Isáysa 1:12 - Candoshi-Shapra

¹² Siy nuwash pangi kuseerus, maacheetsi nuwaam yushindaktaateesa, itaru, ¿chak siyaa, ngutis Apanllish pang' xitangtsa, táranlla?

Isáysa 1:12 Iomraidhean Croise

Salmos 40:6

Tputs chinuzee pachayarusin, muchkusin, anumun shiy nda mangish ksaksha. Shiy anumun yutaritshishee yaramaam nda kapung chinaksha. Mishat, tirikoo pangishish yushindakuni, anumuntam nda mangish ksaksha. Itaru, Apaa, shiy nuwaa tsiyatkush, K'keetsi zurampatari tuminungcha, tárangsha.

Tashitungarangu 34:23

Mishat, siy Israelchichis kamuzis ichingurus tputsis minamtash masach tuchip shaniykus, nuwash pangi kuseerus, nuwaa Apanlleetsi, Taarashipaneetsi, ungirtangtsa.

Jeremiyasa 7:11

¿Antaati nuw pangi washchir pang' tamara ashi? nda. Yuwaa siy ashkis anoo nuw ichingaru paktana, nuw Apanllee Taarashipani siyaa atina.

Mikiyasa 6:8

Apaa, sirútama iyaa tputsireetsish yuw shiyaam wanasiri anoo kamanirangsha. Ashiri Apaa, tárangsha: Siy tputsis saanpatatis itsinsarus tsiyateerus wanasiriri tángtsa. Mishat, tputs wanguytaku anoo istangtsa. Ichingaroo tputs nayaningtsa. Ashkchus wanasir taatssa. Mishat, nuwaatsimari mangiptartis chinakus, k'keetsi payungtsa, tárangsha Apaa, nuw Mikiyasi tárangina.

Matiwarini 23:5

¿Antaati ashkana an itsinsarazinllinaja Apanllee kuk payukana? dancha. Tputs nuwaa tamaka tápanda atusin ashkanaya. Anoomari ashkanaya. Mangu Apanllee kuk kirakamun yandayanda sheersin, kirak muchimun tutaykanaya. Uwimuntam kássikanaya. Ashkusin, Pa, tamaru Apanllee kuk chinakanaya, tápanda atusin ashkana. Wamareetssha kizpur wanasir anoo kis kamartakana. Wichpooshsha wamanpat wazuranpat kichpukanaya.