Josueya 3:10 - Candoshi-Shapra

¹⁰ Apanll siyaa yachamaam zandkiya. Itaru, watam Apanll waana ksutaruwa. Uru iyaam kapung istakchu, Kanaanshuchee, Hititshucheetstam, Hebewshucheetstam, Feresewshucheetstam, Gergesewshucheetstam, Amorrewshucheetstam, mishat Jebusewshucheetstam, wamari tpachingachiya. Anumun yasakchus, Apanll iyaa ksutariya, tátssa.

Josueya 3:10 Iomraidhean Croise

1 Utaáchich kuraka 22:28

Mikayassha yusur aranginasha tsiyatarangu; Wánariya shiy matambish kanapkachush, ashiri nuw ngichkuparina tsiyatarangina. Apanllee kuk nda kaapa itsinsaru kamanirangina, tárangiya.

2 Utaáchich kuraka 19:4

Yuwaa Asiriyashuch sundar urkar mantsir Apanllee tsiyatarangu, anoo Apanll yasarangpari. Apanll anumand waana uru wanichpari. Ashiriya, na in shiysha iyaam Utaáchcheemani machinaw katuchimini taakini anoomani Apanllpa mashangcha, iyaa tapachindamaama, tárangiya.

Salmos 42:2

Nuw shiyangaz sachitakpaz ashkina, Apaa. Watam shiysha taarashipanshawa. ¿Ashinooja nuw shiyash pangish yusur pshtuchee? aturi,

Tashitungarangu 17:7

Ashiri Móysissha anoo tsap yásamarangu, Meriba tárangiya. Meriba, atusin, tputs nambarangana átu, tárangiya. Minootssha sur yásamarangiya; Masa yásamarangiya. Masa atusin, Taarashipanee tatsiyunuchtarangu, atusin, tárangiya. Watam Taarashipanee mapiyranganawa. Ashirucha, ashiru tsiyataranganaya; Taarashipan iyash ndunarparee. Iyash taarinaariya ashiru, iyaa istachinaaparee, táranganaya. Ashiriya, na kamaneena yuwaa Taarashipan patumbchish kungoo tashitungarangu anootsi.

Tashitungarangu 3:8

Ashirucha, nuwsha istapi aturi, shiyash kusarangina. Shiysha Israelchichee maachiritaatsish shaana istangcha. Nuw siyaa minup tsap kapungup maachchintspa. An tsap kizpur wanasiri, misha katungats zapantam taariya, misha kungutam wanasirimash taaritamta. Ansha tsap sur Kanaana yap tputs nda nuwaa kuki mangoonkana ambi.

Tashitungarangu 33:2

Ashiri nuw nuwaanaatsi sundaruri siyaa machinaam zanganchima. Mishat, nuwsha Kanaanshucheetsi tputs ichingurootssin tuzanganichima; misha Amorrewshuchee, misha Hititshuchee, misha Feresewshuchee, Hebewshuchee, Jebusewshuchee ashiru ichingurusin ashpari tashitungachima; watam nuw sirúta shiyachchee panachintspa, táranginawa, Taarashipan tárangiya.

Isáysa 7:14

Itaru, siy nduntaa Apanllee Wizpurirish yámandanda, átus, ashiritaa waana Apanll siyaa yámandachiya. Apanll kuk zuramaritcha, tátssa. Mazinangtsa. Kiz kamasin mireeyaru, kamuz tatsipchiya. Tatsipkachu, Emanowelaa yásamachiya, watam Apanll iyapa taakuwa, táchiya.

Masatarangana 13:29

Amalekshuchsha tputs zapanitam washunand yapatarsin, Neguebshuchpat, Hititshuchtam, Jebusewshuchtam, Amorrewshuchtam machip tsap taakana antamsin, Kanaanshuchtam mus kapungumashinung arangeem watandaram ksutkusin taakana. Antamsin taaranaya. Ortagumuntam wing Kanaanshuchtam tputs taaranaya, tárangusin, kapung punirangusin, punirpat Móysisaa kamankusin, zamamtangat ashiranganaya. Itaru Móysissha mangu mazinazinaw ashirangiya.

