Isáysa 2:1 - Candoshi-Shapra

¹ Nuw Isáysi Apanllee kuk kamanchintspa. Nuw apari Amoscha. Apanll waana nuwaa yámandarangiya. Yuwaa Utaáchchee, Irusarinshucheetstam tputs ashtachu anoo kamanchintspa. Apanll waana tárangiya:

Isáysa 2:1 Iomraidhean Croise

2 Utaáchich kuraka 19:2

Sheeru, pangoo ksutamapaneetssha Eliyakimaa, mishat kirakaa yandampani Sebnaa, Kamaris mantsirimash kamartayarus, Isáysapsha Apanllee kuk kamanimapanip, Amosap wip napashingtsa, tárangu, naataranganaya. Isáysash kuseersin,

Isáysa 1:1

Nuw Isáysi Apanllee kuk kamanchintspa. Nuw apari Amoscha. Apanll nuwaa yámandarangiya yuwaa Utaáchchee wanichu anootsi. Yuwapur Osiyas, Jotantam, Ajastam, Esikiyastam kurak taarangana anpur Apanll nuwaa tsiyatarangu, anoo kamanchintspa.

Amosa 1:1

Ashiriya, nuw Amosi Tekuwash opeejaa ksutamapan taaruri, anushsha Apanll Israelchichimun tsiyatssee kamanirangiya. Yuw mundaz mundaztachu, an tsimbun masach pshataru, anush nuwaa kamanirangiya. Anpur Osiyas Utaásh kurakamuna, Jerobowamsha Jowasarini wip Israelchicheem kurakamuntamta.

Mikiyasa 1:1

In watacha Apanll kuku yuw nuwaa Mikiyasaatsi, tputsee kamanimaam kamachtarangu anu. Nuw Moresetshuchtana tputsi. Apanll nuwaa, yuwaa Samariyashchee, misha Irusarinshucheetstam wanichu anoo kamanirangiya. Yuwapur kurak Jotam, Ajas, Esikiyas, ashirusin kurakaam kinarsin, Utaáshchee tputs ksutarana anpur Apanll nuwaa tsiyatarangiya.

Mikiyasa 4:1

Zapish yuwash Apanll kuskachu anush yusur Siyonaa mach wamari kasiru taachiya. Apanll pang' yusur anush taakchu, tputssha ztaru; Siyonangaz mach naapani, atusin kusta kusta ashchinlliniya.

Mikiyasa 6:9

Itaru, iyashuch shiyaa kukish payumaam nda zandkana. Ashiri nuw Mikiyasi, atina: Iy Apanllirini Irusarinshucheetsis ateeja: Yuwis mangis kapunguwa anis nuwaa waneeshi kamungamaam zandkeesa, kaapaniri mangiptis mazinangtsa. Kurakshtis wanimpanis tputsirpatartis mazinangtsa.