Isáysa 1:3 - Candoshi-Shapra

³ ¿Antaati wakar wamkuree kuk nda mazinak? ¿Antaati burr minush tputs pang' watungasheem nachungak? Nda. Chinuz mang' ndunaritaa, mangoonkiya. Itaru, nuw tputsiri mangsharitssincha. Nuwaa nda pakchiyam chinakana; nda mangoonkana.

Isáysa 1:3 Iomraidhean Croise

Daniela 9:11

Ichingarusin Israelchich shiyaa kukish kapeetarangsin, izuuru kamachtamareetsish ngataranganaya. Shiy tputsirish Móysisarini yandaku; Siy yutarit kapung taakchush anumand Apanll siyaa kapung wanichiya, tárangu, anuritam yuwamand ashirangani anumand na iyaamsha waneeshish tatsamoorangiya.

Matiwarini 13:19

Ashpatam tputs Apanllee kuk mazinamana mazinakanaya. Apanll nuwamari kasiruri, tputsee tapachindapi atitaa, tputs anoo mazinaktaatssin, nda mangoonkana. Watacha wachpaz ngootsush pantsarangu anpaz ashkiya. Mazinakitaatssin, yashingsha mangoontapa átu, tputsish mang' tsiyatssee tatutsta tatutsta ashikpaz ashkiya.

Romshucheema 1:28

Ashirucha, Apanllee ngatkusin, Apanllsha: Waani yachap yutarit taak'sina, táyaru, muxareem kinakana.

2 Pitorurini 3:5

Itaru, miroosinll ashirusin, mangu tsiyatkana. Apanllee kuk niyrkana. Yasakitaatssin mapiykana. Watam Apanll kuk atuwa; Apanll nduma tsapoo tinachu, kungunandari taarangiya. Sheeru Apanll tsiyatarangu, kanindaa tinarangiya, sheersha tsapoo kungush wayarangiya. Apanll kungootssha ztaru ichingurutam waanitawa wayawayaw ashirangiya.