Josueya 1:9 - Candoshi-Shapra

⁹ Anoom nuw shiyaa kamachtakina. Putiteem kinayarush, tsiyatangcha; kizpurtangcha. Punirinllpa. Mishat, sambaytarinllpa. Watam nuw shiyaam kuraki Apanlli ksutarinawa. Yaptam naakish ambtam nuw uru shiyaa ksutchima, tárangiya. Na kamaneena yuwaa Apanll Josueyaa kamachtarangu anootsi.

Josueya 1:9 Iomraidhean Croise

Apanll chtarangu 28:15

Mangish mantsarinllpa. Nuw shiyaa ksutatandi. Nda kasachinllpa yap naakchish ambi. Uru ningitam tsap kanapuchsha. Yuwaa nuw shiyaa áti anoo uru tatsamchima, tárangiya.

Apanll chtarangu 39:2

Itaru, Osiyaatssha Apanll kapung chinarangu, nda kasarangiya. Urutamari Osiyaa Apanll ksutarangiya. Ichingaru uwamari wanasir shitungarangiya. Wamari nllur ashirangiya. Osiy upaturunarish pang' taarangiya.

Apanll chtarangu 39:3

Ashirucha, upaturunarsha Potifar natstarangu, Nee nlluraa Apanll kizpurcha chinaksha. Ashirucha, uru Osiyaam ichingaru wanasir shitungkiya, tárangiya.

Salmos 46:7

Apanll kizpurcha. Iyachchee Akoparinchicheetsini nlluranurini uru ksutkiya. Apanllimun mangini tatkuni, urutamari iyaa izuuru tapachindaku taachiya. Apanllishumarisha kamungchiniya.

Isáysa 8:12

Piyartach tputs, Amikurtayani, atitaatssin, itaru siysa Utaáchchis anoo chinarintspa. Tputs nllitarit kizpur puniktaateesinaya, itaru siynaa punirintspa.

Tayaspatampanirini 4:19

Itaru, Pitorsha: Siysa watsta atitaatis, itaru iysha siyaa kukis payumaam pinasakaniya, watam Apanll iyaa kamaningtsa atuwa. Ashiriya, Apanlleetsimari kuk mazinachini. Ashiri siysa anoo chinangtsa.

Tayusima 31:23

Josueyaatssha, Nomarineetsi wip, Apanll tsiyatssee kamanirangiya. Josueyaa, shiysha kizpurtangcha. Shiytanda nee tputsee Israelchichee machchish yap nuw tsapoo panachintspa tárangi ambi. Nuw shiyaa urutamari ksutchinllpa, Apanll tárangiya.

Tayusima 31:28

Ashiriya, na in ichingarus shaniyangtsa. Yuwis kurakawis anis, ashparitis washunandari shaniyangints. Nuw wanasiritaatsiri waneekchuri, anoo mazinangtsa. Apanll yuw nee tsapurnasee kanindpatari tinarangu an mazinartam wanasiritaatsiri kamanchintspa.

Josueya 1:10

Josueysha yaktashchee ksutamapaneewa kamachtarangiya.

Josueya 1:17

Shiyaa kukish payukaniya yuwaa kamachtakish anootsi. Sirútama Móysisarinee kuk payutarini ashiritam shiyaatssha kukish ashkitamaniya. Mishat, Móysisarineemi Apanll kapung ksutarangu, shiyaamsha Apanll ashtachtampa atiniya.

Josueya 1:18

Mishat, wandaya yuwaa kamachtakish anoo, k'keetsish tputs nda payuksin, shiyshat tputsee pachayarus ksangtsa, tángcha. Mishat, nuw minumari atina shiyshat Josueyaa, kizpurtangcha; sambaytarinllpa, Rubenarinchich táranganaya. Ashiriya, na kamaneena yuwaa Josueyarini Rubenarinchichee tsiyatarangu anootsi.

Josueya 10:25

Ashirangsin, Josueyshat yusur tsiyatarangu, Ashiri siysat kundararpatini waratamaam punirintspa. ¿Mayaamaja sambaytachich? Arang kizpurtayarus, nee kurakaa kiyung yachangints, watam waana siyaam nee kurakaa piy ashimaam kamachtaranguwa. Ashiri siysat anuritam tuminungints, tárangu,

Josueya 10:8

Apanllshat Josueyaa, Punirintspa. Nuw siyaam kapung istachintspa. Pachampanee tputs siyaam tuyamandachintspa. Nuwshat napuxtamash wayayaruri kasachima. Amb ashkachuri, siyaa nda pakchiyam tistachinllinaya, tárangiya.

Josueya 3:7

Apanllsha Josueyaa, Ashiriya, na nuw shiyaam kapung istachinllpa. Ashkachuri, Israelchich tputs ichingarusin shiyaa wanasireem ínachinllinaya. Apanll Josueyaa kapung chinakiya. Móysisarineem kapung istarangu, na Josueyaamsha ashiritam istakiya, táchapsinaya shiyaatsiya.

Josueya 6:27

Apanll Josueyaam kapung istarangu, nda xapoorangu, wamari kasirangiya. Ashirucha, Josueyaa tputs ichingarusin Kanaanshuch tsap yasarangusin, Josuey kizpurcha, táranganaya. Ashiriya, na kamaneena yuwaa Josuey yakta Jericoyaa tpachingarangu anootsi.

Kurak tsipasa 6:14

Apanllsha wasundurur Jedeyonaa napeeru, Nduni shiypari Israelchichee tapachindachsha yuwaa Madiyanshuch kiyung yachakana anootsiya, watam shiy kizpurshawa. Shiynaa nuwamun mangish tatungandama. Nuw shiyaam istachinllpa, Apanll wasundurur Jedeyonaa tárangiya.

1 Samuela 10:7

Amb ashiramchush, Apanllee wizpur yaramchush, yuwaa Apanll wan shiyaa shingi tákchu, anuritam shiysha shingcha. Apanlltam shiyaam kapung istachiya.