Daniela 4:34 - Candoshi-Shapra

³⁴ Ashiriya, nuw Nabukodonosori tsimbun matayaru masach tatsamoochu, anush, wanasirsha chinaranguri, íwar kanindap nap ashiranguri, anush yararangshitina. Apanlleetssha kapung ungirtaranguri; Apaa wappari. Shiy urutamari kasiru taaksha. ¿Shiy wizpurirish antaati pastacheeja? Urutamari ksutkush taachsha.

Daniela 4:34 Iomraidhean Croise

2 Samuela 22:31

Ashirucha, Apanllimari wamachtash kizpur wanasiriya. Mishat, Apanllimunari kuk chiy mangich tatukchi. Tputs Apanllimunamari mang' tatku anoo uwshat ksutkiya.

Jobarini 1:21

Apanllpat tsiyatku tárangiya. Apaa, nuw nish nllurtaranguri, nda minumtiyam maachee payurangina. Ashiritam, nuw maachi ndunitam payuri tsipachina. Shiy Apaa, ichingaroo maachi nuwaam panarangish, anoo natsha ichingarootsitam itutsirangsha. Apaa, ashiritaa shiyaa wand chinakina. Shiy taarashipantishcha. Shiyaamari kasiru taaksha, tárangiya.

Salmos 10:16

Apaa, shiyamaricha kurakish urutamari kasirush taaktasha. Yashingchich tputs nda minamtiyam shiyash pshtuchinlliniya. Ichingarootssin kapeeteerush kasachsha.

Salmos 107:15

Ashiriya Apanllee, Wapparee, táyani, yuwamand iyaa kapung istarangu anumanda. Watam iyaa uru istaranguwa.

Salmos 107:22

Ashiri chineetsis putayarus, Apanllip pang' machtayarus, muchingints. Sheerus, Apanllee Wapparee, tángints. Mangis ksanandari tputsee, ¿Apanll wanip iyaa istaka? Uru kapung istakiya, tángtsa.

Salmos 107:31

Ashiriya Apanllee, Wapparee, táyani, yuwamand iyaa kapung istarangu anumanda. Watam iyaa uru istaranguwa.

Salmos 107:8

Ashiriya Apanllee, Wapparee, táyani, yuwamand iyaa kapung istarangu anumanda. Watam iyaa uru istaranguwa.

Salmos 121:1

Apaa, íwar machip napkuri, ¿chakaja nuwaa istachinda? atina.

Salmos 145:13

Shiyamari Apaa, kizpur kurak kasirush, tsapurunasish urutamari taaratartachsha. Shiyachich ayamamtiyam pastacheeja, ndambaree.

Daniela 2:44

Yuwash ashpari in tputs kurakaam kinaturtachinllina, anush Apanllsha kanindamand waana urutamari taamaam kurak kizpur zanganchiya. Anoo ayamtaati kurak nllitari kasichazinllinaja. Tsapurunasshuchee kurak ichingaru kasiyaru, izuuru kachingeeru kasachiya.

Daniela 4:2

Ashiri nuwaa Apanll waamari kasiru an waanaatsee wizpur tuyamandarangu, kizpur napuxtarangi, anoo na siyaa kamanintspa.

Daniela 4:26

Mishat, Apanll wasundurur; Yasinaa puchi xixpurpatari tsapush ksangtsa, tárangu, an watacha Apanll shiyaa yusur kurakaamtam ínayaru kasachu anooma, tárangiya. Ashiri shiysha kurakaa, Apanllee mangoonkachush, Apanllimari wamari kasiru taaku, taachsha.

Daniela 4:3

Apanll kizpurcha. ¿Antaati xaptareeja? Waana zandkachu uru tatsamkiya. Apanll urutamari kurak wamari kasiru taakiya. Wizpursha urutamaritam taakiya.

Daniela 4:32

Tputs shiyaa putayarusin, arap macheersin, wanllitashtish chinuzpa karutaatsimsha katungkush wakar tamaparee ashishtish tsimbun matayaru masach taachsha. Anshunaapa Apanllee chinakchush, Apanll wamari tsapurunasshuchee ichinguru kurak kasiru taakiya. Tputseetssha yuwaa waana zandkachu anoo kurakaam ínakiya, táchsha, kanindamand k'kuz ántar ashirangiya.

Daniela 4:36

Amb táranguri, anush musásiri yararanguri, yusur wanasirsha chinarangina. Ashiri nuwaa istamapan, mishat kurak tsipasawtam nuwangaz nachungurangusin, nuwaa parangusin, pangipi machiranganaya. Anush nuwaa yusur kurakaamtam ínarangandanaya. Ashiranguri, nuwsha yusur kizpur kuraktam kinaranguri taarangina. Tputsireetsi ksutkuri, izuuru kizpurshiti sirútama taarangi anumand kasirinasha kurak taakina.

Daniela 5:18

Sirútama Apanll waamari kasiru an, aparineetsish, Nabukodonosoraa kizpur kurakaam ínarangu kis taarangiya.

Daniela 5:21

Mirusinlltayaru, tiptsirsha putayarusin, machtayarusin arap wayaranganaya. Anush pastush taaru, maachi manginshuch tamapari ashiru taarangiya. Wakar tamapari ashiru karutaa katungku taarangiya. Sirinsha kachachtaku taarangiya. Ashku, zapan masach taachu, anush wanasirsha chinarangu, Apanlleetssha wamari kasiru anoo mangoonarangiya. Apanll yuwaa waana tputsee zandku anoom wizpuree panakchu kurakaam kinakiya. Na yasayana, tárangu anush Apanllsha aparineetsish yararangiya.

