Isáysa 1:7 - Candoshi-Shapra

⁷ Nuw siyaa waneektaati, itaru siysa nuwaa kuki nda payukus, kundararis siyaa kachingeersin, tsapuneetsis itutskachu, Mzarshitis mangutarisha taakiya. Ashkus, tatsumaris mangutarit itsankiya. Siyaa pangis tirooksin, yaktaris mzeeztar ashkiya. Saanasha anoo ngutis napataranll ashiksa. Kundararis tatsumareetsis kis shamangayarusin, katungkusin, kaching, kaching ashkanaya. Sodomshuch tamarangpari ashiritam tsapunis mangu kuree ashkiya.

Isáysa 1:7 Iomraidhean Croise

Salmos 107:39

Wandtaatiya tputs chawap tsipakchusin, misha wakararinitam tsipakchu, pakchimsha katuchkachu, anootssha tputs natsampansha kiyung yachakchu, yuwamand tputs mang' mantsaksin, tanukana, anumand

Isáysa 1:8

Kundararis siyaa pacharangusin, Siyonshuchis minamaritis katuchim taaksa. Na kundararis siyaam tsangakanaya. Siyonshuchis yakat tambpaz ashiru mzatsip upusanand xiyaa ashkiya. Sundarshat kachingamamari iturpipitaraa, iturpipitaraa ashishtangat ashkanaya.

Isáysa 49:19

Tsapuneetsis kapeetarangitaatssin, pangeetsis tunuparangtaatssin, maachiritaatsis shuchirangitaatssin, ashiritaa, siysa yusur izapaneekchus, tsapunis tatsitkachus, tsapuneemis pishtachshaparee. Watam kundararis arap suwasuwaranganawa.

Isáysa 6:11

Nuwsha, Apaa, ¿ashinooja amb ashchinllina? táranguri, Apanllsha, Anoo tputs izuuru kachiykachuri, pakchimarisha katuchkachu, anootsimsha ayam zapish yusur tputsireetsi chinachima. Israelchichee yaktarini izuuru pátangachinllinaya. Ashkatssin, tputs ndunichparee. Pangush minamtiyam tputs nda taachinllinaya. Mázarish mangu kuree ashtachinllinaya.

Isáysa 60:15

Natsha ndusha kasampaz ashirus taatssa. ¿Chakaja siyaa natsach? Wanindaja. Itaru, urutamari arapich tputs siyaa kis chinachinllinaya.

Isáysa 9:5

Wasundaruree wasapturi itutseerush, misha wamaree kuras ixataru, anoo ichingaru sumasish kapeetachpasha.

Jeremiyasa 2:15

Siyaa pachampan tumuz tamatarpari ashirusin, wamaritin tpuxtarangusin, pacharanganaya. Yaktarineetsis tunupeersin, sumaspa tirooranganaya. Ashirangsin, na tputs ndunarsha. Mangu zaputar ashkiya.

Jeremiyasa 7:34

Ashiri nuw siyaa Utaáchcheetsis yaktaris kapeetchima. Mishat, Irusarinaatstam ngoots ashchiri kapeetchitamana. Yuw siy mangis kis shaniyeerus, michitkus, zamamtar ashtaris an, misha katungkus, zamamtar ashtaris antam, misha kizaa yamakus, karusataris, antam ndusha ashkus, zaputar ashtachparee. Yaktaris izuuru puripuritasha taachiya, Apanll siyaa Irusarinshucheetsis átcha, nuw Jeremiyasi atina. Ashiriya, kamaneena yuwaa Apanll Irusarinshuchee wanimaam zandarangu anootsi.

Mikiyasa 5:11

Yaktareetsis sundarurpatartis pang' ichinguroo kapeetchima.

Mikiyasa 6:13

Ashiriya, na siyaa yutaritshishirimandis wanichintspa. Maachiritaatsis ichingaru kurikireetsis itutseeruri izuuru ndunarsha kasachintspa.