Isáysa 7:3 - Candoshi-Shapra

³ Itaru, Apanllsha nuwaa tsiyatarangu, Isáysaa, shiy iparpatish, Sear-yasubpa ipuneerush, kurakap Ajasap napashincha. Ajas tsap kpimash kung tashtap taariya. Ngootsip yap chirikoo káchakana amb naangcha. Ajasaa anush chamayangayarush, nuwaa kuki kamaningcha.

Isáysa 7:3 Iomraidhean Croise

2 Utaáchich kuraka 18:17

Ashirangu, kurak Asiriyashuch Sinakirip waanaatsi wipunashee Utaáchchip kurak zanganirangiya. Mishat, sundarutam kizpureew sundarpatatin pachamaam zanganirangtamta. Ashirangsin, tsap Lakisash shaniyarangsin, Irusarinapsha yakat naataranganaya. Ashiriya, Irusarinash kusarangsin, mus tashtap taaru annung ngoots chirikoo káchampaneem wayarangana, annungiri ashpartin shaniyaranganaya.

Tashitungarangu 7:15

Ashiri pu puturi naayarush, kurakap napangcha. Ashiri waana kurak kungup chumakatu naakchu, shiysha tushuwshiptish yáyarush, ambtam naangcha. Anush kuseerush, kungumun wingu k'tangcha.

Isáysa 55:7

Yutaritshishpanis, yutaritshishireetsis izuuru kasayarus, Apanllee mangoonangtsa. Kitsis mitsshartawis mantsir chinarintspa. Apanllee yusur chinangtsa. Ashkachinaareesa, siyaa nayinichintsa. Siyaa mangeetsis yarchiya. Yutaritshireetsis ichingaru mbizachiya, watam siyaa kizpur chinakuwa, nuw siyaa atashina. Apanll waana ateeja:

Isáysa 6:13

Wandaya chungaa arangeem tputs minam taarinaariya, anootstam kapeetchima. Yasinaa washitanee tuwayaruch, izuuru kapeetkachuch, Puchimsha pshkoorutar ashtaru ashtachiya. Itaru, xixpurootspaz ashiru tputsireemi yusur katuchimaa wayachima. Annaa tputs nuwaa kuki mazinachinllinaya. Anush tputsireetsi yusur chinachima, tárangiya Apanlli nuwaatsi. Ashirucha, Apanll nuwaa Israelchichee tputsee kamanimaam nuwaa zanganirangiya.

Romshucheema 9:27

Itaru, iyaatssha Utaáshucheetsini Isáysarini wasina kamanirangtamta; Utaáshuchin zapantaatssin, mazach tamaparee ashirusin, Apanll waneekchu, machinshapa kamungchinlliniya, tárangiya.