Isáysa 2:4 - Candoshi-Shapra

⁴ Apanllsha Taarashipan tsapurunasee tputs itsinsar yasachiya. Tputs waanpatatin tsiyatssee mantsir payukinaareesinaya, Taarashipansha waana tsiyatssee yarchiya. Anpur, ayamtaatiya tputs waanpatatin waratchazinllinaja. Tapazeetstam waanpatatin nda tayaspatachinllinaya. K'chirpungoo mangutarisha payuchinllinaya. M'chitaatssha waratamapani mázareemsha tatsummapaneem ínachinllinaya. Turuwaatssha wareemsha ínachinllinaya.

Isáysa 2:4 Iomraidhean Croise

Salmos 110:6

Tsapurunasee kurak ztaru, tpachingayarush, tputseetssha, minchichee tputs, minchichee tputs ashiru ichinguroo waneeyarush tsiparee washunand xanatatsha.

Salmos 46:10

Apanll tputsee kamachtaku; Na waapa. Zanayangints, tákchu; Nuw Apanlli Taarashipantana. Tputsee urkar ztaru tiptsirpatatam nuwaatssha; Shiy Apanlltishcha. Shiyamari kasirush taaksha, nuwaa táchinllinaya, átcha Apanlli.

Salmos 46:9

Tapazpaneetsi tsapurunas ztaru; Na Waapa. Zanayangints, tákchu, Tapazpan ztaru zanayanllinaya. K'chirpungoo ichingaru ichip ichip sheersin, Turuwaatstam pátangambeeru kasayanllinaya. Tapazpanee pshiyrshini sumasush mucheenlliya.

Salmos 96:13

Watam waana tsapurunasshuchee ichingaru ksutamaam kuschima, táranguwa. Tputsee natstayaru, wanasiri zurampatari tsiyatku, anoo ksutchiya.

Isáysa 32:17

Kurak tputsee tatsamooru napkusin, uru mapiyrsin taachinllinaya.

Isáysa 32:18

Nuw tputsiri waanpatatin, Zuraktishcha tákchusin, anumun mangich tatuchpachi.

Isáysa 42:1

Apanll ateeja: Napangtsa. In watacha nuw ipunshi kizpuri. Nuw ipusaranguri, ksutkuri, kizpur wamun mangi kischa. Nuwaatsi kani ipunshishi tapshtuchima. Ashkuri, uwsha tputsee mangoo ichingarootsin itsinsaru natstachiya.

Isáysa 42:3

Watsiyunpa nda taachiya. Tputsee iwatootspaz ipusamaatsi ashiru ndusha tzayaru kapeetchiya wanimaamaya. Nambarin achitamari tirooyaruch, kurakurtar ashtaru nuw tputsiri ndunsha ashtachiya. Tputs kiyung kachiykana an ashikpaz ashiru, ndusha arangeem kiyung kachiychinllinaya. Ashkachu, tatsamooru tputsee napchiya.

Isáysa 9:5

Wasundaruree wasapturi itutseerush, misha wamaree kuras ixataru, anoo ichingaru sumasish kapeetachpasha.

Isáysa 9:7

Uwsha nllur kurakaam kinayaru, Dapiyarinish zamuchiya. Tsapurunashuchee tputsi ztaru ksutchiya. Urutamari tputsee tatsamooru napchiya. Yutaritshishpanee waneeyaru, wanasirimshee tputsi zurampatari istachiya. Ayamtaatiyam mapiyshish nda pastachiya. Apanll waana iyaam nlluraa wayachiya, nuw Isáysi siyaa Galileyshucheetsis atina.

Mikiyasa 4:3

Apanll tputsee ichingaru ksutku, kurak waanpatatin pachamaam chinatarana, arapich kurak, kizpureew taarangana, anoo Apanllsha mazinakchu, yuwaa mantsir chinataru anoo wanasirsha yarkachu, kuraksha Apanllee kuk mazinakchusin, ayamtaati waratamaam chinachazinllinaja. K'chirpungurineetsi tsapoomsha ktsimpaneemsha wayachinlliniya. Mishat, wachiruree karutamsha puyamaam wayachinlliniya. Tsapurunas ztaru tapazee kasachinllinaya. Ndusha kanungasee tputsee pachamaam tayaspatachinllinaya. Mapiyshtisin taachinlliniya.

Sakáriyasa 9:10

Sheeru, uwamari Efrayinshuchee tapazpan pshiyrshini kachingkeeru kasachiya. Irusarinshuchee kapaach tapazpanee, misha xanxapsheetstam tapazpanee izuuru kapeetchiya. Tsiyatssee yaramaam tsapurunashuchee tsiyatchiya. Uwamari ksutchiya. Aranginasha, aranginasha sheeru, yap tsap tspakatu ambtam, Eufratisshutam kung ksutchiya.

Tayaspatampanirini 17:31

Watam na Apanll wayarangitamta yuwash zar tputseetsich wanichu anooma. Apanll tputsee natstampaneem ínarangiya. Uwsha anush zar ichinguru natstachiya tputseetsiya. Anush tputsee itsinsaru natstakachu, yuw nda yutaritshishee kasaku anoo wanichiya. An natstampan tputs xaptareeja, watam tsiparangitaa, Apanll anoo ituyamaranguwa; Papor, tárangiya.

Apanll ashtachu anu 19:11

Kanindap nap ashkuri, yusur tawata ashirangiya. Nllitaritsha yusur nuw parangina. Tputs kapaachumun zaruyaru kuxinarangiya. Kapaachsha mburshimashcha. Tputssha sura, Apanllee yámandampancha; mishat itsinsampancha. Natsha undararpat waratamaam naaku, izuuru kasichiya. Waanamandari chayarini wanichiya.

1 Samuela 2:10

Uru Apanll nuwaam kundarari kanindamand kariyaa tsapush zanganchiya, izuuru tpachingamaama. Apanll tsapurunasshuchee tputs ichingaroo taarash yasariya. Watam Apanll tsapurunasshuchee waana zandku, kurakaam ínakchu, uwshat tiptsiree ksutkachu, aranginashat kizpureem taakiya, Ann Apanllee ungirtaku ántar ashirangiya.