Sandeekurini 1:26 - Candoshi-Shapra

²⁶ Itaru, tputs nda mangpatari: Apanllee mangoonaktana átu, Apanllee mangu ngichkiya. Mang' nda itsinsaru chinaku, tamasingsingtar ashku, mantsir tsiyatku, an tputs Apanllee ngichkiya; mangutari: Apanllee mangoonaktana atiya. Waanaatstamari ungirtaku mangu atiya.

Sandeekurini 1:26 Iomraidhean Croise

Salmos 32:9

Nuwash tachitkush, kapaach, mishat burr mang' tamapari ashirush nuwash tchitinllpa. Watam kapaach, mishat burrutam tputsush tachitamaam uru ngatkanawa. Tputssha putayarusin, sukpat tusiseersin, pshiyrkatssin, annaa naaksin tachitkanaya. Itaru, shiysha an tamaparee ashirush shirinllpa. Nuwash itsinsarush tchitangcha, átsha Apaa.

Salmos 34:13

Ashiri nda mantsir tsiyatamaam saanaatsis wanasir ksutangtsa. Ngutis tputsee tamasingarus ngichintspa.

Isáysa 1:13

Nuwaam maachee ngutis wayarintspa. Watam an msas nuwaam nda wanasiriwa. Tputsee tushaneeyarus, Tsup kaneeschish shambateeni, atitaateesa, Zar kanusishush tushiyani, atitaateesa, itaru wand yutaritshishee kis payuksa. ¿Antaati nuw piy shingtsa, tárangee? Anoo pamaam zandkeezi.

Malakiyasa 3:14

Ashiriya, na nuwsha kamanchintspa: Apanllish tachitkuni, ¿antaati iyaa istacheeja? átssa. Mishat, Apanllee kuk payukuni, yutaritshishireetsini tachingamaam kamarini kuchar ktuntayaruni, Apanllee mashkuni, ¿antaati iyaam wanasireeja shitungach?

Matiwarini 15:9

Tputsee mangoonamaam istakazinllinaja. Manguta tayapstakana, watam waanaatstamari chínash tayapstakanawa; tárangiya Isáysarini Apanllee kuk yandarangu anu. Ashiriya, ¿mayaamsha nuwaa ipunshi kiyung táchaksa? Wapa; tárangiya Isusu.

Márkosarini 7:7

Mangutari Apanllee mangoonaktana atanaya. Waanaatstamari chínash tayapstakanawa; tárangimanda Isáysarini siyashcheetsi.

Lukasarini 8:18

Ashiri nduniya nuwaa kuki mangoonkus, paptsa. Kaapa mazinangtsa. Wanasir mazinakchus, arangeem yusur mangoonatssa. Itaru, nda nuwaa mazinakus, nda mangoonamaam izuurisha itutschima, mang, tárangiya Isusu.

1 Koríndshucheema 15:15

Itaru, iyshat: Apanll Isusoo ituyamarangiya, táranginiwa. Ndunnaariya Apanll Isusoo ituyamarangu, ashiri kapunguripa ngichirangpariniya.

1 Koríndshucheema 15:2

Ndusha mbizakus, wand chinakus, Apanll siyaa izuuru tapachindakiya. Itaru, Isusoo kuk mangutaritanaari mangoonkus, iwaziritanaari k'kiptis, Mangoonaktana átus, Apanllsha tapachindacheeja, ndambaree. Itaru, izuuru mangoonarangpasa, siya.

