Ruti 2:1 - Candoshi-Shapra

¹ Noem wazaranllin Elimelekarini maachirit sur Boos Biringush taarangiya. Anshat tputs kizpur kurikpanimuna. Kurakaatspaz ashirusin tputs kis chinarangana.

Ruti 2:1 Iomraidhean Croise

Jobarini 1:3

Chinsha zapanimuna. 7 mil opeeja, 3 mil kameechu, mil toro, mishat 500 burru wizari aship chinurangiya. Muchchursha zapanimuntamta. Wamari kizpur kurikpan yap zar yaku amb taarangiya.

Jobarini 31:25

Maachi zapan payuranguri, anoo tupaxanxayaruri kapung kurikee putachina túri, nduntam anungaz chinataritamana.

Matiwarini 1:5

Salmunarinsha Rahabarinee wizanlleem yamarangu, wip Boosarinee iparinarangiya. Boosarinsha Rutirinee wizanlleem yamarangu wip Obedarinee iparinarangiya. Obedarinsha wip Jeseyarinee iparinarangiya.

Lukasarini 3:32

Jeseyrinchichitam, Obedarinchichitam, Boosarinchichitam, Selárinchichitam, Nahasonarinchichitam,

Ruti 1:2

Min tputs, Utaáchich, Elimelek, Efratshuch tputs Biringush yakat taarangu, anshat ¿Mayaatsshita tputs katungeechinllina katungats ndunariwa? tárangu, wizanllee; Pza, Mowabap tsap naayani, watam ambsha katungats zapaniwa, tárangiya. Ashirucha, Elimelek wizanllpa anungaz naataranganaya. Wizanllsha sur Noemiy. Wipshat tsimbun Malón, mishat Kiliyón ashpisin Mowabapsha tsap naataranganaya. Anushshat kuseersin, taaranganaya.

Ruti 2:2

Minushshat zar Rut umeenaa Noemiya: Nuwma tputsip mazar pangatama. Amuyaa masheeri yuwaatsimari wanusee ipartukis anumari nuw yachima tátama, tárangu, Noemsha: Ashiri napashinsi, tárangiya.

Ruti 3:12

Zurumana zurkush átsha. Shiyapa zaranllinish kizpuritaati maachiritani. Itaru, minnaacha tputs shiyapa zaranllinish kapunguri maachiritaya. Nuwapa pakich arapinlltamanacha.

Ruti 3:2

Mishat, na mazinancha; Zaranllini maachirit kamuz Boos taariya. Anpatcha muchchur shiy tarawaztaktasha. An kamuz na zar psaan yap tirikoo wach tushuwtayarusin zapee xanatkana, ambari maakamchu mazarip naachiya.

Ruti 4:21

Salmunshat Boosaam iparnarangiya. Boosshat Obedaam iparnarangiya.