Josueya 2:6 - Candoshi-Shapra

⁶ Waantataa íwar pangusip wanupish iwaz tunaringayaru, yuwash yutee zap mapzamaam xanataru anush wantsush tapshtuyaru pishurangiya.

Josueya 2:6 Iomraidhean Croise

2 Samuela 11:2

Anshat Dapiy kanusku, wiramash maarangu, zar puputarandshat chiyzayaru, paseektakshat íwar pangusip káreeru, naanat ashishtaru, piyamshat nap ashku, kiz kizpur wanasir chumattu parangiya. Anshat kiz kaneeschiri watsupir tatsameeru, kurasee kapeeteerurita. Dapiyshat, muchchuree kamachtarangiya. Napashini. ¿An kiz tamamaja? tárangiya. Muchchurshat yasayashinu, Kurakaa, an kiz sur Betsabeycha, Elíyaamcha wipaya, Hititshuch Uriyas wizanlli, tárangiya. Dapiyshat muchchuree kamachtayaru, kizaa yamayashinusin, Dapiyash pang' yushindaranganaya. Dapiyshat anpat kiz maarangu, mantsir patatarangiya. Ashiramchu, kiz yusur pangup kanapurangiya.

2 Samuela 17:19

Anshat tputs wizanll washtangasheem tinayaru, anpat wachoo shtandayaru kasarangiya. Sheeru anumunshat, tirikpashat zap washtangashimun iwaz kuruteeru, ashchiri puyaru kasarangiya.

1 Utaáchich kuraka 18:13

¿Ndusha tputs shiyaa kamanirang? ¿Yuwaa sirútama Jesabel apanllpanee urkar ichingaru pacharangu anootsee? Anpur nuwshat apanllpanee 100 yamayaruri, piyam 50, piyam 50 sheeruri, wachush pishuyaruri, anoom nuwsha martakuri taarangina.

1 Utaáchich kuraka 18:4

Ashirucha, yuwapur Jesabel apanllpanee urkar zapan pacharangu, anpur Abdiyassha apanllpanee 100 yamayaru, tputs 50, minushsha 50 sheeru, chawpishtayaru, wachushsha ashpatam piyam pishuku, ashpatam piyam pishuku sheeru, watungasheemsha anshurtatam maritarangiya.

Jeremiyasa 36:26

Itaru, wipaatssha Jerahmeela pachampanee urkar, misha Serayasa, Asriyela wip, misha Selemiyasa Abdeela wip, Siysa Jeremiyasaa, misha Barukaa putashinints, tárangu, itaru Apanllsha waatssin pishurangu, nda putaranganaya. Ashiriya, kamaneena yuwaa kurak Jowakim, Apanllee kuk sumasush muchirangu anootsi.

Matiwarini 24:17

Pachampan tputs kuskachu, suwamari suwangtsa. Pangush maachi yamaam yusur kanaptapa.

Kólosénshucheema 3:3

Isuspapaz ipunurus tsiparangus, ashirangus ¿mayaama yutaritshishee yusur chinachich? Siy mangis na Isusupat washunand Waparish taaksa; pishumpaz ashiru taaksa. Ashirucha, tputs anoo yasamaam pinasakanaya.

Utaáshucheema 11:23

Mishat, zapishsha Móysisarini nllurtarangu, waparitam, waanaritam Apanllimun mang' taturanganaya. Ijiptoshuch kuraksha tputsee kamachtarangu, Siy Utaáshuchis ipareetsis kamuz tatsipkachus, pchangtsa; tárangitaa, Móysissha wapar kurakaatsi kuk nda punirangiya. Wipaa nda pacharangiya. Ipari kizpur wanasircha. Apanll istachparee, táyaru, wipaa waanshu pang' tuchip tsup ishinarangana.

Sandeekurini 2:25

Mishat, Apanll kizaa Rahabarineetsi ksatam naparangiya, watam uwsha Apramarini tamarangpari ashiritam Apanllee chinaranguwa. Mang sirútamasa Apanll Utaáshuchee kamachtaku; Jericoshchee pachamaam narashinints; mang táyaru, zanganirangiya. Uwsha naramapan kizash pang' mang kusarangiya Rahabarinshini. Rahabarini mshipanimun taarangiya. Itaru, Apanll Rahabarineetsi mang' p'tseerangu, Rahabarinsha naramapanee mang pachindarangiya. Utaáshuchee pachatpa átu, minupsha ngoots zanganirangiya. Yuwamand Utaáshuchee pachindarangu anumand Apanllsha mshipanimunaatstaa: Kis napkina, tárangasha, manga.

Josueya 2:5

Tapitaranlluricha, ndaturi yaktaa washitungash kámanarsin, shitungeerandsin naatarangana. Nuw nduntam yasarina. ¿Yapimasaja naayanllinaya? Ashiri siysat kaapanapa. Naturitam káyarus tchitanantsa. Uru upusaripa kamatatssa, tárangiya. Mangu Rahab tamapingaku tárangiya.

Josueya 2:7

Kurakshat wasundurur káyarandsin, ngootsip yap Ortag kung maranxip kayapampatari kitkana amb tputsingaz nachungakatssin naataranganaya. Sundarsha shitungatssin, yusur yaktareetsini wach mbam shtandayarusin, kasaranganaya.

Josueya 2:8

Tputssha tsapoo naramapan ndaturi maaru, kizsha Rahab ambitam pangusip wanupish iwaz káreeru, tputsee:

Josueya 6:25

Kizaatssha mshipanee sur Rahabaa nduntam pacharanganaya. Ashpari Rahabaa wamind naparanganaya. Watam an kiz, Josueyaa muchchur tsapoo naramapani pangush pishuranguwa. Ashirucha, Josueysha anumandtam uwshat tapachindarangiya. Amb ashirangu, Rahabchich wachinllin na wand Israelchichish watsapun taakanaya.