Isáysa 1:11 - Candoshi-Shapra

¹¹ Apanll Taarashipan ateeja: ¿Mayaamsa nuwaam maachee zapan wayaksa? Opeejaa, wakaraatstam karupana, nuwaam wayayarus, muchkis, anoo nuw kapung tsachiktana. ¿Antaati wayungunoo muchkis, anoo nuw ksaja ishingchee? ¿Maacheetsi ursir ksatamtaja napkee?

Isáysa 1:11 Iomraidhean Croise

Salmos 40:6

Tputs chinuzee pachayarusin, muchkusin, anumun shiy nda mangish ksaksha. Shiy anumun yutaritshishee yaramaam nda kapung chinaksha. Mishat, tirikoo pangishish yushindakuni, anumuntam nda mangish ksaksha. Itaru, Apaa, shiy nuwaa tsiyatkush, K'keetsi zurampatari tuminungcha, tárangsha.

Salmos 51:16

Shiyaam chineetsi muchamaam pangipish wayapi tina. Itaru, anpa yutaritshishee yaramaam nda shiy kis napachsha.

Isáysa 58:2

Uru nuwaa mangutari chinamanaa chinakanaya. Mishat, nuwaa yandamari mangutaritam uwish kis payukanaya. Kamachmareetsi kizpur payupani mangu atanaya. Nuwaa, Itsinsar iyaa Apanll yasachpa, mangu atanaya. Nuwash pangi kis pshtukanaya, nuwapa tsiyatamaama. Itaru, mangu ashkanaya.

Amosa 4:5

Mishat, tandaatssha nda tputaru anoo muchintstamtsa, watam apanllputs siyaa kapung istakantsawa. Tputseetssha ichingaroo, Apanlleem ungirtakurini ashkiniya, átus, kamanimantar shingtsa. Watam anoo kis chinaksawa, nuw siyaa kizaatsis atina.

Amosa 5:21

Apanll siyaa átcha. Siy yuwaa shambatshisheem wayayarus, shambatkus, michitchitar ashkis, anoo nda zandkina. Siy, Apanllee ungirtakaniya; tayaspatakaniya, atitaateesa, itaru anoo ksaja napki.

Amosa 5:22

Mishat, yuwaatsitam yutaritshishireetsis tachingamaam maachtaa pachayarus, muchkis, misha tirikootstam wayakis, misha wakar karupan yungantataru wayakis, anootstam nda napamaam zandkina.

Mikiyasa 6:7

Misha ¿antaati opeejaa karupana miltaati muchkuri, mishat dies mil litorutaati wayungunu tazukuri anoo zandcheezish? ¿Nduniya ashiru ipareetstaati iwaxiztama yutaritshishireetsi tachingamaam pachaktaateena anoo shiy zandcheezish? Nda.

Malakiyasa 1:10

Nuwaam wakarareetsis wanasiree pachindkeesa, nuwash pangi pshturintspa. Nuw, Pangeetsi wachoo tstsangints, táchima. Wakarareetsis yutaritawaa zandkeezi. Anumun nuw siyaa yutaritshishireetsis tachingcheezi, ndambaree. Siyaa kapung tsiyantakina.

Matiwarini 22:4

Ashiri kuraksha ¿Mayaamshta ashik? táyaru, wasundurureetssha: Siysa kuruzushinints tputseetsi. Na waritayanlltanda katungamaama áttanda tángtsa. Wakaraa pacharangiya. Opeejaatstam pacharangiya. Ichinguru na yareenlliya. Ashiri naani shambateeni, watam ipari kizaa yamachuwa átcha, táshinints; tárangiya. Táyaru, wasundurureetssha zanganirangiya tputsee kuruzumaama.

Matiwarini 9:13

Siy Apanllee kuk kapung natstakitaatis, itaru ¿tamaysha nda mangoonaksa? Apanll ateeja; Yuwaa nuwaam maachee msangeerus pachakis anoo nda zandkina. Itaru, tputsee nayanikus, chinampatari istakus, anoo kis chinakina; tárangiya Apanlli. Ashiri anuri mangoonangtsa. Itaru, nuwsha yutaritshishpanee yaramaam kusarangtana. Itaru, tputs, Yarandama támaam ngatku, Nuw wanasirtana tákchu, ¿tamaree nuw yarchi? tárangiya Isus Parísiypanshuch táyaspatasheetsi. Táyaru kasarangiya.

1 Samuela 15:22

Ashiri Samuelsha, Maacheetsi chinuzee, Apanlleem ungirtamaam muchkuch, ¿antaati wanasireeja? Itaru, yuwaa waana kamachtaku, anoo izuuru tuminkuch, ancha kizpur wanasiriya.