Sandeekurini 5:13 - Candoshi-Shapra

¹³ Mishat, k'kuz kamanchintspa. Kiyung kachiykinaareesa ashiru, Apanllpa tsiyatangtsa. Itaru, mangis ksakinaareesa ashiru, Apanllee seengtsa.

Sandeekurini 5:13 Iomraidhean Croise

Salmos 105:2

Apanllee ungirtakus seengtsa. Iyashchee istamaam ¿waninll Apanll wizpuree yámandaranguwa? Ashiriya, siysa tputsee kaman kaman shingints.

Salmos 118:5

Nuwaam xarashish kapung taarangu, Apanllee, Apaa, istanda, táranguri, Apanllsha nuwaa mazinarangu, tapachindarangiya.

Salmos 91:15

Nuwaa mashkus, nuwsha uru yámchintspa. Nuwaana siyapa washunand taachima. Mangis kapung mantsakus, mangeetsis tuwizpurtachintspa. Tputssha siyaa yasaksin, Apanll waa kapung chinaku istakiya, táchinllinaya.

Salmos 95:2

Ashiri Apanllish pang' pshtuyaruni, Apanlleem yaseeyani. Ungirtayani.

Daniela 5:4

Vinoo waarangusin, mang' ksaksin, apanllputseetssha orpa, mishat ur mburshimashpat tinama, misha yasinaatstam tinama, patumbcheetstam tinamaa ichinguroo kis ungirtaksin, yasiyastangat ashiranganaya.

Jonasa 2:2

Apaa, nuwaanamand yutaritshishiri shiyaa mashkina. Itaru, shiysha Apaa, yuwaa nuw shiyaa mashki anoo mazinangcha. Izuuru tsipamaam waritakuri, shiyaa mashkina.

Jonasa 2:7

Nuw, Tsipachparina, táranguri, anush shiyaa yusur chinarangina. Apaa, pangimandish nuwaa kuki yuwaa mashki anoo mazinarangsha.

Mikiyasa 4:5

Ashiri, minshuch tputs natumasam, waanaatsi apanllputsirini wamachtash payuktaateesinaya. Itaru, iyshat yaanaatstamari Apanllirini kamachtamarini urutamari payuchiniya, nuw Mikiyasi atina. Ashiriya, na kamaneena yuwaa Apanll tsapurunasish kurak taakchu, tputs ichingarusin, nda puniyksin, kis taachinllina anootsi.

Matiwarini 26:30

Ashiriya, waayaruni, Apanllee yaseeyaruni psaanaritam shitungaranganiya. Sheeruni, machip naataranganiya, yap yasin suru Oliva zapan taaru ambi.

Lukasarini 22:44

Ashkitaa, Isus aranginasha mang' mantsarangiya; yusursha kizpur Waparpat tsiyatarangiya. Kapung msastarangiya. Masir yapipiri kuras tamapari ashiru msastayaru, tsapumun xuwat xuwat mang ashirangiya.

Lukasarini 23:42

Isuspasha tsiyatarangiya; Isusoo, yusur kuskachush, shiyamari kasiyarush, nuwaa mbizarinllpa; mang, tárangiya.

1 Koríndshucheema 14:15

Ashiri Apanlleem shaniykus ¿tamaycheezich? ¿Tamanda ateeja? Nuwnaari ashichparina, zuwanllee. Uru mangipti tsiyatachparina. Apanll wizpuririni nuwaa tutsiyachtakchu, uru mangipti tsiyatachparina. Wizpuririnimun Apanllee yaseekchuri, uru mangipti yasichparina.

1 Koríndshucheema 14:26

Mazinangtsa. Wanasir ipunangtsa. Apanllee mangoonpana átus kizpurtamaam istangtsa. Piy shingtsa. Mishat, tputs yaseeku, misha tputs tayaspataku, misha tputs Apanllee nusku kamanku, misha tputs kanizpaz kuk ashiru tsiyatku, misha tputs anoo kuk kamanku shingtsa. Ashiriya, ngutis Apanllee wizpur payurintspa; uru saanpata istamaam shingtsa kizpurtamaama atina.

Ipísshucheema 5:19

Sheerus saanpata Apanllee kuk kis tsiyatangtsa. Apanllee ksatam seengtsa. Yaseekchus, kaapa mangiptartis chinayarus Isusoo seengtsa.

Utaáshucheema 5:7

Ashirucha, Apanll waana Isusoo ipusarangiya yaramapaneema. Itaru, anumand Isussha nish tsapurunasish taarangu, kizpur kiyung kachiyrangiya. Apanll Wipaa watsipun pachindamaam waritarangiya. Itaru, Isus Waparee kuk izuuru tuminpi átu, Istanda, tárangiya. Watsipunumun kapung mang' mantsarangitaa, tanurangu, Waparpat tsiyatarangiya istamaama; nda sambaytamaama. Waparsha wipaa kuk mazinayaru, kizpur istarangiya.

Sandeekurini 5:10

Zuwanllee, sirútama zitamin kamanimapanirini Apanllee kuk kamankusin, kapung kiyung kachiyarangana. Ashiritaa, nda sambaytarangana. Kizpurtaranganaya.

Apanll ashtachu anu 14:3

Kissha yaseeranganaya. Wayassha kaneesich yaseerangana Apanllshuchi tputsi. Apanllee tasasaranganaya. Apanlleetstam wasundurur ipunpunaru tasaseersin, wachinaatstam 24 tasaseersin, Apanllshuch tputs kis yaseeranganaya. Wayasee kaneesich yaseerangusin, itaru nllitari tputs anoo yasimaam pinasaranganaya. Tsapushuch tputs 144,000 annaa anoo yasimaam waritarangitamta; wayasee yasaranganaya, watam tsapurunasush kamungaranganawa; Apanll waana tapachindarangiya.

Apanll ashtachu anu 7:10

Ungirtaksin, k'kuz kizpur zunganeerangana. Apaa, shiy kizpurtishcha. Shiyamari iyaa yashingoo tatutsirangsha; tapachindarangsha. Isusoo, shiy iyaam tapachindamaam tsiparangsha; shiyamari iyaam kamungshini wayarangsha, ántangat ashirangana tputsi.