1 Koríndshucheema 3:18

Tputs yuttam tayaspataku, paptsa. Anoo chinarintspa. Piyari mangoonintspa. Isusoo kuk mbiziyaspa átana siyaatsi. Siyash tputs: Nuw tputseetsich chinashich kizpur yasaktana: tákchu, an mantsir tayaspatakiya. Itaru, chiy tputsich: An chinashish kizpur wanasircha, atitaatich, itaru Apanllsha muxareempaz ashiru ínakiya, anootsi. Itaru, tputseetsich chinashich kapeetkinaari, muxareempaz ashiru kinayaru, itaru Apanlleemshat mang' kapungoom kinachiya. Kaapanaari Apanllee kuk mangoonkinaari, wanasirsha tayaspatachiya. Watam Apanll kuk kirakamun atuwa; Tputs mang' kapungtaa, putittaa chinaksin, nuwsha wanichima, átcha Apanlli.

Gálatasshcheema 2:6

Itaru, Isuschich kuraksha iyaa arangeem nda kamachtarangana. Yuwari nuw tayaspataki anuri waritariya, tárangana. Anoo tputs ngutani kurakaa atiniya. Yasareezini; Apanll waana yasakiya.

Gálatasshcheema 2:9

Anoo izuuru yasayarusin, tsiyatssee yareeruni, pachiparangtanicha. Pitor, Sandeek, Wang Bernabeetstam pachiparangana. Uwshtisin kizpur ksutamapan taarangana. Sheersin uwshtisin: Ashiriya, iysha Utaáshuchee tayaspatachini. Itaru, zuwaa Paporoo, siysa arapchee tputs tayaspatashintsa; tárangana.

Gálatasshcheema 3:4

Sirú Apanllimun wizpuririni ngutpasa kiyung kachiyarangsa, watam na nllitaritaa chinakatssawa.

Gálatasshcheema 6:3

Itaru, mangishish: Nuw kizpur Apanllee mangoonkinawa. Ashiri ¿tamaree nuwsha yutarit taachee? ¿Chakaja nuwaa istaku istach? atinaareesha, ngutish átsha; Isusoo kuk ngichiksha.

Ipísshucheema 4:29

Mishat, yutarit zarungcharintspa; ayamtaati mantsir tsiyatcheezis. Itaru, wanasirinand tsiyatangtsa. Tputsee mang' p'tseengtsa; mangoonamaam istangtsa. Ashkachinaareesa, aranginashaparee Apanllee mangoonachpasa.

Ipísshucheema 5:4

Ashiriya, ¿mayaama mantsiri taamaam chinachich? Ashkuch an pazichpachi. Yutarit zarungcharintspa. Ngutis tamasing tamasing shirintspa. Anoo ayamtaati yusur chinarintspa. Itaru, Apanllee, wapparee, taangtsa yuwamand shiyaa yutaritshishee ichinguru tachingarangu anumanda.

Kólosénshucheema 4:6

Chinampatari tsiyatangtsa. Ngutis tamasingarus tsiyatintspa. Ashkachinaareesa, waptatpa tsiyataksa. Ashiruch uru mangiptis tsiyatangtsa; siyaa táshina. Zuwanllee, wappari na táyanlli anurisha mangoonangtsa.

Sandeekurini 1:19

Zuwanllee, nuwaa kuki kaapa mazinangtsa. Apanllee kuk ichtaru kaapa mazinangimasints. Musá tsiyantintspa. Apingsari tsiyatangtsa.

Sandeekurini 1:22

Saantari ngichintspa, zuwanllee. Iwaziri Apanllee kuk mangoonintspa; izuuru mangoonangtsa.

Sandeekurini 2:20

Mangsharittishcha. Apanllee mangoonkina atitaatish, itaru: ¿Mayaamaja tputsee wanasiri istachee? ¿Ndush mangishimariti mangoonkuri waritach? taakchush, ¿antaati átish an wanasireeja? nduni. Apanllee mangoonkush, wanasiritam taangcha, tina.

1 Pitorurini 3:10

Watam sirútamasa Apanllee kamanipanirini kuk atuwa; Siy zapan masach mapiyrus taamaam zandkinaareesa, Ashiri nda mantsir tsiyatamaam saanaatsis wanasir ksutangtsa. Ngutis tputsee tamasingarus ngichintspa.