Daniela 9:7 - Candoshi-Shapra

⁷ Apaa, shiy tsinastishcha. Itaru, iysha Utaáchchini shiyaa kukish izuuru kapeetarangani. Anumand kapung shiyaa pazikaniya. Irusarinshuchtam taakana, misha Israelchichtam shiyaa kukish kapeetarangtamsin, anumand shiysha minup tsap watsirit zanganirangish, minootssha tputs arap tsap zanganirangish, antamsin ichingarusin pazikanaya.

Daniela 9:7 Iomraidhean Croise

Nehemiyasa 9:33

Kiyung kachiykini an, Apaa, iyaanamandari yutaritshishirini ashkiniya. Nda shiy msangeerush waneerangsha. Shiy iyaa uru istamaam zandarangitaatish, k'keetsish uru payurangitaatish, itaru iycha kizpur yutaritarangani.

Salmos 51:14

Nda tputsee pachamaam izuuru watsta aturi, Apaa, nuwaa istangandama. Apaa, shiy nuwaa tapachindarangsha. Ashiri shiy nuwaa itsinsaru chinamaam istakush, nuwsha yaseesshpati, shiyaa; Apanll itsinsampancha, tputsee kamankuri táchima.

Salmos 51:4

Nuw shiyaa tayutaritarangina; Nuw ashirangi anoo, shiy, Izuuru watsta, tárangsha. Nuwaa wanimaam waritarangsha. Shiy tsinastishcha. Shiy tputsee waneekchush, ¿Chaka shiyaa, yutarittishcha tách?

Jeremiyasa 23:6

An kurakaam kínaru, uru Utaáchchee wanasir ksutku, kamungamsin taachinllinaya. Israelchichsha ksatam taaksin, anoo kuraka, Iy Apanllirini tapachindampani, atusin ísamachinllinaya.

Esekiyela 36:31

Amb ashkachuri, mangeetsis p'tseekchuri, yuwaa mantsir taarus, zapan yutari ashirangis, anoo chinakchus, saanamand yutarishishiris pazitssa.

Daniela 9:14

Ashirucha Apaa, shiy iyaam waneeshee wayarangush, izuuru waneerangsha. Watam shiy, Apaa, shaanaatsi kukish izuuru tuminukshawa. Shiy nllitarit chinatareezish. Iysha anoo yasarangitaatini, itaru shiyaa kukish kapung ngataranganiya.

Daniela 9:18

Ashiri Apaa, istanda. Nuwaa kuki mazinangcha. Kiyung kachiykiniya. Yaktarini Irusarin yurangarangiya, yuwash shiyaa ungirtatarini. Anoo napeerush istangcha. Yuwamun yutarit taakani anumuna shiyaa mashamaam pinasakaniya, watam iy yutarittaniwa. Itaru Apaa, shiyamun nayanimpanimunish mangi tatkuri mashkina.

Daniela 9:8

Apaa, iy zitaminarini, mishat zitaminarinitam urkar ashiruni yutaritam taakaniya. Ashirucha, iysha shiyaa paziktamaniya.

Amosa 9:9

Ashirucha, na Israelchicheetsis táshina. Tirik zappa yápandaru, anoo pusinayaruch, wáchunandarisha xanangamach ashtaru, nuw siyaa ashtachima. Ashkachuri, nda minamtiyam wach kanatsipchina.

Romshucheema 6:21

Itaru, ¿yutaritshish mayaam wanasiree? Wanasireeja; watam yutarit taarangis anumand paziksawa. Watam ashkuch uru tsipatarchiwa.

Tayusima 32:4

Watam Apanll iyaa urutamari ichingaru zar ksutku taakiya. Ichingaru yuw waana ashirangu an wanasirinandaricha. ¿Antaati Apanll ngichtareeja? nduncha. Mishat, nda minumtaatsim tputs chinakiya. Ichingaroo tputs minumtaatsiripaz ashiru chinaku taakiya; watam uw itsinsampaniwa.

Tayusima 4:27

Siyaa ashparitaatssis Apanll minpeew tputs watsapun piyamaw zangan, zangan, ashkachu, siysa tsapurunasush pseertarus, uru kiyung kachiykus taatssa. Tsipatsiptar ashkus, pakchimshitis tputsipsha watsapun taatssa.