Daniela 7:9 - Candoshi-Shapra

⁹ Ashiri nuw wandari napanapaw ashiranguri, kuxinshish zapan yakarangu anootssha parangina. Anumunsha Apanll Taarashipan kuxinarangiya. Wamarsha kizpur mburshimuna. Muchsha kizpuritam mburshimuna. Apanll uxinash turikchimash taarangiya. Sumas tamapari ashiru kizpur kurakurtar ashirangiya.

Daniela 7:9 Iomraidhean Croise

1 Utaáchich kuraka 22:19

Yusur Mikayastam tsiyatarangu, Yuwamand shiy átish anumand nuw Apanllee chínash kamanchinllpa. Nuwsha Apanllee paranguri, uxinashimun kuxinaru, anoo wasundursha kanindpich mbutsanungich ashpatam, mbazinungichsha ashpatam ashirusin turipingarsin, zapan shaneersin parangina.

Salmos 90:2

Ndatumastaa macheewa, mishat tsapurunaseetstam tinchush, shiy urutari taarangsha. Mishat, tsapurunasee uru tinayarush shiy wand urutari Apanllish kurakish taarangsha. Shiy urutamari Apanllish taaratartanllsha.

Salmos 93:2

Ashirucha, atashiniya; Apaa, shiy tsapurunasee wayarangush, urutamari ksutaksha. Shiy urutamari kizpur kurak taaksha.

Isáysa 6:1

Yuwapur kurak Usiyas tsiparangu, anpur nuw Apanllee parangina. Taarashipan kizpur 'sineerangu, wamari kasiru, waanamun watsirar kuxinarangiya. Watunir wazuraneeru, waanaatsi pang' purangiya.

Isáysa 9:6

Waana Apanll iyaam nlluraa wayarangiya. Nllursha nllurtakachu, kanungeeru, kizpur kurakaam kinachshaparee. Kurakaa ichingaru wamari kasichiya. Nlluraa Apanllee ipusamarini ísamachinllinaya. An nllur kizpur mangoozee p'tsimpancha. Apanlliritcha wamari kasiriya. Apanll Taarashipancha. Apanll urutamarit mapiymash mangoozee panakiya, nlluraa táchinllinaya.

Esekiyela 1:26

Muchimun iwaz wanasir ispingu ashtamaru wayarangu anumun iwaz Apanll uxinash ashiru parangina. Anushsha patumbich wanasirimish kawamban kizpur mbamash parangina. Anushsha uxinashish tputs ashiru kuxinarangiya.

Daniela 7:13

Nuw aranginasha pamazukuri, nllitarisha parangina. Tputs ashiru psasish karuwatanu anoo parangina. Kusarangu, yapsha Taarashipan taaru ambsha naakchu, Apanllsha wasundurur amb machtaranganaya.

Daniela 7:22

itaru, Apanllsha anush kusarangu, waanaatsee tiptsir tapachindarangu, amb ashkachu, Apanll kuk tatsamoorangu, tiptsireem wizpur panarangu, urutamarishat tsapurunasshuchee ksutamaam wayarangu, anoo yasamaam zandarangitamana.

Mikiyasa 5:2

Efratash tsap, yakat Biringash pakchishtaa, Utaáchich yaktarini zapan kapungutaati taaru, itaru ashiritaa Biringash yakat Israelchicheem urkar nllurtachiya. An nllur zitaminarini sirútama kurakaam kinarangu anchichcha.

Matiwarini 17:2

Íwar káreersin, Isussha wach nllitaritam kinarangiya. Wipunashsha nap ashkusin, mang Isus wach muchpatari zari tamapari ashiru, kizpur 'sineerangiya. Wamarsha kurakurtar ashirangiya; kizpur mburshi mang ashirangiya.

Matiwarini 28:3

Kizpur 'sineerangasha. Watunirsha kizpur mburshiya.

Márkosarini 9:3

mang wamarsha kurakurtaru mbursheerangiya. Kiz káchaktat ¿tamaree ashiru mburshirini taach? Pinasakiya.

