Sandeekurini 3:9 - Candoshi-Shapra

⁹ Yuwaptatam kukich Apanllee wanasiri tsiyatkich anpatatam tputsee yutarit tsiyatakchi. Apanll chiyaa tputseetsich wanasiri tinambarangu, waana tamapari ashiru kizpur wanasiritaa tinarangu, ashiritaa iysha tputsee yutaritam ínakaniya.

Sandeekurini 3:9 Iomraidhean Croise

2 Samuela 16:5

Dapiy Bahurimashsha tsap kuskamchusin, Saularinsha maachiri Guerá wip sur Simiy anush taaru, anshat Dapiyaa parangu, kapung natsarangu, tsiyatku, yutaritaam ínarangiya.

2 Samuela 19:21

Abisayshat Seroyarini wip, ¿Mayaamsha kurakaa, shiy nee Simiyaa napaksha? Pachayarush ksachishpa, watam shiyaa Apanlleetstaatish ipusamarini mantsir tsiyataranguwa, tárangiya.

Salmos 10:7

Uru tputsee mantsir tsiyatkanaya. Ngichzeetsimari tsiyatkusin taakanaya. Tputsee mangutamari tamapingaku wanasir tsiyatkanaya. Itaru mangush kiyung yachamaam chinakanaya.

Salmos 145:1

Shiyaa kurakareetseeruri urutamari ungirtakina. Shiyaa chinakina. Ayamtaati shiyaa mbizcheezi. Apaa Taarashipanee, shiyaatsimari ungirtakina. Putam putam shiyaa kis yaseekina.

Salmos 145:21

Apaa Taarashipanee, nuw urutari shiyaa yaseekuri ungirtachima. Tputs ztaru urutamari shiyaa wanasireem ínaksin, ungirtaksin taachinllinpa.

Salmos 16:9

Ashirucha, nuw mangi ksakina. Nuw kuki murcha. Nuw mangi punirustacheezi,

Salmos 34:1

Apaa, nuw shiyaa urutari, Wappari aturi, ichingaru zari taakina. Nuw urutari shiyaa ungirtakuri, mangi kis yaseekuri, taakina.

Salmos 51:14

Nda tputsee pachamaam izuuru watsta aturi, Apaa, nuwaa istangandama. Apaa, shiy nuwaa tapachindarangsha. Ashiri shiy nuwaa itsinsaru chinamaam istakush, nuwsha yaseesshpati, shiyaa; Apanll itsinsampancha, tputsee kamankuri táchima.

Salmos 63:4

Urutari nish tsapurunasush taakuri, shiyaa ungirtakuri taachina. Kuwee íwar paxayeeruri shiyapat tsiyatchina

Matiwarini 26:74

Pitorsha punirustayaru, mantsir kapung tsiyatarangiya. Sheeru, Nuwna tputsee yasareezi. Ngichkinaareena, anumand Apanll nuwaa pcharundama, tárangiya. Támpuri, musásiri ktashsha yusarangiya.

Matiwarini 5:44

Ashirucha, nuw siyaa: Kundarareetstaatis chinangtsa; natsarintspa; atashina. Siyaa mantsir tsiyatkitaatssin, siysa yutarit tsiyatintspa. Wanasir tsiyatangtsa. Siyaa natsakitaatssin, tsiyantarintspa. Chinangtsa. Siyaa kiyung yachakitaatssin, siysa Apanllee tsiyatangtsa kundararis Apanllee mangoonamaama.

Tayaspatampanirini 2:26

Ashirucha, nuw mangi ksakina. Nuw kuki murcha. Nuw mangi punirustacheezi,

Romshucheema 3:14

Uru tputsee mantsir tsiyatkanaya. Ngichzeetsimari tsiyatkusin taakanaya.

1 Koríndshucheema 11:7

Itaru, kamuz kamisaa tutayusinapa atina. Apanll kamuzaatsima tinarangiya. Nuwaana tamaparina ashiru ichinguru kasichpa átu tinarangiya. Ashirucha, kamuz Apanllimun taakiya kizpuri. Itaru, kiz kamuzamun taakiya tsipasa.

Ipísshucheema 1:3

Apanll iyaa kizpur chinarangu, mangini kischa. Ashirucha, Apanllee: Apaa, shiy kizpurtishcha, atiniya. Shiyaa kizpur chinaktanicha. Shiy Isusoo ipartishcha. Iysha Isusoo kurakartanicha. Iparimunish iyaa shaanasha tiptsireemish ínarangsha. Iparish shiyash na taaku, iyaa urutamaritam na istaku taakiya. Ashiriya, Apaa, wappari, mangini kis atiniya.

Sandeekurini 1:27

Itaru,: Apanllee izuuru mangoonaktana átu, wanasiritam taachiya. Yutaritshishirini ndunichiya. Apanll kis ashimaa napkiya. Anumash tputs uru mxaxzee istatariya. Mashindoo istataritamcha; watam kiyung kachiykanawa. Yuw tputs Apanllee kuk izuuru payuku an waanaatsi mang' taminllurtatareeja, dancha. Ashirucha, Apanllee kuk zurampatari chinangtsa atashina siyaatsi.

Sandeekurini 3:10

K'kiptich Apanllee wanasiri tsiyatkich anpatatam ¿tamaree tputsee mantsir tsiyatchich? Yutaritcha anu, zuwanllee.

1 Pitorurini 1:3

Apanll na iyaam taarashish kaneeschi panarangiya. Ashiriya, anumand Apanllee wappari atiniya. Apanll iyaa ashirangiya, iy kurakarini Isus wapari. Iyaa ksumish chinayaru, nayaniku, Waanaatsee Wip nish tsapurunasush zanganirangiya. Wipsha tsiparangitaa; itaru Apanll wipaa ituyumarangiya. ¿Ndunnaari ashirangu tamari iyaa tapachindach? Itaru, iyaa tapachindarangiya. Ashiri iysha tsipaktaateeniya ashiru, urutamaritam taachiniya. Apanllush watsapun taachiniya.