Isáysa 1:4 - Candoshi-Shapra

⁴ ¿Nuw siyaa yutaritshishpaneetsis tamaycheezi? Siy yutaritshisheetsimari uru chinaksa. ¡Siy shuchitampazis wipis ashirus yutaritshisheetsim kis chinaksa! Nuwaatssha Taarashipaneetsi arap kasarangsa. Nuw Apanlli siyaam Israelaamis taaritaati, ashiritaa siy nuwaa wanllitarangsa. Nuw siyaa kizpur chinarangitaati, ashiritaa siysa nuwaa natsaksa.

Isáysa 1:4 Iomraidhean Croise

Apanll chtarangu 13:13

Itaru, Sodomshuchsha tputs yutaritanand taaranganaya. Nda Apanllee mangoonaranganaya. Kizpur mantsirimshee chinaksin taaranganaya. Ashiriya, na kamaneena yuwaa Apramarini zoonllinpa wip wanllitarangana anootsi.

Nehemiyasa 1:7

Izuuru shiyaa kapung tatsiyuntaranginiya. Shiy Móysisarineetsi kamachtamareetsish kamanirangush, uwsha iyaa kamanirangtaa, itaru iysha anoo ichingaroo kapeetaranganiya.

Salmos 89:18

Shiy wizpurirpatish xanxapishpapaz ashiru iyaa kámanaksha. Iysha Israelchichini Apanllee iycha kurakarini. Kizpur wanasircha, atiniya. Ashiri, Apaa, mazinangcha:

Tashitungarangu 32:7

Ashiri Apanllsha Móysisee tárangiya; Natu, shiy karuwangi machshu. Yuw shiy Ijiptosh watsapunoom tashitungarangish anin ichingurusin nuwaa kuki ndusha payumaam zandkanaya. Izuurishtisin mapiyanlliniya yuwaa nuw kamachtarangi anootsi, Apanll Móysisee tárangiya.

Isáysa 1:23

Siy kurakaris na wits nda mazinaksin, washchirpat tputsi kis amikurtakanaya. Kurikingazim chinaksin, tputsee nda itsinsaru chinakanaya. Maachtangazimari támaraksin, mantsir chinakanaya. Mxaxzee nda nayaniksin, Mashindootstam nduntam pakchiyam istakanaya.

Isáysa 1:28

Itaru, yutaritshishpan tputs nuwaa nda chinaku, nuwsha anoo tputs toro, toro sheeruri kapeetchima. Nuwaa kuki kapeetkusin, zurampatari tsipachinllinaya.

Isáysa 58:2

Uru nuwaa mangutari chinamanaa chinakanaya. Mishat, nuwaa yandamari mangutaritam uwish kis payukanaya. Kamachmareetsi kizpur payupani mangu atanaya. Nuwaa, Itsinsar iyaa Apanll yasachpa, mangu atanaya. Nuwash pangi kis pshtukanaya, nuwapa tsiyatamaama. Itaru, mangu ashkanaya.

Isáysa 65:3

Siy putam putam nuwaa kachi parangitaatis, nuwaa yutaritam ínarangsa. Siy kis apanllputsee chinarangus, tatsumshishee wanasirimshi ungirtarangus, ladrichumun maachee wayayarus, mbutarangsa.

Jeremiyasa 2:13

Nuw siyaa tputsiritaati, siysa yutaritshishee tsimbun kis payukus, piyari kapung chinarangus, nuwaa izuuru kasarangus, apanllputsee kis chinaksa. Nuw siyaam kungpaz wanir ashiritaati taakuri, itaru siysa nuwaa kasayarus, saanashapaz kungoom tsapoo ktseeyarus, ndusha kung kusku, anungaz kiyung kachiykus, ashirus taaksa.

Jeremiyasa 2:17

Yuwamand nuwaa kasarangis, anumand nuw siyaa waneekina. Nuw siyaa wanasiritaa machiranguri, itaru siy nuwaa kasarangsa.

Jeremiyasa 2:19

Yuwamand mantsir chinarangus, nuwaa kasarangis, anumand nuw siyaa waneekuri, tputs siyaa istamaam wanindaja. Watam siy nuwaa Apanlliritaatis, nda nuwamun mangis tatuksawa. Kaapaniri mangiptis itsinsaru chinangtsa. Siy nuwaa kizpureetstaati Taarashipani kasarangus, nuwaa yutaritam ínarangis, anumand nuw siyap yutaritshishee kapizpaz ashiru zanganchintspa, nuw Taarashipaneeruri, kizpur taakuri, zurampatari atina, Apanll siyaa tárangiya. Ashiriya, kamaneena yuwaa Israelchich Apanllee kapung kasarangana anootsi.

