Daniela 5:23 - Candoshi-Shapra

²³ Nda pakchiyam Apanllee chinakush, Apanllee michitkush, Apanllish pang' mangaw waashee yáyarush, tputseetssha yambiyarush anushsha vinoo kanapeerus waaksha. Waakus, saanaatsee apanllputsiris, yuw orpa, mishat ur mburshimashpa tinarangis, yasinaatstam tinama, misha patumbcheetstam tinarangis anoo ashpaatsiree ungirtakus taaksa. Apanllputsiris nduntaa wach paku, misha nduntaa mazinaku, misha nduntam pakchiyam yasamaam waritaku, anootstaa siysa ungirtaksa. Itaru, Apanlleetssha Taarashipanee nda pakchiyam ungirtamaam chinaksa. Apanlltaa shiyaam taarashish wayaku, itaru shiysha Apanllee kapung tayutaritaksha.

Daniela 5:23 Iomraidhean Croise

Apanll chtarangu 14:19

Anush Apanllpa kapung tsiyatarangiya. Apanllimari kizpurcha. Waamari ichingaroom kasiriya. Watam waamari kanindaa, misha tsapootstam tinaranguwa.

Apanll chtarangu 2:7

Ashiriya, Apanllsha tsapupa tputseem tinarangiya. Tsapupa wayapur tinaramchu, mang shipashsha tapus ashirangiya. Ashkachu, taarashee panarangu, tputseemsha kamuzaamsha kinarangiya.

2 Utaáchich kuraka 14:10

Nuw yasakina yuwaa shiy Edomshuchee ashparit pacharangish anootsi. Yuw ashirangish an wanasirinaa wanasircha. Itaru, shiy anumand shaanaatsi kizpureem ínaksha. ¿Mayaamsha shiy nuwapa yachamaam zandaksha? Papcha, tsiparush. Nda ashimaam, pangishiritish mapiyrush taangcha. Ndunnaa ashkush, shaanaatsi kapung tayutaritamaam taariya. ¿Mayaamsha Utaáchchee ashchiri tayutaritamaam zandaksha? tárangiya.

Jobarini 31:4

Itaru, nuwsha wanasiriri taaki anoo ¿nitaati Apanll nda pak? Ashku, ¿tamareeja taarasheetsi nda yasach?

Salmos 104:29

Itaru Apaa, shaana zandkush, wizpurireetsish kanasakchush, uwshtisin kapung punikanaya. Shiy taárashee kasakchush, tsipakanaya. Sheersin, wanuts tsapoomtam kinakanaya.

Salmos 115:16

Apanll kanindap taakiya. Itaru, iyaamsha tputseemani tsapoo ksutamaam wayarangiya.

Salmos 139:3

Yuwaa naaki anoo yasaktamsha, Aship ashki anoo paksha, Apaa.

Isáysa 14:13

Itaru, shiy tárangimandish: Nuwamari kanindap káreeruri, anush tsirari mbam wayayaruri, anumun nuw kuxinxinaw ashtachima. Amb ashkachuri, Apanll tínamarini, tsangachtam ichingaru tsapush taachinllinaya. Machimun apanlleeruri, Apanllpa ipuneeruri, taachina.

Isáysa 42:5

Nuw Apanlli Taarashipani kanindaa tinaranguri, íwar kasarangina. Tsapurunaseetstam tinaranguri, maacheetssha kanungkakaru wayarangitamti. Tputseetstam kchitamaam shipush kanusarangina. Nuwaana ichingaru tinarangina. Nuw Apanlli ipunsheetsi tárangina.

Daniela 4:37

Ashirucha, na nuw kuraki Nabukodonosori Apanllee waamari kasiru anoo chinakuri, ungirtakina. Apanll uru tputsee itsinsaru natstakiya. Tputs waanaatsee ungirtakana anoo tpazakiya. Ashku mangu p'tseeku, itsinsaru mangoonkanaya, nuw siyaa atina, kurak Nabukodonosor kirakamun yandaku, tárangiya. Ashiri na kamaneena yuwaa kurak Nabukodonosor Apanllee mangoonarangu anootsi.

1 Koríndshucheema 8:4

Ashiri wanuts apanllputseem wayakana anoo kamanchintspa. Siy átpasa: Apanllputs mangutari taakiya. Ashiri apanllputs wayamarinee mangutaritam taakiya. Ashiri anoo katungkuch, chaanaatsi tayutaritcheezich, ndambaree, átus, nuw anootstam atitamana. Itaru, Isuschich ashpatam anoo nda izuuru mangoonkana; wand apanllputsimun mang' tatkana. Itaru, Apanll minamaritcha. Ashirucha, apanllputs mangutari taakanawa atiniya.

1 Tímoteyurineema 3:6

Mishat, Isusoo kaneeschiri mangooneeru an watsta. Napamapaneem kinakinaariya, piyari mang' chinachparee. Nuw kizpurtana; tputsee kasiyana, táchparee. Tákchu, Apanll waana kapeetchiya, Yashingoo tamapari ashiriya.

Apanll ashtachu anu 9:20

Itaru, tputssha yuw nda tsiparangana ansha kiyungutaa kachiyartarangusin, ashiritaa yutaritshishirineetsi kasamaam nda zandaranganaya; Apanllee ngataranganaya. Yashingoo chinaranganaya. Mangutari oroo, misha kurikee, misha ngusambaa, misha patumbchee, misha yasinaa yáyarusin, maachi mangu yáyarusin, maachi uwpat tinayarusin, apanllirineem ínaranganaya. Nda Apanllee minamtiyam chinarangana. Anumunari ichingurusin mang' taturangana maachi tinarangana anumuna. Tínamarini nduntaa paksin, nduntaa mazinaksin, nduntaa naaksin, ashiritaa tputssha anush mangu tachitaranganaya.

Kurak tsipasa 16:23

Filistewshuch kurak ashpartin shaniyaranganaya apanllputseem Dagonaam maachi muchpani atusina. Mishat, yuwamand iyamari kasiyruni, Sansonaa putayrani atusin, yaseesshee yaseeksin, apanllputsee ungirtaksin, Apanll iyaam wizpuree panarangu, iysha kundarareetsini Sansonaa iyamari kasiyruni, putaranginiya, táranganaya.

1 Samuela 17:26

Dapiysha anoo mazinarangu, ¿Siy tamamand tputs nee pachayach? átssa. ¿Mayaamaja an tputs Apanllee tiptsiri mantsir tsiyatak? Watsta. ¿Antaati uw Apanllpat Taarashipanpat waritak? Ashiriya, ¿mayaamaja anoo chinachich? Tputs taarcha, anoo kasimaama. Kurak ¿wanipaja tuwapach? Kaapaniri kamaningandama, tárangiya.

1 Samuela 17:36

Amb sheeruri, nuw maacheetsi manginshucheewa tumuzee kázamshee. Mishat, chiniwaatstaa pachayaruri, kasarangina. Watam nuw Apanlli tiptsirinawa. Ashirucha, nuw Apanllpa wizpur ashkina. Nuwaanitaa apusap taakuri chineetsi tapachindarangina. Ashiriya, anootssha tputs Filistewshuchee yuwaa kizpurpa átis anoo nuwshat ambitam ashimaam taariya. Tumuzee tamarangparina ashtachtamana, Apanll wizpurirneetsi nuwaam panakchu, anpataya. Watam nuw Apanllinawa muchchuri. Ashiri nuw ¿tamari xapchee?