, shiyaatsimari ungirtakina. Putam putam shiyaa kis yaseekina.

Salmos 22:10

Ndatumastaa nllurtachuri, shiy uru nuwaa ksutarangsha. Urutari nuw shiyaa aparimuna.

Salmos 22:3

Itaru Apaa, shiyamari wanasirtishcha. Iy Israelchichini shiyaatsimari ungirtakaniya.

Salmos 27:1

Apanll nuwaa mangeetsi tuwasineeku, nuwaa taarashi tapachindakiya. ¿Ashiri nuw mayaatsee punichi? Watam Apanll urutamari nuwaa ksutkuwa. ¿Ashirucha nda puniki?

Salmos 34:3

Ashiriya, na ichingaruni washunand yaseeyani. Apanlleetsimari wanasirimshee ungirtayani, nuw siyaa atina.

Salmos 48:14

Iy Aparini urutamari wamari kasiru taarashipan taakiya. ¡An watacha iyaa itsinsaru urutamari machkiya!

Tashitungarangu 14:13

Itaru, Móysissha; Punirintspa. Mapiyngtsa. Siy izuuru mapiymari mapiyngtsa. Ashiri na Taarashipan iyaa tapachindamaam kuschiya. Naturi Ijiptoshchee puniksa. Itaru, izuuru Ijiptoshuch pastachiya, Móysisi Israelchichee tárangiya.

Tashitungarangu 3:6

Apanllsha: Nuw waatatana Apanlli. Sirútama shiy zitaminarish nuwaa chinaranganaya: Aprahamarini, misha Isaakarini, misha Akoparini aship nuwaa kizpur chinaranganaya, Apanll tárangiya. Móysissha anoo mazinarangu, puniku, Apanllee patareema, átu, wachoo pachtampat kámanarangiya.

Tashitungarangu 4:22

Ashiriya, shiysha parawaa tángcha; Apanll shiyaa ateeja; Nuw Israelchichee kapung chinakina; tputs wipaa iwachiztama chinataru ashiruri nuw Israelchichee kapung chinakina, átcha Apanlli, tángcha.

Tashitungarangu 40:34

Ashiri pangumaam iwapurangusin, anuritam msassha karuweeru, Apanllee pang' yambutarangiya. Anumunsha, Taarashipansha wizpur waanaatsi pang' izuuru tatsitarangu tuwasineerangiya.

Tashitungarangu 6:7

Mishat, na nimunarisha nuw siyaa nuwamatarisha tputsireemi ínachintspa. Sheeruri, siyaa izuuru ksutchintspa. Ashiri siysa nuwaa Apanllireemis ínangandama. Ambi ashkachus, siy nuwaa yasatssa; Siyashchi uru nuwaa; Taarashipani iycha Apanllirini taakiya, táchinllinaya; Ijiptoshuch tputs iyaa kiyung yacharangusin, itaru Apanlli iyaa tapachindarangu. Ijiptosh watsapun iyaa tashitungarangu, siyashchi nuwaa uruta táchinllinaya, átcha Apanlli siyaatsi, tángcha.

Isáysa 49:6

Nuw shiyaa kizpur chinaktana. Arangeem nuwaa istangcha. Nuwaa tputsireetsi, Akoparineetsini mangoo p'tseekchush, Israelchichee katuchimarini nuwaa yusur mangoonkatssin, anush arangeem tsapurunasshuch ztaru tputs nuwaa mangoonchinllinaya. Nuwaa kuki tuwasineekchush, nuwsha tputsee arapcheetstaa tapachindachima. Tsapurunas katuktakachu amb ichingarusin mazinachinllinaya, Apanll nuwaa tárangiya.

Isáysa 66:1

Nuw tsirari kaninda kánuru taariya. Anumand kuxinkuri, kutsi tsapurunasimun katkina. Ashirucha, amb ashkuri, nuw kizpur taakina. ¿Tamareeja siy tputsis nuwaam pangi panguchis? ¿Yapeeja nuwaam kanusamaam panguchis? Izuuru pinasaksa.

