Isáysa 2:5 - Candoshi-Shapra

⁵ Akoparinchichis, ¿mayaamsha kiyung kachiyatssa? ¡Wanasir itsinsar taayani! Waana Apanll Taarashipan iyaa 'sineekpaz ashkachu, kis taapani, atina. Ashiriya, Apanll Taarashipansha ayam iyaa istakachu, tsapurunasush ztaru tputs mapiyrshtisin taachinllinaya, nuw siyaa atina.

Isáysa 2:5 Iomraidhean Croise

Salmos 89:15

Ashiri Apaa, Tputs shiyaa kis shambatkusin, ungirtaksin, uru mang' kis taakanaya. Shiyash nungish tachitkusin, 'sinish kis taakanaya.

Salmos 89:16

Shiyamunatam mang' ksakanaya. Watam shiyamari itsinsaru tputsee yasakush itsinsaru tsiyatakshawa.

Isáysa 2:3

Tputs amb naakchusin, shurungakataraa sheersin, waanpatatin táchinllinaya: Pzaya. Apanllip machip káreeruni, Akoparinshini Apanllirini pang' pshtuyani. Amb ashkachuni, waana Apanll iyaa tayaspatachiya. Waa kuk mazinaruni, Apanllish kissha tachiteeni, táchinllinaya. Anushsha Siyonamand Apanllee Taarashipanee kuk tayaspatachinllinaya. Irusarinamand Apanllee kuk mazinachtamanaya.

Isáysa 58:1

Apanll Taarashipan nuwaa tárangiya. Kizpur tsiyatangcha. Pzirinllpa. Wakar wits tamaparee ashiru kapung zunganeengcha. Nuwaa tputsiri waneengcha, watam yutarit taakanawa. Akoparinchich tputs yutaritshishee kis chinakanaya.

Lukasarini 1:79

Tapshutaa taakuni, kiyungtaa kachiykuni, itaru 'sinee kizpur pangchiniya. 'Sinsha iyash kuskachu, iyaa tuwasinichiya. Ndusha yutaritshishush tunimushpaz ashirus taachiniya. Iyaam mapiym panachiya, mang tárangiya Sakáriyarini wipaatsi.

Ipísshucheema 5:8

Sirú siy tunimushpaz ashirus taarangtasa itaru na in 'sinishsha taaksa. Apanll siyaa waama tiptsiri ínarangu, ashiri Apanll tiptsiri tamaparee ashirus 'sinishpaz ashirus taangtsa; wanasiriri taangtsa, atashina.

1 Wangarini 1:5

Ashiriya, nuwsha Apanllee Wip kuk siyaa izuuru kamanchintspa. Apanll izuuru wanasircha; Apanll yutaritshishee nda pakchiyam chinakiya. Apanll 'sinpaz ashiru taakiya. Antaati Apanllish taap wanindareeja; nitaati yutaritshish min wanindareeja.

1 Wangarini 1:7

Itaru, Apanll tamara ashiritamani taakchuni, Isus Apanll Wip ursirpat yutaritshishireetsich tachingtariya. Ashkachuni, waptacha taakaniya. Washunand Apanllchichpatatich kisshapa ipunachchi. Ashiri Apanll tamara ashiritamani taayani tina.