Daniela 6:26

Siy ichingurus Danielaa Apanllirini chinangtsa, ungirtangtsa, atina, Watam Apanll taarashipaniwa. Urutamari taakiya. Urutamari tiptsiree ksutku, uwaa tputs kasimaam wanindaja. Mishat, wizpuritam kachingamaam nduntamcha, kurak tárangiya.

Daniela 7:14

Ashiri Apanllsha tsiyatku; Shiy na urutamari shiyamari kasirush taachsha. Tputsee ichingaru shiyamari ksutaksha. Ichingarusin shiyaa chinachinllinaya. Shiyaa kukish uru payuchinllinaya. Tputs ichingaru tsapurunas yuwatamsin kukuwaatsiri tsiyatkana antamsin shiyaa kukish payuchinllinaya. Shiy urutamari kasirush tputsee ksutachsha. Ayamamtiyam shiyaa kasichazinllinaja, ndambaree, Apanll tárangiya.

Daniela 7:27

Ashkachu, Apanllsha tiptsireem wizpuree panakchu, urutamarisha tsapurunasshuchee kurak ichingaru kasirsin taachinllinaya. Tputsee ztaru ksutchinllinaya. Sheeru, tsapurunashuchsha tputs Apanlleetsimarisha chinakchusin, kukoo izuuru payuchinllinaya, Apanll muchchur nuwaa kamanku tárangiya.

Daniela 9:14

Ashirucha Apaa, shiy iyaam waneeshee wayarangush, izuuru waneerangsha. Watam shiy, Apaa, shaanaatsi kukish izuuru tuminukshawa. Shiy nllitarit chinatareezish. Iysha anoo yasarangitaatini, itaru shiyaa kukish kapung ngataranganiya.

Jonasa 1:14

Apanlleetssha masharanganaya. Apaa, Jonasamand yutaritshishirini iyaa kungush tpachingarispa. Mishat, iyaa waneerichpa, yuwamand iy Jonasaa kungush kapeetkachini anumanda. Watam shaana tputsee natstayarush, wanitarshawa, Apanllee táranganaya.

Lukasarini 1:33

Iparimaritish kurakaam taachiya urutamarita. Kurak nllitari ndunshapari. Iparish pastacheeja; ndambaree, mang, tárangiya Apanll wasundururi.

Lukasarini 18:13

Itarshacha, gobernoo urkir yampan uru washchirimuncha; pazirangiya. Arap xiyeeru, timucheeru, tsiyatarangiya. Mang' mantsatsaw titkuree tuzimku, tiyam tiyam ántar ashirangiya. Uwsha tsiyatku: Apaa, nuwaa istangandama. Nuw kizpur yutarittana. Mangeetsi yaranda; táyaru, naatarangiya.

Tayusima 32:4

Watam Apanll iyaa urutamari ichingaru zar ksutku taakiya. Ichingaru yuw waana ashirangu an wanasirinandaricha. ¿Antaati Apanll ngichtareeja? nduncha. Mishat, nda minumtaatsim tputs chinakiya. Ichingaroo tputs minumtaatsiripaz ashiru chinaku taakiya; watam uw itsinsampaniwa.

1 Tímoteyurineema 1:17

Ashirucha, uru Apanllee chinakina. Apanll kizpurcha; wamari kasiriya. Urutamari taachiya. Matspashimashcha. Manutsishcha. Minumaritcha. Ashirucha, urutamari chinayani atashina.

1 Tímoteyurineema 6:16

Anumaritcha minamari matspash taaksha. 'Sinish taakiya; iysha izuuru natstamaam pinasakaniya. ¿Nitaati minamtiyam tputs Apanllee patareeja? Ayamtaati tputsish Apanllee pacheezich, ndambaree. Apanlleetsim ungirtamaam waritakiya. Apanllimaritcha kizpuriya. Anootsimari chinayani atina. Ashirucha, Apanllee kuk itsinsaru tayaspatangcha; nuw shiyaa tina.

Apanll ashtachu anu 10:6

tsiyatarangiya; Mazinantsa; waritayanllcha. Apanll waana yasariya. Apanll zapshtacheeja, ndambari, tárangu. Apanll ngichimaam yasareeja, watam waana urutari taataruwa. Waana ichinguru tinarangiya. Kanindaatstam, tsapurunaseetstam tinarangiya. Kungushcheetstam, íwarpicheetstam, maacheetstam ichinguru tinarangiya.

Apanll ashtachu anu 11:15

Apanllsha wasundurur tsimbunurini matayaru puu táramchu anumunsha kanindapsha tsiyatsis kizpur kimarangiya. Nimunarishaparee iysha kurakarini, Apanlli, tsapurunasshuchee izuuru wamari kasiru taachiya waanpatatam ipusamarini tsapurunasshuchee kurak kasiru taachinllinaya. Urutamari wamari kasikastachinllinaya. Ayamtaati pastacheeja, ndambari, tsiyatsis kimaku, tárangiya.

Apanll ashtachu anu 4:10

wachinsha ichinguru ungirtarangitamsina Apanlleetsi. Tútiyachee Apanllinung wayayarusin, timuchta ashirangana, watam Apanllimari urutamari taataruwa.

Apanll ashtachu anu 4:9

Apanlleetsimari yaseeranganaya. Apanllimari urutamari taaratartar ashkiya. Ashirucha, Apanllsha wasundurur ántarusin,