Lukasarini 4:8 - Candoshi-Shapra

⁸ Isussha: Watsta, ¿Tamaree ashchee? Watam Apari kuk atuwa: Apanlleetsimari Taarashipani ungirtangtsa. Anootsimari kuk payukus taangtsa, Apari, táranguwa. ¿Tamaree Apareetsi kuk kapeetchi? mang, tárangiya Isusu.

Lukasarini 4:8 Iomraidhean Croise

2 Utaáchich kuraka 19:15

Apaa, shiy kizpurtishcha. Shaanamuntari kuxinshish kuxinaksha. Sundarurish turipingarana, anush kuxineerush, shiyamari maachtaa ichingaroo, kurakaatsitam tsapurunasshuchee wayarangsha. Mishat, shiyamari kanindaa, misha tsapootsitam tinarangsha.

Matiwarini 16:23

Isussha yámarangu; Yuwari Apari átu anuri ashchima. Yashing' tamapari ashiru nuwaa tamundaksha. ¿Mayaamsha nuwaa pachindaksha shiya? tárangiya. ¿Mayaamsha nuwaam xarashish wayamaam zandaksha? Siy tputs ashiritam chinaksha. Itaru, yuw Apanll chinaku anoo shiy nda chinaksha, tárangiya.

Matiwarini 4:10

Itaru, Isussha: Wapa, Yashingoo. Ksanda. Apanll kuk atuwa; Apanlleetsimari Taarashipani ungirtangtsa. Anootsimari kuk payukus taangtsa, Apari táranguwa. ¿Tamaree Apareetsi kuk kapeetchi? tárangiya Isusu.

Lukasarini 4:4

Isussha: Ndambaree. ¿Antaatiya tputs katungtsimunamari taarashish urutamash payutareeja? watam Apari táranlluwa, mang, tárangiya Isusu.

Lukasarini 4:7

Itaru, shiyma nuwaa Apanlleem ínangandama. Ashkachush, yuwaa yámandarangi anoo ashpari panachinllpa, mang, tárangiya Yashingu.

Tayusima 10:20

Ashiriya, siysa Apanlleetsimari chinangtsa; uwaatsimari ungirtangtsa. Tsasaritis taangtsa. Tputs shiyaa mashku, itsinsaru kamaningasinda tákchu, siysa zurampatari kamaningtsa. Apanllimun sur itsinsaru tsiyatangtsa.

Tayusima 6:13

Apanlleetsimari Taarashipani ungirtangtsa. Anootsimari kuk payukus taangtsa. Zurampatari tsiyatangtsa. Ngutish ngichintspa. Apanllimunari sur tsiyatangtsa.

Sandeekurini 4:7

Ashiriya, paptsa; izuureerus Apanllee chinangtsa. Yashingoo ngatkus, Watsta, watsta, ántar ashkinaareesa ashiru, Yashingsha suwachparee.

1 Pitorurini 5:9

Ashiri siysa Yashing' ksirundama átus, Isusumun mangis tatungtsa. Yashing' iyaa Isuschicheetsini ichinguruni uru kiyung yachakiya. Nda minamtaatsiyam tputsee niyrkiya Yashingu.

Apanll ashtachu anu 19:10

Táyaru, nuwsha wasundururish wats tutunlltayaruri, ungirtamaam zandarangina. Itaru, Apanllsha wasundurur nuwaa: Watsta; shiriyshpa. Apanlleetsimari ungirtangcha. Nuw Apanlltamana muchchuri; nuw shiy tamapari ashirtamana. Zuwanllish ichingurusin Isusoo kuk payuksin, nuw ashiritamana. Ashiri Apanllee ungirtangcha tina, Isusumari kuk iyaa mangeetsini p'tseekiya. Apanllee kuk kamanimapan Isusoo kuk payuksin, uru itsinsaru kamankanaya, tárangiya Apanll wasundururi. Ashiri yuwaa Isuschich shambatchinllinaya anoo kamaneena.

Apanll ashtachu anu 22:9

Itaru, Apanllsha wasundurur nuwaa: Watsta; shiriyshpa. Nuw Apanlltamana muchchuri; nuw shiy tamapari ashiritamana. Zuwanllish ichingurusin Isusoo kuk payukana, nuw ashiritamana. Nuw Apanlleetsimari kuk kamankitamana. Yandarangish anoo nuw payumaam waritaktamana. Apanllee nuw kurakartana. Ashiri Apanllee ungirtangcha tina, tárangiya.

1 Samuela 7:3

Ashirucha, Samuelshat Israelchichee tsiyatarangu: Siy yusur mangishish Apanllingaz chinamaam zandkinaareesa, ichingaru yuw arapchee apanllputsirini payukis, anoo izuuru kpitangints. Mishat, yuwaatstam apanllputsee Astarti kis ungirtakis, anootstam ksangints. Sheerus, Apanlleemshat mangis yareerus, Apanlleetsimarishat ungirtangtsa. Ashkachus, uru siyamarishat Filistewshuchee kasitssa, tárangiya.