Márkosarini 10:19 - Candoshi-Shapra

¹⁹ Shiy Apanllee kamachtamarini mazinakpasha. Watam Apanll: Ngutis tputsee pcharintspa. Minpa kiz imbangartarintspa. Maacheetsi shuchirintspa. Tputsee mantsir tsiyatintspa. Tputsee ngichintspa. Apareetsis wanasir ksutangtsa. Kuk payungtsa. Aneereetstamtish wanasir ksutangtsa; kukoo payungtamtsa; watam atuwa. ¿Anoo tamarangsha? mang, tárangiya Isusu.

Márkosarini 10:19 Iomraidhean Croise

Isáysa 8:20

tputs siyaa táchinllinaya. Ashiriya, nuw siyaa atina. ¿Antaati nguti áti? nda. Siyaa zurampatari uru táchapsiniya. Atitaatssin, itaru anoo mazinarintspa, watam mangshari ashiru atanawa.

Márkosarini 10:18

Isussha: ¿Mayaamsha shiy wanasirtishcha nuwaa átsha? tárangu. Apanllimaritcha wanasiriya, tárangiya.

Lukasarini 18:20

Itaru, shiy Apanllee kamachtamarini mangoonakpasha. Watam Apanll: Ngutis tputsee pcharintspa. Minpa kiz imbangartarintspa. Maacheetsi shuchirintspa. Tputsee mantsir tsiyatintspa. Tputsee ngichintspa. Mishat, Apareetsis wanasir ksutangtsa. Kuk payungtsa. Aneereetstamtish wanasir ksutangtsa; kukoo payungtamtsa; watam atuwa. ¿Tamarangsha anootsi? mang, tárangiya Isusu.

Romshucheema 13:9

¿Apanll kuku amka? Kamachtamarini yandamaa chinakpasa; Ngutis tputsee pcharintspa. Minpa kiz imbangartarintspa. Maacheetsi shuchirintspa. Tputsee mantsir tsiyatintspa. Tputsee ngichintspa. Yuw tputs maachiri payukana anungaz ngutish tamararintspa, Apanll kuk átcha. Mishat, ashpatam kamachtamarini arang taaritamcha. ¿Itaru, Isus amarangtamtaja? ¿Tputsee zurumarpatari chinakuch, tamaree Apanllee kamachtamarini kapeetchich? Pinasakcha. Ashiri shaanaatsi chinakish ashiritam tputsee chinangcha; tárangiya. Ashkupchi Isus tárangu anoo tatsamoochchi.

Romshucheema 3:20

¿Ndusha mangoonkis? Nitaati minamtiyam tputs, Apanll nuwaa kis napchiya, watam kamachtamarinee ichinguru payukinawa; tácheeja. Támaam pinasakcha. Itaru, Apanll kamachtamarini mangeetsich p'tseekiya yutaritshishee yasamaama. Mazinayaruch, Maa, nuw tamakina, táchpachi. Ashiriya, yaanamand yutaritshishirinimandini Apanll iyaa wanichiya. Ashiri yuwaa Apanll tputsee nda mangutari wanichu anoo kamaneena.

Gálatasshcheema 4:21

Mazinantsa; siy Apanllee kamachtamarini sirapchee payumaam zandkus, itsinsarus chinangtsa. Sirú mazinamana mazinarangpasa. Itaru, nuwsha na itsinsaru kamanchintspa. Apanllee kamachtamarini payukchuni, m'chach tamatarpari ashiru taakaniya; iyaa nambanambtar ashkiya Apanllee mangoonamaama. Itaru, Isusumun mangini tatkuni, Apanllsha waama wipaam ínchiya; kissha taachiniya.

Gálatasshcheema 5:14

Shingtsa, watam minamari k'kuz Apanll kamachtaranguwa. An minamaritaata k'kuzi, itaru Apanllee kamachtamarini ichinguru tatsamookcha. Ateeja; Tputsee chaanaatsi tamatarpachi ashirus chinangtsa; átcha Apanlli.

1 Tesalónshucheema 4:6

Mishat, mazinangantsa. Apanllchichpatatis ipishungarus yutarit ptatintspa tputseetsi wizanlli. Watam siyaa kamaniranginiwa. Apanll anumand tsiyantayaru, kizpur waneekiya. Tístakimanda.

Sandeekurini 2:11

Mazinancha; Apanll kamachtamarini: Ngutis minpa kiz imbangartarinllpa atuwa. Mishat, ngutis tputsee pcharinllpa, atitamta. Ashirucha, siy nduntaati yutarit patatkus, itaru tputseetssha natsakchus, uru Apanllee kuk kapeetamapani taachpasa; watam kamachtamarineetsi kapeeteentsawa.