Isáysa 9:2 - Candoshi-Shapra

² Siyaa Galileyshuchee tputsis tina: Tapshutaa taakus, kiyungtaa kachiykus, itaru zapshinaa 'sinee kizpur pangatssa. 'Sinsha siyash kuskachu, siyaa tuwasinichiya. Ndusha yutaritshishush tunimushpaz ashirus taatssa.

Isáysa 9:2 Iomraidhean Croise

Salmos 107:10

Mishat, iyashchi tputs tunimushpaz taaksina, ashirusin kiyung kachiyaranganaya. Putám kateenpa kamurim tamaparee ashirusin, mang' kapung kiyung kachiyaranganaya.

Salmos 107:14

Sheeru, iyaanpee tsapunni kanapumaam ngoots wanasiripsha yámandarangiya.

Salmos 23:4

Wazawshutaati, tapish tsipamaam waritaktaati, nuw tsipatsee punikeezi, watam shiysha Apaa, nuwaa nda kasakshawa. Chinuzpan tamapari ashirush yungashpatish, mishat tushuwashpatish nuwaa ksuteerush machiksha. Ashiri nuwsha shiyapat mapiyru kis naakina.

Isáysa 60:19

¿Mayaamaja kaschir zar zatach? ¿Mayaamaja tsup psaan 'sineech? Watam nuwsha, Taarashipani siyaam urutamari 'sineekpaz ashiru taachinawa. Nuw siyaa Apanlleeruri, siyaam 'sininitaraa ashtachima.

Amosa 5:8

Apanll tsangachee ichingaru tínarangiya. Tapeetstam, kaschireetstam wayarangiya. Tap tarasitaranllu, 'sineekshita. Kaschirsha zar puputaranllu, tapitaranll ashkiya. Apanllimari amb ashkiya. Mishat, mareetssha, Tsapumun zaw shingi, tákchu, anuritam ashkiya. Waana zandku, yuwaa sundaroom pang' patumbichpa mbam tínarangana, anootstaa izuuru zaw ashkachu, yurangayaru, kapeetchiya. Waana Apanlleeru ashtachiya.

Matiwarini 4:16

tapshutaa taaksin, kiyungtaa kachiyksin, itaru zapshinaa 'sinee kizpur pangchinllinaya. 'Sinsha kuskachu, anoo tputsee tuwasinichiya. Ndusha yutaritshishush tunimushpaz ashirus taachinllinaya, tárangiya Isáysarini. Ashiri Isus anuritam kuk tatsamoorangiya.

Lukasarini 2:32

Nimun arapchitam tunartaa shiyaatstam kukish yasachtampasinaya. 'Sinushpa taachinllinaya. Utaáshuch tputs nimun kizpurtachpasinaya. Wapparee, Apaa, mang tárangiya Simorini Apanllpa tsiyatku.

Wangarini 12:35

Isussha: Nuw Apanlleem tuwasineempantana, tárangu. Natumasam siyaa mangis tuwasineekpaz ashkina. Ashiriya, ndatuma nuw naachuri, nuwaa kuki mangoonangtsa; naturi in mangoonangtsa. Ndunnaa ashkus, mangishis tunimpaz ashiru taachiya. Sheerus, izuuru tunimush masatkachus, yashingupparee naatssa.

Wangarini 12:46

Tputs nuwaa mangoonpana aturi, tunimush taarusinapa aturi, Apanllee yasapana aturi, nish tsapurunasush kusarangtana. Tputsee mang' tuwasineekpaz ashiru p'tseekina Apanllee mangoonamaama.

Wangarini 8:12

Isus yusur Apanllish pang' tayaspataku, tárangiya; 'Sin tamapari ashiru taakina nuwa; tuwasinimpantana. Tputs nuwash tachitku tunimush nda taakiya. Itaru, 'sinishpaz ashiru taachiya, tárangiya Isusu.

Ipísshucheema 5:8

Sirú siy tunimushpaz ashirus taarangtasa itaru na in 'sinishsha taaksa. Apanll siyaa waama tiptsiri ínarangu, ashiri Apanll tiptsiri tamaparee ashirus 'sinishpaz ashirus taangtsa; wanasiriri taangtsa, atashina.

1 Pitorurini 2:9

Itaru, Apanll siyaa ipusarangu, apanllpaniri taaksa. Apanlltischa tiptsiris. Kizpur Apanllee chinaksa. Sirútama Apanllee kuk nda mangoonarangus, tapish taarangsa. Na siy Apanllee mangoonkus, 'sinish taaksa. Apanll mangeetsis tuwasineekpaz ashirangiya. Ashiri Apanllee kuk kamanimantar shingtsa.

Kurak tsipasa 5:30

kasirangusin, sundaroom kizaa panakana? Mishat, ¿ndusha kamisaatstam wanasirimshee Sisaraam panakana? Mishat, ¿paneerootstam wayarpunish kapchamaam panakana? Ashkupsinaya, kureeranaya, Sisar wanir muchchur tárangiya.