Isáysa 5:2 - Candoshi-Shapra

² Wanasir puyayaru, Maachtaa patumbchee ichingaru kapeetarangiya. Kizarunaa ipus ipus sheeru, wanasirimsheetsimari tatsumarangiya. Mázarish apusanand torre napamaam kayatarangiya. Sheeru, Vinoo wayar waapi átu, kamiyamaam wayarangitamta. Iwaparangu, wanuseemsha kutarangiya. Kam waapi, tárangitaa, waaj, kizarunsha kizpur kapiz yusirangiya.

Isáysa 5:2 Iomraidhean Croise

2 Samuela 7:10

Shiyaam tputsireemaruri Israelchicheemis nuw yuwaa tsap kizpur wanasiri anoo ipuseeruri, nishpari mapiyrsin taachinllinaya. Nda tputs ayamtaati yusur muntachinllinaya, táranguri, tsapoo ipuseeruri wayarangina.

Salmos 80:8

Iyaa zitaminarineetsini Ijiptomand tsap kizarunaatspaz ashirush, xpuyarush, nish Kanaanushsha tsap yushindarangsha. Kanaanshuchee tputsee kasirangush, tpachingarangsha. Sheerush iyashcheetssha kizarunaatspaz ashirush anush tsap tatsumirangsha.

Salmos 80:9

Karutaatssha wanasir puyakpaz, sheerush, kizarunsha zapan kxunarangiya. Izuuru ashchiri tsapoo tatsitarangiya.

Tashitungarangu 33:16

Mishat, Apaa, shiy iyapa ichingurootsini ipunamaam ngatkush, antaati shiy iyaa tputsireezish, ndambaree. Nllitaritpazini tputsini ashiruparee taachiniya. Itaru, shiy iyaa ksutkachush, mishat iyapa ipunkachush, iysha shiyamunparee wizpurish taachiniya. Ndusha nllitaritpaz tputs ashiru taachiniya, Móysis tárangiya.

Isáysa 1:8

Kundararis siyaa pacharangusin, Siyonshuchis minamaritis katuchim taaksa. Na kundararis siyaam tsangakanaya. Siyonshuchis yakat tambpaz ashiru mzatsip upusanand xiyaa ashkiya. Sundarshat kachingamamari iturpipitaraa, iturpipitaraa ashishtangat ashkanaya.

Isáysa 5:7

Nuwamari kasiruri, siyaa Utaáchcheetsis atashina. Nuw mzari watacha siyaya. Nuw tatsumareetspazi ashiruri kizpur siyaa chinarangina. Siy Israelchichis nuwpaz mzari ashirus taaksa. Itaru, nuw siyaa, Nuwaa kuki payuchinllinpa, tárangitaati, Siysa pachampaneemarisha kinarangsa. Waanpatatin wanasir napchinllinpa; itsinsaru chinachinllinpa, tárangitaati, itaru, siysa tputsee kiyung yachakus, siyamun tputs kiyung kachiykusin, wasureemun, Ay átangat ashkanaya. Amb ashirangus, kizarun wanus kapiz tamaparee ashirangsa. Ashirucha, anumand siyaa zurampatari kasachintspa, nuw atashina, Apanll siyaa Utaáchcheetsis tárangiya. Utaáchich kizarun tatsumim tamapari ashirusin taakanaya, atiya.

Jeremiyasa 2:21

Siyaa kizarunaatspaz ashiruri, wanasirimshee ipuseeruri, tatsumeeranguri, wanasir ksutarangina. Ashirangtaati, itaru saantarisha yutari zapan chinakus, masatakpaz ashirangus, nda siyaa natstakina.

Mikiyasa 4:8

Yakat Irusarina torre, mishat tandapunoom kizpur wanasir ashiru taachiya. Anush mach Siyonash Apanll tiptsiree, opeeja ksutamapan ashiru ksutchiya. Yakat Irusarin, kapung ichingaru uwamari kasiru yusur taachiya. Sirútama taarangu ashiritam taachiya, átcha Apanlli siyaatsee, nuw Mikiyasi atina. Apanll waanaatsi tiptsir yusur tapachindakchu, waanpee watsapun kanapchinllina, anoo na kamaneena. Irusarinshucheetsis, Apanll siyaa atiya:

Masatarangana 23:9

Nuw machimand káreeruri, naparanguri parangtana. Tputs wazapansincha. Nuw ashpa tputs patareezi. Waanapa Apanll tiptsiriya. Napa, ashpisin taarana minpicheewtampasinaya tsapuranas tputsiya.

Matiwarini 21:19

Ngootsush watsirit yasinaa wanus yusitaru anoo parangiya. Wanusee nachungarangu, ndunarshtaya. Warunandarita parangiya. Isussha tsiyatku; Ayamtaati yusicheezish, ndambaree; tárangiya yasinaatsi. Táyaru, anumunsha yasin mawiruyaru tsiparangiya.