Jeremiyasa 2:31

Ashiri na, Israelchichis ichingarus yuwaa nuw áti anoo mazinakus, kaapaniri nuwaa kuki mangoonangtsa. ¿Nuw tsap puz kizpur ksan ashtaru ashiri? Misha ¿wachush wantsush tap ashtaru nuw siyaam ashiri? nda. Nuw siyaa tputsirtana. Ashiritaa, siy, ¿Mayaama Apanllish tachitkuni, yusur kiyung kachiychinee? Mishat, ¿Mayaama ayamtaati yusur Apanllish tachitchich? átssa.

Jeremiyasa 2:33

Nuwaa kasarangus, nllitaritashsha tachitchittar ashiksa. Kiz wimbangarish tamatarparee ashirus apanllputsish kis tachitaksa. Ashkus, yutaritshishee kapung yasayarus, mayistor tamaparee ashiru taaksa.

Daniela 9:11

Ichingarusin Israelchich shiyaa kukish kapeetarangsin, izuuru kamachtamareetsish ngataranganaya. Shiy tputsirish Móysisarini yandaku; Siy yutarit kapung taakchush anumand Apanll siyaa kapung wanichiya, tárangu, anuritam yuwamand ashirangani anumand na iyaamsha waneeshish tatsamoorangiya.

Matiwarini 11:28

Naani, nuwaa kuki mazinangtsa. Waninll zitaminaa kamachtamarini payumaam kiyung kachiyaksawa. Itaru, nuwamun mangis tatkus, nuwsha mangeemis mapiym panachintsa.

Matiwarini 23:33

Maakpaz ashirus siya. Zitaminaaris maakpaz ashiritam taarangana. Maakpazis wipis ashiritamtis siya. Itaru, siyaam kamungumaam wanindaja. Uru Apanll siyaa ksumish sumasush wanichiya.

Matiwarini 3:7

Tputssha zapan kus kus kus ashirangana. Parísiypanshuch táyapstashi tputs, mishat Satúsiypanshuch táyapstashtam tputs kusarangana Wangarinishu. Kuseersin, Ichumanda, tárangana. Itaru, Wangarinsha Parísiypanshuchee táyapstashi tputs natstarangu, ¿Mayaamsha ichumanda átssa? tárangu. ¿Chak siyaa waneeyaru, Papcha Apanll siyaa musásiri wanichiya kizpuri, táranga? Siy tputsee yutarit tayapstakis yutarittischa. Tputs nuwaa nda natstakparee átus, makpaz ashirus tputsee tamapingaksa. Aparis yutarittam tayapstarangitamta.

Romshucheema 8:7

Yuwaa chaana zandkich anootsimari chinachinaw ashkuch, Apanllee kundartakpaz ashikchi. Anpat uru mapeekuch, Apanllee kuk payukeezich; payumaam pinasakcha.

1 Koríndshucheema 10:22

Ashkinaareeni, ¿nitaati Isus anoo kis napach? nda; kizpur tsiyantachiya. Siyaa pachindku, wanichapantsa. Ashkachu ¿yapee siy kamungchis?

Tayusima 31:16

Apanll Móysisaatsi; Na shiy musásirishapari tsipachsha. Ashkachush, yusur arapich tputs apanllputseetsshapari ungirtakchusin, nuwaatsshapari izuuru kasachinllinaya. Nuwaa kuki ichingarusin kapeetchinllinaya.

Tayusima 32:19

Ashkachinaareesa, Apanllsha waana siyaa pakchu, wipaatstaa tsiyantayaru, nda kis napchiya.

Tayusima 32:5

Itaru, siysa Israelchichis tputsis yutarittischa. ¿Antaatiya k'kuzee payumaam yasareezis? Ashirucha, yuwaa tputs amb ashkana anoo Apanll ¿antaati Nuw ipartana, tácheeja? ndambaree, atiya. Apanlltaa siyaa tinarangunts, ashiritaa siysa waa kuk kapeetaksa.

Kólosénshucheema 1:24

Apanll nuwaa kamachtarangu, mangi kis Isusoo kuk kamankina. Kamankuri, siyaam kaminis kiyung kachiykina. Ashiritaa, kis kamankina, watam Isus nuwaa piy shingcha, táranguwa. Isus tamarangpari ashiruri Apanllchicheem kiyung kachiykina. Isusoom tiptsir pzapanipi aturi kiyung kachiykina.

Apanll ashtachu anu 18:5

Yutaritshishee ichinguru nuw pakeena. Kapung tsapurunasee itsachtarangana. Yuwamand ashkana anoo mapiymaam pinasaki. Xamachi; tsiyani sitkachuri, ¿yapeeja kamungach? atina.