Daniela 4:3 - Candoshi-Shapra

³ Apanll kizpurcha. ¿Antaati xaptareeja? Waana zandkachu uru tatsamkiya. Apanll urutamari kurak wamari kasiru taakiya. Wizpursha urutamaritam taakiya.

Daniela 4:3 Iomraidhean Croise

Salmos 104:24

¿Wanip maacheetsi wanasir tinarangsha? Apaa. Yuw ichinguru wayarangish an shaana wizpurirpatish, misha yasashpatish, tinarangsha. Tsapurunasee tinarangish, anush tatsitarangsha.

Salmos 105:27

Móysissha, zoonllpa Aaronpa, Ijiptosh tsap Apanllee wizpur tuyamandarangusin, tputsee tpuxtaranganaya.

Salmos 145:13

Shiyamari Apaa, kizpur kurak kasirush, tsapurunasish urutamari taaratartachsha. Shiyachich ayamamtiyam pastacheeja, ndambaree.

Salmos 72:18

Apanll Taarashipani iyamari Israelchichini Apanllirini taakiya. Wamari kasiru wanasircha. Waamari iyaa kizpur istakiya.

Isáysa 9:7

Uwsha nllur kurakaam kinayaru, Dapiyarinish zamuchiya. Tsapurunashuchee tputsi ztaru ksutchiya. Urutamari tputsee tatsamooru napchiya. Yutaritshishpanee waneeyaru, wanasirimshee tputsi zurampatari istachiya. Ayamtaatiyam mapiyshish nda pastachiya. Apanll waana iyaam nlluraa wayachiya, nuw Isáysi siyaa Galileyshucheetsis atina.

Daniela 2:2

Ashku, tputsee yasampaneewaatssha tuwachima yasarana anuwaatssha, misha wishunoowaatstam kuruzurangiya. Yuwaa nuw pamasirangi anoo kamanpanda átu kuruzurangiya. Yasampanshitisin kurakush pang' kusatarangsin,

Daniela 2:44

Yuwash ashpari in tputs kurakaam kinaturtachinllina, anush Apanllsha kanindamand waana urutamari taamaam kurak kizpur zanganchiya. Anoo ayamtaati kurak nllitari kasichazinllinaja. Tsapurunasshuchee kurak ichingaru kasiyaru, izuuru kachingeeru kasachiya.

Daniela 4:17

Iy Apanllini wasundururini, Apanll kurakaa ichingaru wamari kasiru taaku, anoo tputs ztaru yasapana atuni, waneeshee shiyaam wayamaam zandkiniya. Yuwaa tputs Apanll waana zandku, anoo kurakaam ínakiya. Pukireetstaa tputs ipuseeru, kurakaam ínamaam waritaritamta, Apanll wasundurur tárangiya.

Daniela 7:14

Ashiri Apanllsha tsiyatku; Shiy na urutamari shiyamari kasirush taachsha. Tputsee ichingaru shiyamari ksutaksha. Ichingarusin shiyaa chinachinllinaya. Shiyaa kukish uru payuchinllinaya. Tputs ichingaru tsapurunas yuwatamsin kukuwaatsiri tsiyatkana antamsin shiyaa kukish payuchinllinaya. Shiy urutamari kasirush tputsee ksutachsha. Ayamamtiyam shiyaa kasichazinllinaja, ndambaree, Apanll tárangiya.

Daniela 7:27

Ashkachu, Apanllsha tiptsireem wizpuree panakchu, urutamarisha tsapurunasshuchee kurak ichingaru kasirsin taachinllinaya. Tputsee ztaru ksutchinllinaya. Sheeru, tsapurunashuchsha tputs Apanlleetsimarisha chinakchusin, kukoo izuuru payuchinllinaya, Apanll muchchur nuwaa kamanku tárangiya.

Romshucheema 11:33

¿Apanll tamara? ¿Wanipa mangush chinaranga? ¿Mang' kapungtee? ¿Tamampata tputs mang' tatsamooch? ¿Apanllee tamaree mang' natstachich? ¿Tamaree Apanll ichinguru ashtaru anoo mangoonchich?

Tayusima 4:34

Apanll waanaa siyaa tiptsireem sirútamasari ipusarangu, siyaa Ijiptosh tsap tashitungarangiya. ¿Nitaati Apanll minoowaa tputsee ambtamtaja ashirang? ¡Nda! Apanll siyaa tapachindamaam zandarangu, wizpurirnee kapung tuyamandarangu, siysa anoo parangitamsa. Ijiptoshuchee tputs kiyung yachamaam, tpuxtamaamtam ashirangiya. Sheeru, kundarareetstamtis zapantam tpachingarangiya.

1 Tímoteyurineema 1:17

Ashirucha, uru Apanllee chinakina. Apanll kizpurcha; wamari kasiriya. Urutamari taachiya. Matspashimashcha. Manutsishcha. Minumaritcha. Ashirucha, urutamari chinayani atashina.

Utaáshucheema 1:8

Apanll Wipaa, tárangiya; Ipari, uru shiyamari kasirish. Wanasir tputsireetsish ksutaksha. Nllitarit ashimaam wanindaja.

Utaáshucheema 2:4

Apanllsha wizpuririnee tputseem panarangiya. Tayaspatampansha Apanllpat wizpuririni tayaspatarangusin, tputs zapan mangoonarangana. Mishat, Apanll Wani tputsee istarangu, misha tputs tsiparee ituyamarangana. Mishat, tputs kas yutama yararangana. Mishat, tputs yashingoo tpuxtayaru tashitungarangana. Tputssha anootsi pakeersin kapung punirustarangana. Apanll kizpurcha, tárangana. Ashirucha, Isusoo kuk izuuru mangoonangtsa nuw siyaa atashina.

1 Pitorurini 4:11

Apanll shiyaa tayapstampaneemaya wayarangu, ashiriya Apanllee kuk itsinsaru tayapstangcha. Istamapaneemaya shiyaa wayarangu, ashiri shiysha tputsee istangcha. Yuwaamari Apanll siyaa wayarangu anuri shingtsa. Saanpatatis istangtsa. Apanll nuwaam waana wizpuririnee panarangiya istamaama; táyarus, istangtsa. Yaani wizpuririni wanindaja. Apanll Isusumun iyaam waana wizpuririneetsi panakiya; ashiri Apanllee wappari tángtsa. Ashiri saanpata istakchus, urutamari tputs: Shiy Apaa kizpurtishcha. Shiyamari kasiksha: táchinllinapa. Ashiriya, siysa shingtsa; saanpata istangtsa, nuw siyaa atashina.

Apanll ashtachu anu 11:15

Apanllsha wasundurur tsimbunurini matayaru puu táramchu anumunsha kanindapsha tsiyatsis kizpur kimarangiya. Nimunarishaparee iysha kurakarini, Apanlli, tsapurunasshuchee izuuru wamari kasiru taachiya waanpatatam ipusamarini tsapurunasshuchee kurak kasiru taachinllinaya. Urutamari wamari kasikastachinllinaya. Ayamtaati pastacheeja, ndambari, tsiyatsis kimaku, tárangiya.