Jeremiyasa 31:33

Ndusha ashimaam na in yusur wanasir chinamaam tatsuyakchuri, nuwaanaatsi kamachtamari mangshuwarisha pshtachima. Mishat, nuwaa urutamari chinamaam chínashshutam nuwaanaatsi kuki yandakpaz ashtachima. Ashkachuri, nuwaa Apanllirineemi ínakchusin, nuwsha tputsireemi ínchima. Nuw Taarashipaneeruri zurampatari atina.

Lukasarini 1:77

Itaru, shiy tputsee mang' p'tsichpasha. Apanll iyaa yutaritshishirinee izuuru kapeetchiya,

Wangarini 4:22

Siy Samariyshuchis mangiptis Apanllee nda chinaksa; nda itsinsaru mangoonaksa. Itaru, iy Utaáshuchini Apanllee itsinsaru mangoonkiniya. Aparichsha Utaáshuchish waanaatsi wip zanganeeru, tputsee ichinguru tapachindachiya; kamungshisheem wayachiya.

Wangarini 5:23

Tputs ipareetsi chinapana átu nuwaa kamachtarangiya. Apapaa chinakana ashiritam nuwaa chinamaam waritakiya. Ashiriya, tputs nuwaa nda kuki payuku, Apapaatstam kuk nda payukiya, watam Apap nuwaa zanganiranguwa. Tputs nda nuwaa chinaku, Apapaatstam nda chinakiya. Tatsamooriniya iya.

Tayaspatampanirini 4:12

tapachindampaneema. Nllitarit tputs tapachindampani wanindaja. Tsapurunasshuch nllitari nduncha tapachindamaama; Pitor tárangiya.

2 Koríndshucheema 5:19

Apanll waantari ztaru tputsee tatsuyamaam zandarangu, Isusoo zanganirangiya. Isussha iyamand yutaritshishirini tsiparangu, tumashirineetsini ichinguru tuwaparangiya. Anumun Apanllsha iyaa kis chinakiya. Sheeru, anoo tsiyatsis nuwash wayarangiya. Shiysha tputsee nuwaa kuki kamaningcha, tárangiya nuwaatsi.

Tayusima 10:21

Siy Apanlleetsimari chinakus ungirtangtsa. Apanll minumaritcha taaksha, siy Apanllirisa. Siyaa tapachindamaam wanip wizpurpat istaranga. Siy ichingurus Apanllee wizpur parangsa.

Felipshucheema 4:13

Watam Isus nuwaam wizpuririni panakiya mapiyruri taamaama.

Kólosénshucheema 2:9

Itaru, Isus kikiritcha Apanllirita. Apanllpat Isuspat izuuru tatsamkanaya. Wamaritcha Isus ashkasha. Itaru, siysa Isuschicheem tiptsiri kinayanllus tatsamooktischa. Sheenllus, ¿mayaja siyaam pishtach? ¿Mayaama chiy arangeem ngutich chinachich?

Apanll ashtachu anu 15:3

Apanllee yaseerangana. Móysisarineetsini wayasi yaseeranganaya; watam Móysisarin Apanllee uru chinaranguwa. Isusoo wayasi yaseerangitamanaya. Yaseeksin, tárangana; Apaa, shiy kizpurtishcha. Shiyamari kasiksha. Shiyamari kuraktishcha. Shiyash ngichiz wanindaja. Shiy uru itsinsaru chinakush, wanasirinandari kamachtaksha. Shiy waneekush, ksumish punikaniya. Iyaa istakush, izuuru iyaa tapachindaksha, Apaa. Urutamari shiy kuraktishcha; tsapurunasshuchee shiyamari kasiksha, Apaa.

Apanll ashtachu anu 19:1

Anumunshat nllitarit nuw mazinarangina. Tputsee kuk zapani kanindap kizpur kimarangiya; Apaa, shiy kizpurtishcha, tárangana. Apaa, shiyamari kasiksha. Shiyamari iyaa tapachindaksha. Shiyaatsimari chinakaniya.

Kurak tsipasa 5:21

Sirútama, yuwapur Sisarpat warataranguni, iyamari tachiteeranlluni, pachakatanuni, Kisunapsha tsap kusatan ashiranguni, Ichingaru ashpartaa kundarareetsini kachingaranganiya. Uru arangitamanasha nuw Debori sundaruripti marchakuri, Apanllpa wizpur kasichima, nuw tárangee.