Sandeekurini 4:9 - Candoshi-Shapra

⁹ Apanllingaz zandkus, mangis mantsayarus, tanungtsa. Sirú yutarit zarungchamamari chinarangus kapung statarsa. Itaru, na tanumaam waritakiya. Sirú yutaritshishee michitarangsa. Itaru, na nimun kapung mangis mantsakinaareesa ashiru;

Sandeekurini 4:9 Iomraidhean Croise

Nehemiyasa 8:9

Ashirucha, amb ashirangsin, Apanllee kuk mazinarangusin, mangoonarangusin, ichingarusin tanuranganaya. Ashiri nuwsha Nehemiyasi ipunishpati, Kapung mangis mantsarintspa, misha tanurintspa, watam Apanllee Taarashipanee ungirtamaam nish zar wayaranginiwa, táranginiya.

Jeremiyasa 31:13

Mishat, mangis mantstaris anoo wanasirsha wayakchu, mangis ksakus, zamamtarus, michitatssa. Kamasinawtam, kanungaseewtam, misha wachinawtam michitatssa. Síru kizpuritaa mangis mantsakus taarangus, itaru na in aranginasha mangis kis taatssa, Apanll siyaa atiya.

Jeremiyasa 31:9

Yutaritshishireetsis kasamaam nuwaa suriptartis tsiyatkus, nuwsha siyaa ngoots wanasirip nda pakchiyam tutumaam waninda, amb machkachuri, kung kizpur zaw ashitaru ashiruri, mikeeruri machintspa. Nuw watatana siy Israelchichis aparis. Nuw ipari iwachiztam watacha Efrayinaya, Apanll tárangiya.

Matiwarini 21:41

Parísiypanshuchsha táyaspatashi: Maya, kuskachu, ksutamapanee nda zapish ichingurusin pachachiya, tárangiya. Sheesha, ksutamapanee nllitarit wanasirimashcha wayachparee. Siysa wanasiri ksutangtsa. Wanusee pchindintspa; táchparee, tárangana.

Matiwarini 5:4

Tputsich yutaritshishimandich mangich mantsakuch waritakcha, watam Apanll mangeetsich yarchiya.

Lukasarini 16:25

Apramarinsha: ¿Mayaama átsha, zuwaa? mang tárangu. Kchitamunish shiyaam nda pishtarangiya. Itaru, Lásar kizpur kiyung kachiyarangiya. Na tsipayachtish, shiysha íteenllsha. Lásarsha kis taaku, itaru shiy kiyung kachiyaksha.

Lukasarini 6:21

Siy na mariz kayatkitaateesa, itaru Apanll siyaa istachapantsa. Siyaam pishtats ndunshaparee. Siy natumasam tanukitaateesa, itaru Apanll siyaa istachapantsa. Mangis kis taatssa.

Lukasarini 6:25

Natumari tazazarus taakus, paptsa; watam mariz kayatatssawa. Na Apanllee mapiykus, sirasireemari taakus, paptsa; watam siy tanutssawa.