Matiwarini 21:33

Na xamachi, misha tsiyatssis mangeetsis p'tsimaam kamanchintspa, tárangiya. Tputs mazareem wanusee tatsumurangiya. Wanusee kizarun tamapari ashiru tatsumurangiya. Tatsumeeru, mzatsee tandapunurangiya. Tandapunurangu, wanuseem wayari tatsirapshisheem wayarangiya. Sheesha, íwartam pangusee pangurangiya ksutamapaneema; mazaree ichinguru ksutamaama, watam kapunguwa. Sheesha, ashirangu, ichinguru yararangu, ksutamapaneetssha: Na siysa wanasiri tarawaztakus ksutangtsa. Wanasiri ptatangtsa. Ashkachus, nuwsha wanasiri tuwapchintspa, táyaru, nllitaritap tsap naatarangiya. Anush tsup zapan taarangiya.

Matiwarini 21:34

Wanuspassha waritachu, tputssha muchchuree kamachtarangiya; Tsapunpi kanapungints. Kuseerus, ksutamapanee mashangtsa. Wanusee nuwaam yashini, muchchuree kamachtaku, tárangiya. Muchchursha naayarandsin, kuseersin, ksutamapanee masharangana wanuseetsi. Paturunari yushindangandama, átcha, tárangana. Itaru, ksutamapansha wanusee kapung pachindarangana. Muchchuree putayaru, minoo yasinpat pzkoorangu, minootstam pacharangu, minootssha patumbichpat karikatar ashirangana. Ashiri muchchursha suwayarusin, mangusha xunarusin waptam naatarangana.

Márkosarini 11:13

Itaru, k'payunllish puch kuseeru, wanusee napku, manustash parangu, watam yuwapas nda yusitaru anpas parangiya.

Márkosarini 12:1

Tsiyatssis nllitarit kamanchintspa mangeetsis p'tsimaama; mang, tárangu. Tputs mazarish wanusee tatsumurangiya. Wanusee kizarun tamapari ashiru tatsumurangiya. Tatsumeeru, mzatsee tandapunurangiya. Tandapunurangu, wanuseem wayari tatsirapshisheem wayarangiya. Sheersha, íwaritam pangusee pangurangiya ksutamapaneema mazaree ichinguru ksutamaama. Sheersha, ksutamapaneetssha: Na siysa wanasiri ksutangtsa. Ashkachus, nuwsha wanasiri tuwapchintspa táyaru, nllitaritap tsap naatarangiya. Anush tsup zapan taarangiya.

Márkosarini 12:2

Wanuspas waritachu, muchchuree kamachtarangiya. An muchchur k'kuzee kamanimapanimuncha. Tsapunpi kuseerush, tputsee mashangcha; Iy paturunarini wanus p'sashinints táyacha; nuwaam yátancha áttanda táncha; mang, tárangiya.

Romshucheema 9:4

Apanllsha Utaáshuchee kizpur chinakcha, watam sirútarit zitaminaa waamat tiptsireem ínaranguwa. Sirú Apanll iyapat Utaáshuchpat taarangu, machip íwarip Apanll kuk kimarangu, waana iyashchish yakarangu, 'sinirineetsi parangusin, napuxtarangana. Anush Apanllsha: Nuwaa kuki payukinaareesa, uru siyaa wanasir istachintspa, tárangiya. Apanll waanaatsi kuk tuyandayaru, iyaamsha Utaáshucheemani zitaminarini panarangiya. Apanll Utaáshucheewaatsini waanaats kis ungirtamaam tayaspatarangiya. Ipareetsi siyap zanganchima, tárangitamta.

1 Koríndshucheema 9:7

¿Nitaati sundar waana tuwapayaru katungak? nda. ¿Antaati chiy mzareetsich tatsumeeruch, nda katungtarich? uru katungtarchi. ¿Antaati chinuzee chinuyaruch, nda kurikee putakich? uru putatarchi. Nuwsha ashiritamti, siyaa Apanllee kuk kamankuri, siyash nguti katungamaam waritaktaati, Watsta, tárangina, watam xarashish wayamaam nda zandaranginawa.

Tayusima 32:6

Ashiriya, yuwamand siyaam Apanll aship istayaranllu anumand pakchiyam wappari támaamayam nda zandaksa. Siyashuch pakchiyam nda wanasir chinamaam yasaksa, watam siyaa waana Apanll tinaranguwa.

Kurak tsipasa 16:4

Anumunsha Sanson kizaa sur Dalilaa imbangartarangiya tsap sur Sorekshucheetsi.