Matiwarini 16:16

Ashiri Simsha, Jonasarini wipa, Pitortam suru, Isusoo yámarangu: Shiy Apanlltishcha Wipish; Apanlltishcha Ipusamarini yuw sirú kuschiya, tárangana ántishcha shiya, tárangiya.

Wangarini 6:69

Iynaa shiyaa mangoonaktanicha. Shiy Apanlltishcha Ipusamarini, tárangiya Pitoru.

Tayusima 31:17

Itaru, amb ashkatssin, nuwsha kapung tsiyantakachuri, izuurumaamarisha kasachina. Pakchiyam anungaz tputs mangi mantsacheezi, ndambaree. Ashkachuri, kiyung kachiyshish wayachina. Urutamari kiyung kachiykusin, kizpur mang' mantsaksin, taachinllinaya. Ashkatssin, mangush chinaksin ¿tamakeezini iy kiyung kachiykinee? ¿Apanll iyaa watstamaripa kasarangiya? táchinllinaya.

Tayusima 7:1

Ashiriya, na Apanll Taarashipan Kanaanaa tsap siyaamsha izuuru tsapuneemis panachiya. Anush tsap tputs zapan kizpurinandari taaranaya. Hititshuch, Gergesewshuchtam, Amorrewshuchtam, Kanaanshuchtam, Feresewshuchtam, Hebewshuchtam, Jebusewshuchtam aship tsap tputs kizpurinand taarana. Siyachchimand kasiru kizpurinand taakanaya. Itaru, Apanllsha anoo ichingaroo tpachingachiya. Siysa anush kasiyarus taatssa.

Tayusima 7:21

Ashirucha, nuwsha siyaa; tputsee punirintspa, atashina. Watam siy Apanlliris wamari kasiru kizpureewa. Siyaa uru istachiya.

1 Tesalónshucheema 1:9

Watam yuwaa iyaa kis ishinarangis anoo ztaru tsiyatkanawa. Mishat, mangis ktatarangus, itsinsashtis taakis anootstam kamankanaya. Sirú siyaa tayaspatayaruni, siysa apanllputsee kasarangus, Apanllushsha tachitarangsa. Watam apanllputs mangutari taakuwa, itaru Apanll kchitcha; urutamari taakiya. Apanll minamari taataru an matspashiri taakiya. Apanll minamari kasiru an kurakartanicha. Ashiruch ktatayarus, apanllputsee kasayarus, Apanllushsha tachitaksa.

Utaáshucheema 10:31

Ashiri paptsa; tputs ashkinaariya, Apanllee kizpur punimaam taarcha. Apanll urutamari wanichiya.

Josueya 24:11

Siysat aranginashat naatarangus, kungoo Ortagaa arachichshat kitarangsa. Ashirangus, Jericoyashshat tsap kusarangus, anshuchshitisin Amorrewshuch, Feresewshuch, Kanaanshuchtam, Hititshuchtam, Gergesewshuchtam, Hebewshuchtam, mishat Jebusewshuchtamsin, siyaa parangusin, pachamaam zandaranganaya. Itaru, nuwshat siyaam istaranguri, siyamari ashparitaa an yakat kasirangsa.

Josueya 3:9

Ashiriya, Josueysha Israelchichee: Naanints ningeema. Apanllee kuk mazinangints. Yuwaa Apanll tárangu anoo kamanchintspa.

1 Samuela 17:26

Dapiysha anoo mazinarangu, ¿Siy tamamand tputs nee pachayach? átssa. ¿Mayaamaja an tputs Apanllee tiptsiri mantsir tsiyatak? Watsta. ¿Antaati uw Apanllpat Taarashipanpat waritak? Ashiriya, ¿mayaamaja anoo chinachich? Tputs taarcha, anoo kasimaama. Kurak ¿wanipaja tuwapach? Kaapaniri kamaningandama, tárangiya.