Daniela 4:17 - Candoshi-Shapra

¹⁷ Iy Apanllini wasundururini, Apanll kurakaa ichingaru wamari kasiru taaku, anoo tputs ztaru yasapana atuni, waneeshee shiyaam wayamaam zandkiniya. Yuwaa tputs Apanll waana zandku, anoo kurakaam ínakiya. Pukireetstaa tputs ipuseeru, kurakaam ínamaam waritaritamta, Apanll wasundurur tárangiya.

Daniela 4:17 Iomraidhean Croise

1 Utaáchich kuraka 21:25

Nda minumtiyam ashim kurak taarangu, Ajabamari yuwamand wizanllee Jesabela kamachtakpaz ashirangu, anumand Apanllee kapung tayutaritarangiya.

Salmos 103:19

Apanll waanaa uxinashimun kanindash wayarangu, anumandari tsapurunasee ashchiri ksutkiya.

Tashitungarangu 9:16

Itaru, nuw nda siyaa ashiru chinarangina. Waani nuwaa wizpuriri pangpana aturi, ningat waneekina. Ashirucha, nda siyaa tpachingakina. Mishat, waani tputs ichingurusin tsapurunas ztaru nuwaa yasapana aturi ashkina. Taarashipan átcha, tángcha.

Isáysa 6:3

Apanll Taarashipan wamari kasiriya. Wanasiriri chinakiya. Wanasiriri taakiya. Kizpur wanasir 'sineekiya. Tsapurunas shuneeriya wanasirimshirini, ántar ashiranganaya.

Isáysa 6:8

Tárangu, Apanllsha waana tsiyatku kímarangu, nuwaa tárangiya. ¿Chakaatseeja nuw zangankachee? ¿Chakaatseeja nuwaa kuki kamanipaneem ínachee? tárangu, nuwsha, Apaa, nuwaa kamanipaneem ínayarush, zanganingandama, tárangina.

Daniela 2:21

Shiyamari yuwaa tsapurunasish tushiyku anoo yasakchush wayaksha. Shaana zandkush, kurakaa kapeeteerush, misha kurak wayaksha. Mishat, yasampaneetstam aranginasha itsinsaru yasamaam istaksha. Mishat, wazareetsiri mangoonamaam istaktamsha.

Daniela 4:2

Ashiri nuwaa Apanll waamari kasiru an waanaatsee wizpur tuyamandarangu, kizpur napuxtarangi, anoo na siyaa kamanintspa.

Daniela 4:25

Yuwash zari Apanll shiyaa wanimaam waritakchu, anush tputsirish shiyaa putayarusin, arap wanllitaru wayakchunll, washunand wakarpa karutaa katungkush taatsha. Sirinsha shiyaa kachachtataw ashku taachsha. Kurakamuntaatish tsimbun matayaru masach chinuzpa yapandarush taachsha. Itaru, yuwash shiy Apanllee wizpur izuuru mangoonkachish, anush Apanllsha shiyaa yusur wanasiri wayakchu, shiysha; Apanll waamari tsapurunasshuchee ichingaru kasiru taakiya, táchsha. Yuwaa tputs waana zandkachu anoo kurakaam ínakiya, táchsha.

Daniela 7:25

Apanllee kizpureetstaa yutarit tsiyatkachu, tiptsireetstam zapan pachachinllinaya. Tputsee kamachtakachu, Apanllee kamachtamarinee payurintspa. Mishat, Apanlleem shambatamaam shaniyintspa, tákchu, Apanllee tiptsir kasiyaru, kiyung yachachiya. Tuchip masach chawip ashku taachiya.

Romshucheema 13:1

Ashiriya, Isuschichis, mazinangtsa. ¿Apanllchichis tamaree nda kurakawaats kuk mazinachis? Nitaati kurak waana kinarang, nda; Apanll waana ínarangiya. Apanll gobernoom ichinguru ínarangiya.

1 Tímoteyurineema 5:21

Ashiriya, Tímoteyu, nuwaa kuki payungcha. Yuwari áti anuri payungcha. Shiyaa Apanll pakiya. Isus shiyaa paktamta. Apanll wasundurur paktamta. Ashiri nuwaa kuki payungcha; kpitinllpa. Minoo tputs wanasiri napkush, minootssha niyrta shirinllpa. Nuwaa kuki payuyarush, tatsamooru payungcha.

Apanll ashtachu anu 4:8

Ichingurusin wazitpungchi minam matayaru taarangiya. Wachu ashiritam wazitpungchimuntam ztatariya; wazitpungach zapan taarangiya; iwaz taaru, wantsush taaru ashirangiya. Uwshtisin kaschiritam, psaantam ungirtakanaya. Apaa, shiyamari wanasirtishcha; shiyamari kasirish; shiy kizpurtishcha, tárangana. Shiyamari kuraktishcha. Urutamari taaksha, Apaa. Sirú uru taarangush, ayamta urutamaritam taachsha; ántangat ashiranganaya.

1 Samuela 2:8

Mishat, yuwaatstaa tputs kizpur pukir taaku, kapeetshiship katungku taataru anootstaa, Apanll waana zandku, kurakaam ínakchu, tputsee tushaneeyaru, kurakawtamsin kukoo mazinakanaya. Watam Apanll waamari kizpureeru, tsapurunasee ashchiri amuytaru taakuwa. Waana tsapurunasee ashchiri tinarangu, wayarangiya.