Sandeekurini 5:11 - Candoshi-Shapra

¹¹ Kizpurtarangana anootssha: Apanll kapung istarangiya atiniya. Jobarineetsi kuk mazinarangsa. Uwsha mang kapungtaa kiyung kachiyarangu, ashiritaa Apanllee nda kasarangiya. Apanll zapshita kapung istarangiya, watam kchínamishcha, misha nayanimpancha. Jobarini tamarangparee siy shingtamtsa; Isusoom k'tangtsa; sambaytarintspa tina.

Sandeekurini 5:11 Iomraidhean Croise

Nehemiyasa 9:17

Shiy zapantaa istarangush, itaru ashiritaa, pakchiyam anoo nda chinamaam zandaranganaya. Waanpatatin tsiyatarangsin; Min kurakaam ipuseeni, iyaa wapitam Ijiptop tsap machimaama, táranganaya. Ijiptoshuch tputs kiyung yacharangitaatssin ashtaa, kanapeeni, táranganaya. Itaru, shiysha Apaa, kchinamsheerush, nda tsiyantarangush, tputsireetsish nda kasarangsha. Kapung chinarangush, nayanirangsha. Nda kapeetamaam zandarangsha.

Nehemiyasa 9:31

Itaru Apaa, shiy ashirangtaatish, nda watstamari tpachingarangsha. Kchinamsheerush, uru tputsireetsish chinarangush, nda kasarangsha.

Jobarini 1:1

Sirútama tputs sura Job tsap Usash taarangiya. Apanllee kapung chinarangu, tputsee tayutaritamaam nda pakchiyam chinarangiya. Ashirucha, tputssha waa nda tayutaritaranganaya.

Jobarini 1:2

Ashiriya, Job wip washunand 10 taarangiya: kamuz 7, kizsha 3, ashiru taarangiya.

Jobarini 2:10

Jobsha wizanllee, ¡Watsta! ¡Yutarit tsiyatinllpa! Wanari Apanll iyaam wanasiri istaku, wanasircha. Itaru, yutarittaati wayaku, ¿mayaamaja yutarit tsiyatchich? Watsta, tárinllpa, tárangiya. Ashiriya, Job amb ashiru chinarangu, kapung yutarit tushiyrangitaa, Apanllee nda mantsir tsiyatarangiya. Ashiri yuwaa Yashing Jobaa tsutashishpat kiyung yacharangu anoo na kamaneena.

Salmos 103:13

Tputs wipaa kizpur chinaku tamatarparee ashiru, Apanll waanaatsi tiptsir chinakiya.

Salmos 103:8

Apanll chinampancha. Nayanimpancha. Tputseetsi chinaku nda mikeeru tsiyantamaam yasariya.

Salmos 116:5

Apanll iyaa taarasheetsini itsinsartaa yasaku, itaru iyaa nayanikiya. Apanll Taarashipan chinampancha.

Salmos 119:132

Shiysha Apaa, uru tputsireetsish chinaksha. Ashiri nuwaa nayanikush istanda.

Salmos 145:8

Watam Taarashipanee, shiy kchinamishshawa. Nayanimpantishcha. Nda musá tsiyantakush, uru iyaa nayaniksha.

Salmos 37:37

Mazinangtsa. Tputs wanasirimish Apanllee kuk payuksin, urutari Apanllish pang' mang' ksaw wanasir taachinlliniya.

Salmos 51:1

Apaa, shiy uru chinampanish taaksha. Ashiri nuwaa nayaninganda. Yutaritshishireetsi tachingandama.

Daniela 9:9

Itaru Apaa, shiy uru tputsee nayanikush, tputssha shiyaa mashku, yutaritshishee mbizamamari tachingangsha. Iy shiyaa kapung tayutaritaranginiya.

Jonasa 4:2

Jonas, Apaa, nuw shiyaa yasaktana. Shiy Apanlltishcha. Taarashipanish chinampanish. Ashirucha shiy nda musá tsiyantaksha. Watam shiy Apaa, kchinamishawa. Ashirucha, nuw tsapunshi taaruri, ¿Antaati shiy Ninipshuchee tunaree wanicheezish? shiyaa tárangashina. Mangupari waneeshish tushiychiya, tárangina. Ashirucha, nuw anumand tsiyantayaruri, Társisup botish suwarangina. Watam shiy wanimaam mapiykshawa. Tunareetstaa wanasir chinaksha, Apaa. Nayanikush nda waneeksha.

Mikiyasa 7:18

Arang Apanll shiy tamaparee ashiru wanindaja. Watam shiyamari tputsireetsish yuwaatsini katuchimini taakini anootsini yutaritshisheetsini tachingeerush, nda yusur chinatshawa. Shiy ¿antaati tsiyantayarush, urutamari taamaam wanindaja? Iyaa uru chinaksha.

