Jeremiyasa 26:3 - Candoshi-Shapra

³ Apaz shiyaa kukish mazinakchusin, yutaritshishirineetsi kasakchusina, ashkatssin, nuwsha yuwaa wanimaam chinarangi anoo ndusha ashtachima.

Jeremiyasa 26:3 Iomraidhean Croise

1 Utaáchich kuraka 21:27

Anootssha tsiyatsis kurak Ajab mazinarangu, wamaree izichirangiya. Sheeru, yuwsha kamaz purusa ansha kamartayaru, Apanlleem mangurangu, anpatari maarangiya. Putamsha anuritam chiyzayaru, kizpur mang' mantsaku, xitatat ashirangiya.

1 Utaáchich kuraka 21:29

Ashiriya, ¿Kurakaa Ajaba shiy pakish? ¿Tamaru yusur nuwaa chinaka? Yuwamand nuwaa yusur chinamaam zandku, anumand naturitana waana kchitaritanaa maachiritaa wanicheezi, nduni. Itaru, waana tsiparamchu, anush maachiritamsha nlluranureem yuw táyanlli an tatsamchina, Apanll átcha, táshini, tárangiya. Elíyassha, Ayu táyaru, Ajabaa kamanirangiya. Ashiriya, na kamaneena yuwaa Nabotaa Jesabel kamachtayaru, pachayarusin, mazaree kurak Ajab waamatarisha yarangu anootsi.

Jeremiyasa 26:13

Ashiri siy taarashis yarangints. Sheerus, Apanlleetssha kuk payungints. Ashkachus, yuwaa nuw siyaa kamanirangi, anoo ndusha waneeshshee zanganchiya.

Jeremiyasa 26:19

kuraksha Esekiyasarini, misha Utaáchich tputs ichingarusin anoo mazinarangusin, ¿antaati anumand Mikiyasarineetsi pacharangana? nda. Kurak kizpur punirangu, Apanllpasha tsiyatku, Apaa, amb shirinllpa. Iyaa nayaningcha, tárangiya. Anumandsha Apanll waneeshshee yuwaa wanimaam chinarangu anoo nda zanganirangiya. Ashirucha, iy wanasirimshee tputs Jeremiyasaa pachakchuni, ¿ndusha Apanll aranginash iyaa waniyach? tárangiya.

Jeremiyasa 36:3

Wandaya Utaáshuch yuwaa waneeshshee zanganimaam zandki, anoo mazinayarusin, puniksin, yutaritshishirineetsi kasakchusin, nuwsha yutaritshishireetsi tachingeeruri, mapiychshitina, Apanll tárangu,

Jeremiyasa 36:7

Apaz anoo mazinakchusin, yutaritshishirineetsi kasayarusin, Apanllish yusur tachitkatssina. Watam Apanll yutaritshishirimandini tsiyantaku, waneeshshee zanganimaam zandku, an kapung yutaritawa, táranguri,

Esekiyela 18:21

Apanll tárangiya; Yutaritshishpan tputs mantsirimshee kasakchinaareesinaya, nuwaatssha kuki payukchusin, wanasirsha taakchusin, tputsee wanasir tatsamooru chinakchusin, zurampatari an tputs tsipachazinllinaja.

Jonasa 4:2

Jonas, Apaa, nuw shiyaa yasaktana. Shiy Apanlltishcha. Taarashipanish chinampanish. Ashirucha shiy nda musá tsiyantaksha. Watam shiy Apaa, kchinamishawa. Ashirucha, nuw tsapunshi taaruri, ¿Antaati shiy Ninipshuchee tunaree wanicheezish? shiyaa tárangashina. Mangupari waneeshish tushiychiya, tárangina. Ashirucha, nuw anumand tsiyantayaruri, Társisup botish suwarangina. Watam shiy wanimaam mapiykshawa. Tunareetstaa wanasir chinaksha, Apaa. Nayanikush nda waneeksha.