Isáysa 1:9 - Candoshi-Shapra

⁹ Kundararis ashirangtaa, nuw wizpurirpati, nuwamari kasiyeeruri, siyaa Utaáchcheetsis nayaniranguri, nda siy musá tsiparangsa. Ndunnaari siyaa istaranguri, Sodomaa, Gomorshuchee tamarangpari sheernapsinaya siyaa izuuru kachingaranganaya. Apanll áttanda tángcha, tárangiya nuwaatsi. Ashiriya, yutaritshishirimandis Apanllsha siyaa kapung waneekiya, nuw siyaa atina.

Isáysa 1:9 Iomraidhean Croise

Apanll chtarangu 18:26

Apanllsha: Waanari tputs Sodomash 50 wanasirimash pakchuri, napachparina. Nda tputsee tpachingachina, tárangiya.

Apanll chtarangu 18:32

Yusurshat Aprahamarini masharangiya. Apaa; Nuwaa tsiyantariyshpa. Na nimun arang ndushapari mashchina. ¿Apaz 10 taaru anoo tamacheezish? ¿Shiy amaksha? tárangiya. Apanllsha: 10 taaru nduntam yaktaa kapeetchina, tárangiya.

Apanll chtarangu 19:24

Apanllsha yuwarpich sin ashiru sumasee kawamban zanganirangiya. Pingar kuraku tamatarpari ashiru kizpur kurarangiya Sodomshucheetsi, Gomorshucheetstamta.

1 Utaáchich kuraka 19:18

Itaru, nuw tputsiri wand katuchim taachinllinaya. Tputs 7,000 Israelchich wandari taaranaya, yuw nda Baalaa ungirtarangana anu, Apanll Elíyasaa tárangiya. Ashiriya, na kamaneena yuwaa Elíyas machip naateeru, Apanllpa tsiyatarangu anootsi.

2 Utaáchich kuraka 19:4

Yuwaa Asiriyashuch sundar urkar mantsir Apanllee tsiyatarangu, anoo Apanll yasarangpari. Apanll anumand waana uru wanichpari. Ashiriya, na in shiysha iyaam Utaáchcheemani machinaw katuchimini taakini anoomani Apanllpa mashangcha, iyaa tapachindamaama, tárangiya.

Isáysa 1:8

Kundararis siyaa pacharangusin, Siyonshuchis minamaritis katuchim taaksa. Na kundararis siyaam tsangakanaya. Siyonshuchis yakat tambpaz ashiru mzatsip upusanand xiyaa ashkiya. Sundarshat kachingamamari iturpipitaraa, iturpipitaraa ashishtangat ashkanaya.

Isáysa 6:13

Wandaya chungaa arangeem tputs minam taarinaariya, anootstam kapeetchima. Yasinaa washitanee tuwayaruch, izuuru kapeetkachuch, Puchimsha pshkoorutar ashtaru ashtachiya. Itaru, xixpurootspaz ashiru tputsireemi yusur katuchimaa wayachima. Annaa tputs nuwaa kuki mazinachinllinaya. Anush tputsireetsi yusur chinachima, tárangiya Apanlli nuwaatsi. Ashirucha, Apanll nuwaa Israelchichee tputsee kamanimaam nuwaa zanganirangiya.

Amosa 4:11

Mishat, Sodomshuchee, Gomorshucheetstam waneerangi ashiritam siyaa waneerangina. Puzach tamapari ashiru siyaa kasarangtaati, siysa nda nuwaa mangoonarangsa, nuw siyaa kizaatsis atina.

Romshucheema 9:27

Itaru, iyaatssha Utaáshucheetsini Isáysarini wasina kamanirangtamta; Utaáshuchin zapantaatssin, mazach tamaparee ashirusin, Apanll waneekchu, machinshapa kamungchinlliniya, tárangiya.

Romshucheema 9:29

Ashirucha, sirú Isáysarini wasina natstarangu; Ndunnaari Apanll Taarashipan siyaa istarangu, Sodomaa, Gomorshucheetstam tamarangpari ashiranganapsinaya siyaa izuuru kachingaranganaya. Itaru, iyaa nayanirangu, naparangiya; tárangiya Isáysarini. Ashirucha, Apanll iyaa Utaáshucheetsini nayanirangu; machinuw katuchichparee atina. Ashiri yuwaa Apanll Utaáshuchee machinuw waama tiptsir ipusarangu anoo kamaneena.

2 Pitorurini 2:6

Mishat, anamunsha zapish Sodomshucheetstam, minsha Gomorshucheetstam sumaspat waneerangiya. An tputs kizpur yutarit taarangsin, yap nda chinarana amb Apanllsha tputsee ichinguru sumaspat machingarangiya. Ashiriya, anootsi chinayarus, mangoonangtsa. Tputs Apanllee kuk ngatkusin, Apanll izuuru wanichiya. Itaru, waanaatsi tiptsiri tapachindamaam yasakiya.

Apanll ashtachu anu 11:8

Pachayaru, tsipar mangu tamu ashchiya yaktash Irusarinshu. Mangu ngootsushsha tamu ashchinllinaya. An yakat kizpurcha yutarita. Anshutam kamanimapanee urkari, Isusoo pacharanganaya. Anshuch tputs yutarit chinakana; Sodomshuch tamarangpari ashiritam; Ijiptoshchi tamarangpari ashiritamta.