Masatarangana 14:18

Mishat, Apaa, watam shiy nuw musá tsiyantama yasareezi, Tputsireetsi kapung chinakina. Tputs yutaritaatstaa nuwaa kuki nda payukana anootstaa, nuw kapung chinakuri yutaritshishirineetsi tachingina, tárangshawa, Apaa. Itaru, yuwaatsimari tputs shiyaa kukish kapeetarangsin, mantsirimash chinarangana anootsimari urutamari waneekush taachsha. Waparimand yutaritshishirini wipaatstam, wachinllinootstam, wachinllinootstam wip urutamari waniwantarush taachsha.

Matiwarini 10:22

Yap naakchis amb tputs nuwamand kamini siyaa natsachinllinaya. Itaru, nda sambaytakus, pachayani atitaatssin, nuwaa kuki nda kapeetkus, Apanll siyaam taarashish urutamashi panachiya.

Lukasarini 1:50

Uru chiyaa tputseetsich nayanikiya. Ayamtaati chinllinini Apanllee chinakchusin, Apanllsha uru istartachiya.

Lukasarini 6:36

Ashiriya, Apanll siyaa nayaniku, siy tputsee yutaritaatstaa nayaningtamtsa; istangtsa.

Romshucheema 2:4

Mishat, shiy ngutish Apanllee niyraksha. Apanllsha chiyaa kizpur chinaku, nda musá waneekiya. Yutaritshishee kasayamasa átu zanariya. ¿Ashiri mayaamshta chiy Apanllee ngatchich?

Ipísshucheema 1:6

Apanllee: shiyaa uru kizpur chinaktanicha atini, watam iyaa kapung istaranguwa. Iy nduntaa waritaranguni, yutaritaatani taaranguni, Apanll iyaa nayanirangu, istarangiya. Waanaatsi Wip kizpur chinarangitaa, iyaam tsipamaam zanganirangiya.

Ipísshucheema 2:4

Iyaa wanimaam waritarangitaa, Apanll kchinamsheeru, iyaa nayaniyaru, kapung istarangu,

Utaáshucheema 10:39

Itaru, iysha nda ashkiniya. ¿Ashiri mayamandaja Apanll iyaa wánich? Ashiri Apanllsha iyaa izuuru tapachindachiya. Ashiri yuwaa Apanll Isuspat ursir iyaa mangeetsini izuuru tachingarangu anoo kamaneena.

Utaáshucheema 3:14

Uru Isusootsimari chinangtsa. Isus iyaa yutaritshishirineetsini tachingeeru, kapeeteeru, mangeetsini yararangiya. Apanllsha waama tiptsiri iyaa ínarangiya. Ashiri zuwanllee, uru anoo chinangtsa; mbizarintspa. Isusoo kuk ksarintspa. Sambaytarintspa. Ngatkinaareesa, kasakinaareesa ¿tamaree Isussha mangeetsis yarach?

Utaáshucheema 3:6

Móysisarin kamanirangiya tsipasi. Itaru, Isussha Waparpat mangush chinarangana anoo izuurisha kamanirangiya. Ashirucha, iysha Isusoo kuk mazinakuni, nda pazikuni, nda kasakuni, uru Apanlleem tiptsiri taakaniya. Ashirucha, Isusoo kuk mangis kis chinangtsa; ksarintspa, nuw siyaa Isuschicheetsis atashina.

Sandeekurini 1:12

Kiyung kachiykus, Yashing' siyaa kapung tamundakinaari, itaru kizpurtakchus, mangis kis taachpasa. Apanll ateeja; Tputs nuwaa chinaku, anoom nuwsha taarashish panachima; atiya. Ashiri, siyaa yashing' tamundakinaari, itaru siy Apanllee uru chinakus, nda kasakus, Apanllsha siyaam taarashish panachparee.

Sandeekurini 1:2

Uru nee yasaktischa, ashiritaa yusur mangeetsis p'tsichintspa. Iy Apanllimun mangini tatkuni, anumand Yashing' iyaa kiyung yachaku, urutari nda achim tamundakiya. Ashkachinaari itaru siy Apanllimun kuk kizpurtayarus, patsisayarus, itamsayarus, kasikchus, ashiri aranginasha Apanllee mangoonatssa; Apanllimun kizpursha taatssa. Ashiriya, Yashing' kiyung yachakinaari, mangis mantsarintspa, atina siyaatsi.

1 Pitorurini 1:13

Apanlleetsimari chinangtsa, watam mangoonaksawa. Yutarit chinarintspa; ksangtsa. Isus yusur kusachpa. Kuskachu iyaa kapung chinaku, kis ipunachchi, mangishis chinayarus tángtsa.

1 Pitorurini 3:14

Isusumand kuk siyaa natsaktaatssin, Apanll anoo yasakiya. Siyaa kis napku, istachiya. Ashiriya, tputs siyaa natsaktaa, punirintspa.

2 Pitorurini 2:9

Itaru, Apanll tputsee waneerangu, Lotarinee yutaritshishpanpata waneerangeeja. Apanll uru ashtariya; yuwaa tputs mantsir taakana anoo wanitariya. Zari yuwash waritakchu anush izuuru wanichiya. Itaru, waanchichitaa tputs uru tapachindatariya.