Isáysa 42:3 - Candoshi-Shapra

³ Watsiyunpa nda taachiya. Tputsee iwatootspaz ipusamaatsi ashiru ndusha tzayaru kapeetchiya wanimaamaya. Nambarin achitamari tirooyaruch, kurakurtar ashtaru nuw tputsiri ndunsha ashtachiya. Tputs kiyung kachiykana an ashikpaz ashiru, ndusha arangeem kiyung kachiychinllinaya. Ashkachu, tatsamooru tputsee napchiya.

Isáysa 42:3 Iomraidhean Croise

Salmos 96:13

Watam waana tsapurunasshuchee ichingaru ksutamaam kuschima, táranguwa. Tputsee natstayaru, wanasiri zurampatari tsiyatku, anoo ksutchiya.

Isáysa 2:4

Apanllsha Taarashipan tsapurunasee tputs itsinsar yasachiya. Tputs waanpatatin tsiyatssee mantsir payukinaareesinaya, Taarashipansha waana tsiyatssee yarchiya. Anpur, ayamtaatiya tputs waanpatatin waratchazinllinaja. Tapazeetstam waanpatatin nda tayaspatachinllinaya. K'chirpungoo mangutarisha payuchinllinaya. M'chitaatssha waratamapani mázareemsha tatsummapaneem ínachinllinaya. Turuwaatssha wareemsha ínachinllinaya.

Isáysa 40:11

Chinuzpan ashiru tiptsiree wanasir ksutkiya. Tputs opeejaa wip chipayaru, mangumunari chipaypaytar ashku wanasir ksutkiya. Opeej wipaa kaneeschiri tatsipkachu, wanasir ksutaru, ashiru Apanll iyaa Israelchicheetsini ksutchiya, waana Apanll siyaa tárangiya.

Isáysa 42:2

Kizpur, Jay tácheeja. Tsiyatku, ndusha zunganeechiya. Yaktash nduntam tamundachiya.

Isáysa 50:4

Apanll Taarashipan nuwaa tayaspatarangiya. Tayaspatarangu, tputs kizpur nizkitaa, nuwsha apinll tsiyatkuri, mangoo isitchichina. Zar taraseekchu, Apanll nuwaa ituyamachu, kis támkachuri, kukoo kamiran nuw mazinakina.

Isáysa 66:2

Watam nuwaana maacheetsi ichingaroo tinaranginawa. Nuw ndunnaar tinaranguri, ¿ashireeja maachi taar? Apanll waana tárangiya. [Watamari nuw Isáysi kuki.]

Isáysa 9:7

Uwsha nllur kurakaam kinayaru, Dapiyarinish zamuchiya. Tsapurunashuchee tputsi ztaru ksutchiya. Urutamari tputsee tatsamooru napchiya. Yutaritshishpanee waneeyaru, wanasirimshee tputsi zurampatari istachiya. Ayamtaatiyam mapiyshish nda pastachiya. Apanll waana iyaam nlluraa wayachiya, nuw Isáysi siyaa Galileyshucheetsis atina.

Jeremiyasa 31:25

Ashiriya, tputs mariztaksin, nuwsha katungats kapung panachima, misha waashineemtamta. Katungkusin kizpur nizirangsin, wizpur ndunareewshta, anoo tuwizpurtamaama, Apanll nuwaa miranish tárangiya.

Esekiyela 34:16

Tputsireetsi nuwaana wanasir ksutchima. Ksutamapan wanasir opeejarineetsi ksutaru ashtachima. Tputsiri masatkatssin nuwaanasha anungaz uru nachungayaruri, yusur anshutam wayachima. Wandtaati wats chpamawsha yamayachuri, nuwaanasha anoo tapatstashipa tapatstayaruri, uru yarchima. Nuw wanguyawaa, misha matambsheetam, wanuts kapunguwaatstam tatsamooru ksutchima.

Mikiyasa 7:9

Yuwamand yutarit taarangini anumand iyaa Apanll tsiyantaku, waneektaatiya uru Apanlleetsimari chinakuni taakaniya. Ashiri wanimaam iwaparamchu, yusur iyaa tapachindayaru, 'sinishsha wayakchu kisshaparee taachiniya.

Matiwarini 11:28

Naani, nuwaa kuki mazinangtsa. Waninll zitaminaa kamachtamarini payumaam kiyung kachiyaksawa. Itaru, nuwamun mangis tatkus, nuwsha mangeemis mapiym panachintsa.

Matiwarini 12:20

Watsiyunpa nda taachiya. Tputsee iwatootspaz ipusamaatsi ashiru ndusha tzayaru kapeetchiya wanimaamaya. Nambarin achitamari tirooyaruch, kurakurtar ashtaru nuw tputsiri ndunsha ashtachiya. Tputs kiyung kachiykana an ashikpaz ashiru, ndusha arangeem kiyung kachiychinllinaya. Ashkachu, tatsamooru tputsee napchiya.

Wangarini 20:27

Tomásaatssha tasaseeru, Tomásaa zuwaa, nuwaa kuweetsi ptatanganda. Mishat, tandarameetsi kuwiptish ptatanganda. ¿Tamasha nda mangoonaksha? Támeena. Anoo mangoonangcha, tárangu,

Wangarini 5:30

Nuwaanamuntari wizpuriri taakeezi. Apapamun wizpuri taakina. Tputsee mang' natstayaruri, itsinsasha natstakina. Apap nuwaa kamachtaku, anuritam itsinsaru payukina; itsinsaru tputsee natstakina. Apapaatsimari kuk payupi turi, anuritam chinaktana.

Apanll ashtachu anu 19:11

Kanindap nap ashkuri, yusur tawata ashirangiya. Nllitaritsha yusur nuw parangina. Tputs kapaachumun zaruyaru kuxinarangiya. Kapaachsha mburshimashcha. Tputssha sura, Apanllee yámandampancha; mishat itsinsampancha. Natsha undararpat waratamaam naaku, izuuru kasichiya. Waanamandari chayarini wanichiya.