Jonasa 1:3 - Candoshi-Shapra

³ Itaru, Jonassha Ninipip Apanllee kuk kamanimaam kapung ngatarangu, suwamamarisha chinarangiya. Ashiri upeewapsha botee napkatu, patussip naatarangiya. Patusis sur Jopimuncha. Ashiri anush bot yuwaa naamachu, tununkachu, anoo parangiya. Ashiri botish naamaam tuwaparangiya. Sheeru, botish zaruyaru naatarangiya.

Jonasa 1:3 Iomraidhean Croise

Apanll chtarangu 3:8

Mang pukamatsha zar kchizataramchu, Apanll mzatsish káyashinu naantachu, anoo mazinanataranll ashiranganaya. Papcha, Apanll naanllpa. Tapisheeni yasinshu, táranganaya.

Apanll chtarangu 4:16

Amb táyaru, Apanll zanganirangiya Kayínarineetsi. Itaru, Kayínarinshitini mang naatarangiya. Maachiritawaa kasarangiya. Apanlleetstam arap kasarangitamta. Sheeru, yapeem zar yaku amb naatarangiya. Ambiri taarangiya. Ashirucha, tsapoo suru ísamaranganaya Masangunazi atusina, itaru Hebrewshuchsha kuk Nod atiya, watam masaru taaratartarashin ashtaruwa. Ashiriya, na kamaneena yuwaa Kayínarini zoonllee Abelarineetsini pacharangu anootsi.

1 Utaáchich kuraka 19:3

Itaru, Elíyassha anoo mazinarangu, mangushsha chinarangu, Nuwaa pachamaam zandakpasinaya, tárangu, Nuwaanaatsi tapachindapi átu, Utaárinpini watsapun yakat Beersebap suwarangiya. Anushsha kuseeru, muchchuree anshurisha kasayaranllu,

1 Utaáchich kuraka 19:9

Anushsha kuseeru, yuwash tsap wach kapung kawaru, anush pshtuyaru maarangiya. Apanllsha wasundurur Elíyasash kuseeru, ¿Elíyasaa, shiy nish tamakshasha? tárangiya.

Esdra 3:7

Apanlleem pang' pangumaam tatsamoorangu, ashiri pangumpaneetssha, misha karpinterootstam kuruzurangsin, tsiyatarangsin, Tarawuztakchis anoom kurik tuwapchintspa, táranganaya. Mishat, Tirshuchee, mishat Sidonshucheetstam tputs karipanaa yushindamaam kamachtaranganaya, watam kurak Síru, shingints, táranguwa. Katungatspa, vinpa, mishat wayungunpatatam, tuwapchintspa, táranganaya. Ashiri uwshtisin, Ayu, tárangusin, machip Libanup naatarangsin, karipanaa katspayarusin, marish kung yushindaranganaya, patussishu yakat Jopshu. Ashiri Apanlleem pang' pangumaam chtarangusin,

Jobarini 1:12

Ashiriya Apanllsha natsampanee: Ashiri yuw zandkish an Jobaa maachirita itutsingi. Itaru, amuyaatsinaa Jobaa tayutaritinllpa. Ksangcha, Apanll tárangiya. Ashiriya Yashingsha, Ayu, tárangu, Apanllee kasayaranllu, Jobapsha kiyung yachamaam naatarangiya.

Jobarini 2:7

Yashingsha natsampan Apanllee kasayaru, arapsha naateeru, tsutashsheetssha Jobaam zanganirangiya. An tsutashish chit tamapari ashiru ashchiri wanuts shuneeru muchpatari tsutayaru, kizpur yutaritamuna.

Salmos 107:23

Mishat, iy zitaminarini ashpatam marip mus kapungumaship xiyranganaya. Maachiritaa tupaxanxangatu, minup tsap naatarangsin,

Isáysa 60:9

Pa. Mundariy zapan washunand kambusurush naakana. Társisshuch múndariy imazakanaya. Irusarinchich nlluranur araptaa taarangsin, zaruyarusin kuskanaya. Oroo xanatkana. Kurikee mbammash zapantam wayakanaya. Israelchichee Apanllirini kizpur chinaksin, Taarashipanee kis shambateeni, atusin, kuskanaya. Watam Apanll yaktaa Irusarina wanasireem ínaranguwa.

Esekiyela 2:8

Yuwaa nuw kamachtaki anoo payungcha. Shiynaa mangsheerinllpa. Uwin tamakpasinaya shirinllpa. Natu kukish xipungangee. Yuw nuw shiyaam panayanllee anoo ktungangee, tárangiya.