Tayaspatampanirini 2:30

Itaru, nllitaritaa, Apanllee Wip kamanirangiya. Mishat, Apanll Dapiyarineetsi waana, tárangiya; Shiyachich nlluranur uru kushimunish kurakaam kinataranllu taachinlliniya. Nitaati ngichkeezi. Zureerutana atashina. Shiyachich yusur zapish kurakaam ínchima. Kurakaam shiy tamaparee ashimaam ínchima, tárangiya Apanlli Dapiyarineetsi, manga.

Tayaspatampanirini 2:33

Apanll waanpata wizpuririni Isusoo naringarangiya waanpeetamta. Naringayaru, Waanaatsi Wani panayaru, Isussha Waparee Wani zanganeeru, iyash tapshturangiya. Apanll waana sirú siyash tapshtuchima, tárangu, natsha in iyash sheenlliya. Yuwamand iyash pshturangu anumand na in siy iyaa punirustaksa; misha saanitari kukis tsiyataktamaniya.

Felipshucheema 3:9

Zitaminarineetsi kamachtamarini tuminurangitaati, nuwaam itsinsaru taamaam istarangeeja. Itaru, natunaa Isusumunari mangi tatumaam zandaktana, watam Isusumunari Apanllsha nuwaa mangi izuuru tachingaranguwa. Na nuwaam waneeshish ndunari.

1 Tímoteyurineema 6:16

Anumaritcha minamari matspash taaksha. 'Sinish taakiya; iysha izuuru natstamaam pinasakaniya. ¿Nitaati minamtiyam tputs Apanllee patareeja? Ayamtaati tputsish Apanllee pacheezich, ndambaree. Apanlleetsim ungirtamaam waritakiya. Apanllimaritcha kizpuriya. Anootsimari chinayani atina. Ashirucha, Apanllee kuk itsinsaru tayaspatangcha; nuw shiyaa tina.

1 Wangarini 1:5

Ashiriya, nuwsha Apanllee Wip kuk siyaa izuuru kamanchintspa. Apanll izuuru wanasircha; Apanll yutaritshishee nda pakchiyam chinakiya. Apanll 'sinpaz ashiru taakiya. Antaati Apanllish taap wanindareeja; nitaati yutaritshish min wanindareeja.

Apanll ashtachu anu 1:14

Muchsha mburshinandari opeeja pur tamapari ashirangiya. Wachsha sumas ashiru kurakurtangat ashirangiya.

Apanll ashtachu anu 19:18

Na tazazartatssa. Kizpur kurakaatstam wanutsi, komandanteetstamta, sundarootstamta, kapaachootstamta, m'chachootstamta, paturunaatstam wanutsi, ashpis katungkachus kshamangangints, tárangiya Apanll wasundururi. Yuwaa ashtachu anoo parangina.

Apanll ashtachu anu 20:4

Kurakaa watsirari zapan nuw parangina. Anumun tputs kuxinarangana; kurakaam ínarangiya Apanlli. Watacha tputs Isusumun wamin tsipakana anu. Isusoo kuk itsinsaru kamanirangsin, Apanllee kuk itsinsartam payurangusin, Isuschichee pacharanganaya. Mishat, Isuschich tputs Yashingoo watumzir nda chinarangana; Yashingoo watumzir tinamarini nduntam chinarangana; Yashingoo watumzir yandamarini ngatarangtamsin; anumandtam Isuschichee pacharanganaya. Watacha tputsi kurakaam ínarangu anu. Apanll anootssha ituyamarangu, Isuspatsha kurak tamapari ashiru tsapurunasshuchee kasichinllinaya; minam mil masach kurakaam taachinllinaya.

Apanll ashtachu anu 4:2

Táyaranllu, Apanllsha kaneetsi tunaringarangiya. Kanindash kuseeruri, kurakaa watsirari kapungu parangi. Tputs ashiru anumun kuxinarangiya.