Sandeekurini 4:8 - Candoshi-Shapra

⁸ Apanllingaz zandkus, Apanllsha siyaa istachintsa. Yutaritshishpanis, Apanllimun mangeetsis tchingangtsa. Mangishis sarichkus, Apaa, mangeetsi yaranganda tángtsa.

Sandeekurini 4:8 Iomraidhean Croise

Apanll chtarangu 18:23

Aprahamarinisha Apanllee káyamayaru masharangiya; ¿Yuwaptari wanasir tputs taakana anpatari washunand yutaritshishpanpa kapeeteerush kasachish? ¿Nda yuwamand anush yakat tputs 50 wanasirmash taakana anumand nda yaramaam waritak? ¿Yuwaptartaja tputs 50 wanasirimash taarana anpatartaja ashpari kapeeteerush kasachish?

Salmos 145:18

Tputs shiyaa itsinsaru mashku, Istanda, tákchu, shiysha uru mazinaksha. Watam nda arap taakshawa.

Salmos 24:4

Yuw tputs yutaritshishirini tachingama, nda yutaritshishee chinaku, nda apanllputsee ungirtaku, nda ngicheeru tputsee tayutaritku, anumari pshtumaam waritakiya.

Salmos 51:10

Nuwaa mangeetsi mburish tsarun ndunar ksangandama. Sheerush, tuwizpurtangandama, shiyaa itsinsaru chinamaama.

Salmos 73:13

Nuwsha, ngutparina wanasir taakina. Mangi yaram taaktaati, itaru ichinguru zari Apanll nuwaa waneekpaz ashku, kiyung kachiykuri taakinawa, átssincha tputsi.

Salmos 73:28

Itaru, nuwsha shiyaa nda kasakina. Nuw shiyangzimari ipunamaam chinakina. Shiyamunari Apaa, kamungkina. Tputsee kamankuri ¿Wanip nuwaa Apari istaka? táchina. Ashiri, Apaa, wapparee.

Isáysa 58:2

Uru nuwaa mangutari chinamanaa chinakanaya. Mishat, nuwaa yandamari mangutaritam uwish kis payukanaya. Kamachmareetsi kizpur payupani mangu atanaya. Nuwaa, Itsinsar iyaa Apanll yasachpa, mangu atanaya. Nuwash pangi kis pshtukanaya, nuwapa tsiyatamaama. Itaru, mangu ashkanaya.

Esekiyela 18:31

Yuw ichinguru yutaritshishee mantsir patatarangis anoo ksangtsa. Nuw ashkis anoo nda kis naparangina. Ksimun musárangina. Mangooz kaneesichsha chinangints, watam ndunnaa ashkus, Israelchichis uru tsipatssawa.

Malakiyasa 3:7

Zitaminaris nuwaa kuki nda payukanaya. Natsha siysa nduntam nuwaa kuki payukus, ngataksa. Nuw Apanlltana. Nuwamari kasiruri taakina. Ashiriya, siyaa atina; Nuwaa yusur chinayarus, itsinsarus tchitangandama. Ashkachus, nuwsha siyaa yusur chinachintspa. Istachintspa. Itaru, siysa nuwaa; ¿Mayaamsha átsha? ¿Antaati shiyaa kasaranginee? átssa.

Matiwarini 12:33

Mishat, táchintspa; tputs wanasiri mangooz chinaku, wanasiritam tsiyatkiya. Itaru, yutarit chinaku, yutarittam tsiyatkiya. Napa; yasin wanasirimash wanusee wanasiri yusitariya; nda mantsamoo yusitariya. Itaru, yasin yutaritamash wanusee mantsamoo yusikiya; wanasirimash yusikeeja. Wanusimun yasinaa kamiran yasatarich. Tputseetsich ashimaam waritartamta. Tsiyatku anumand kamiran yasamaam taariya.

Matiwarini 15:2

¿Ipunshish mayaamaja nda zitaminaa kuk payukana? ¿Uwee nda kuxeersin katungkanawa? ¿Mayaama uwee nda kuxkana? Zitaminaa kuk niyrkanawa; tárangana.