Esekiyela 3:14

Apanllsha wizpurpa nuwaa tuchiyzarangu, nuwaa uwpa itsirarangu, arapiri minup tsap wayarangiya. Naayaranlluri, tsiyantakuri, kapung mangi mantsarangina.

Jonasa 1:10

Nuw Apanllee kuk nda payumaam zandaranguri, ningeemsha suwarangina, tárangiya. Itsinsaru kamanirangtaa, itaru marsha nda pakchiyam zanayarangiya. Aranginasha kizpurinasha warastarangiya. Ashiri tputs aranginasha punirangusin, anumun masharanganaya. Ashiriya, ¿mayaamsha amb ashirangsha? ¿Na shiyaa tamaycheezini mar zanayamaama? táranganaya.

Jonasa 4:2

Jonas, Apaa, nuw shiyaa yasaktana. Shiy Apanlltishcha. Taarashipanish chinampanish. Ashirucha shiy nda musá tsiyantaksha. Watam shiy Apaa, kchinamishawa. Ashirucha, nuw tsapunshi taaruri, ¿Antaati shiy Ninipshuchee tunaree wanicheezish? shiyaa tárangashina. Mangupari waneeshish tushiychiya, tárangina. Ashirucha, nuw anumand tsiyantayaruri, Társisup botish suwarangina. Watam shiy wanimaam mapiykshawa. Tunareetstaa wanasir chinaksha, Apaa. Nayanikush nda waneeksha.

Lukasarini 9:62

Isussha: ¿Tamareeja tsimbun chinayarush, nuwash tachitchish? Pinasakiya, tárangu. Musash itsinsaru naamaam zandkuch, itaru natpunuyashtich kchungkuch, ¿nitaati wanasireeja naachich? ashikpaz ashkiya nuwash itsinsaru tachitamaama, mang tárangiya Isusu. Watamcha tputs Isusush tachitpi, tárangana anu.

Tayaspatampanirini 15:38

Itaru, Paporsha: Ndambaree. Watsta, pinasakiya; tárangiya, watam Pamfiliyash kung iyaa kamingaranguwa. Nda iwaparu, mangutari kasarangiya. Uw waritareeja; tárangiya Paporo.

Tayaspatampanirini 26:19

Ashirucha, ich Agrípaa, nuw izuuru mazinaranguri, mangoonarangina; Isusoo kuk nda ngatarangshina.

Tayaspatampanirini 9:36

Yakat Jopa kiz Tapíta suru taarangiya. Tapíta iyashuch k'kini, Manllan'si atuni atiniya. Tapít uru istampaniri taarangiya. Pukiree istataw ashtariya.

Tayaspatampanirini 9:38

Tputssha Pitoru Lidash taariya. Arapeeja; watsiritcha; tárangiya. Isuschichsha mazinayaru, tsimbunoo tputs kamachtarangiya; Pitoroo kuruzushinints; táyaru, ayu átu naatarangana. Pitorush kuseersin, Zuwaa Pitoroo, pza pangatish, mikingcha. Zapshtarinllpa; táyaru,

Tayaspatampanirini 9:42

Jopshuchi tputs ichinguru yasayarusin, tputs zapan Isusumun mang taturanganaya.

Tayaspatampanirini 9:43

Pitorsha anshuri zapan maarangiya. Simosh taspanish pang' taarangiya. Pitor Isuschichip pakatu ashirangu anoo wapparee kamaneena.

1 Koríndshucheema 9:16

Isus nuwaa tayaspatashini táyaru, Apanll waneerundama aturi ngatamaam pinasaktana; tuminarangtana. Tayaspataranguri, Nuwaanaatsi ungirtapi, atitaati, itaru pinasaktana; watam waana nuwaa kamachtaranguwa.

2 Tesalónshucheema 1:9

Isus Kurakarini kuskachu, anshu Apanll yashingchicheewaatssin waneekchu, urutamari kiyung kachiychinllinaya tina. Apanll kapeeteeru, arap masaru tunimash taachinllinaya Yashingshu. Ambiri tsipchiya; ndusha pangachchi izuurumamarita. Ambiri kiyung kachiychiytaru urutamari taachinllinaya. Urutari Apanllee wanllitarusin, taachinllinaya. Apanllish pshtumaam pinasachinlliniya. Isusoo wanasirimshirini nda pangchinllinaya. Isus waana wanasirimshirini yámandakchu, pangchazinllinaja nduni.