Matiwarini 27:24

Pilaturinsha mangush chinayaru; Nuwaa kasikchusin, sundarurpati waratareema átu, muchchuree: Kung yátani; táyaru, yáyaru kuxirangiya. Ashiriya, na kuwi kuxeena. Nuwamun tapshimaam na wanindaja, ¿antaati in tputs yutaritaja? Ashiriya, saanamuntari tapshingtsa; tárangiya.

Tayaspatampanirini 15:9

Apanll itsinsaru chinakiya. Mazinantsa; iy Isusumun mangini tatkuni, iyaa tachingarangiya. Tunaree ashirangitamta; Isusumun mang' tatkusin, tachingarangitamta.

2 Koríndshucheema 7:1

Ashiriya, chinaki anis; Apanll anoo átu, siyaatstam mangoonamaam atiya. Payumaam waritariya. Yutaritshishee ichinguru ksangtsa. Mangeetsis yutariteentspa. Nutseetstamtis yutariteentspa. Yarangtsa. Wanasiriri taangtsa, watam Apanlleetsimari chinamaam waritakuwa.

1 Tímoteyurineema 2:8

Ashiriya, tputs Apanlleem shaniykusin, uru ichingurusin Apanllpat tsiyatchinllinpa. Ichinguru kung ashchinllinpa tina. Kamuztisin wanasir taakinaareesinaya, tsiyatchinllinpa. Watseenur taakinaareesinaya, nambanambtangat ashkusin, Apanllpat tsiyatamaam watsitparee.

Utaáshucheema 10:22

Ashiri Apanllpat tsiyatamaam pzirintspa; atashina. ¿Mayamandaja pazichich? Isusumand ursir iyaa izuuru tachingeenlliya. Apanll waana izuuru mapiyanlliya. Ndusha mangini anpat mapchiniya. Yutaritshish chiyaa nutsich ndusha itsachtakiya. Isusumari iyaa istarangu ashkiniya. Pazimaam minamtiyam wanindaja.

Utaáshucheema 7:19

Ashiri waanaatsi Wip tputsee izuurumamarisha istamamari zanganirangiya. Ashiri iysha Isusumun mangini tatkuni, Apanllsha mangeetsini izuuru yarkiya. Mangini kis Apanllpat ipunkiniya, watam Isus Melkis tamapari ashiritamtawa.

Sandeekurini 3:17

Itaru, Apanll mangoozeem panaku an nllitaritcha. Ancha wanasir itsinsaru chinakiya. Tputspatari mapiyru taakiya. Itsinsaru wits mazinakiya. Nayanimpancha. Wanasir taakiya. Tputsee tatsamooru chinakiya. Itsinsaru tsiyatkiya. Ashku an tputs Apanllee mangpatari chinakiya; mangpat taakiya.

1 Pitorurini 1:22

Ashiri mangiptis taangtsa; Apanllee kuk payungtsa. Sirú Apanllee kuk mazinarangus, Mangeetsi yarangandama, Apaa, tárangus, Apanllsha izuuru yararangiya. Ashiri natsha saanpata itsinsarus chinangtsa. K'kiptis iwazirita: Tputsee chinaktana, tárintspa. Izuuru tputsee mangiptartis chinakus, istangtsa.

1 Pitorurini 3:21

Ashiri na iysha Apanllee kuk mangoonkuni, mangeetsini yaramaam nda ngatkuni, Apanll iyaatstam tapachindachiya. Isusumun wamin chumakuni, Nowerineetsi tamapari ashiru Apanll iyaatstam kis napkiya. Isusumun chumakuni nda minllureemani chumakaniya. Itaru, Apanllee mangoonkuni, mangeetsini tachingap atuni, chumakaniya. Watam Isus tsiparangu, yusur támarangu, urutamari iyaa tapachindakuwa.

1 Wangarini 3:3

Iy Isusoo kchipti pangchina zurkinaari atuni, ashiri Isus tsas ashiritam Apanllchichini taachiniya.

1 Samuela 14:35

Saulsha anuritam Apanlleemsha maacheetsi wayayaru, anush Apanlleema chtaru ungirtarangiya.