সফনিয় 3:7 - Chakma Bible

⁷ মুই যিরূশালেমানরে কলুং, ইক্কিনে তুই হামাক্কায় মরে দোরেবে আর মর্ শাজন্ মানিবে। সালে তার্ থেবার ঘরান বর্‌‌‌বাদ্ গরা ন-অবঅ, মর্ বেক সাজাগান্‌অ তা উগুরে ন-এবঅ । মাত্তর্ তা মানুচ্চুনে আওজ্ গুরিনে ভান্ন্যেই কাম্ গরা ধুরিলাক্।

সফনিয় 3:7 Iomraidhean Croise

পত্থম 6:12

গোজেনে পিত্‌থীমিয়ান ইন্দি রিনি চেইনে দেগিলোদে, সিয়েন পজাবাজ্ ওই যেইয়্যে, কিত্তে দুনিয়ের মানুচ্চুনো খাচ্চ্যদত্‌ পচা ধোজ্যে।

২ বংশধর 33:11

সেনত্তে লগেপ্রভু তারা বিরুদ্ধে আসিরিয়ার রাজার সেনাপতিগুনো ইদু আনিলো। তারা মনঃশিরে বন্দী গুরিনে তা কিয়্যেত্‌ হেবা লাগেইনে পিদোল শিগোললোই বানিনে বাবিলোত্‌ নেযেলাক্‌।

ইয়োব 36:10

তে তারার বুদুলিবাত্তে সল্লা দে আর ভান্ন্যেয়ত্তুন মনান ফিরেবাত্তে উগুম দে।

গীতসংহিতা 32:8

মুই লগেপ্রভু তরে জ্ঞান দিম্ আর যে পধ্‌থানদি যাহ্ পুরিবো সিয়েন দেগেই দিম; তরে চোগে চোগে রাগেইনে মুই উগুম দিম।

গম্ উপদেজ্ 19:20

উপদেশ শুন্, শাজন্ মানি নেযা; যেরেদি তুই জ্ঞানি ওই পারিবে।

যিশাইয় 5:4

মঅ আংগুর খেদ্‌‌তানত্তে মুই যিয়েনি গোজ্যং সিয়েনত্তুন্ বেশ্ আর্ কি গরা যেদঅ? যেক্কে মুই গম্ গম্ আংগুরত্তে বাজ্জেই থেলুং সেক্কে কিত্তে সিয়েনত্ বানা ঝার আংগুর ধুরিলাক্?

যিশাইয় 63:8

তে কোইয়্যেদে, “ঘেচ্চেকগুরি তারা মঅ মানুচ্, তারা এবাবোত্যে পুয়ো যিগুনে অবিশ্বেজি ন-অবাক্,” আর সেনত্তে তে তারার উদ্ধোর্ গুরিয়্যে অলঅ।

যিরমিয় 17:23

তমা পুরোণি মানুচ্চুনে সে কধা নয়ো শুনোন্, সিয়েনত্ মনযোগ্‌‌অ ন-দুয়োন। তারা তারার গত্তনাবো দরমর গোজ্যন; তারা মঅ কধানি শুনিবাত্তে আর মঅ শাজনান্ মানিবাত্তে অস্বিগের গোজ্যন।

যিরমিয় 25:5

তারা লগেপ্রভুর এ কধাগান কোইয়োন, তুমি পত্তিজনে ইক্কিনে তমা ভান্ন্যেই পধত্তুন আর ভান্ন্যেই কামানিত্তুন্ ফিরো, সেক্কে যে দেজ্‌চান মুই তমার্ ‌আর তমা পুরোণিমানুচ্চোরে দুয়োং সেই দেজত্ তুমি জিংকানিবর্ থেই পারিবে।

যিরমিয় 36:3

যিহূদা মানুচ্চুনো উগুরে যেদক্কানি দজা ঘুদিবার বিষয় ঠিগ্ গোজ্যং অয়ত তারা সে কধানি শুনিনে পত্তিজনে তারার ভান্ন্যেই পধত্তুন ফিরিবাক্; সেক্কে মুই তারার ভান্ন্যেই আর পাপ্‌‌‌পানি খেমা গুরিম।”

যিরমিয় 38:17

সেক্কে যিরমিয় সিদিকিয়রে কলঅ, “ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, ‘তুই যুনি বাবিল রাজার সেনাপতিবো ইধু ঊদি যানা স্বিগের্ গরচ্ সালে তঅ পরানান্ বাঁজিবো আর এ শঅরান পুড়ি দিয়্যে ন-অবঅ; তুই আর তঅ গিরিবো বাঁজিবো।

যিরমিয় 6:8

ও যিরূশালেম, উজিয়ার কধা শুন, সিয়েন ন-অলে মুই তমাত্তুন্ ফিরি যেইনে তঅ দেজ্‌‌‌‌‌চান ভস্ত আর মানুচ্ নেইয়্যে গুরিম।”

যিরমিয় 7:7

মাত্তর্ যে দেজ্‌চান মুই তমা পুরোণি মানুচ্চুনোরে যুগ যুগ ধুরি বজত্তি গুরিবাত্তে দুয়োং ইয়েনত মুই তমারে বজত্তি গুরিবাত্তে দিম্।

যিরমিয় 8:6

মুই মন দি শুন্যং, তারা ঠিগ্ কধা ন-কন। পাজিগানিত্তুন মনান ফিরেইনে কনজনে ন-কন্দে, হায়, মুই কি গুরিলুং! ঘোড়া যেবাবোত্যেগুরি দাবা যেইনে যুদ্ধোত্ যায় সেবাবোত্যেগুরি পত্তি জনে যার্ যার্ পধেদি চলন্।

হোশেয় 9:9

গিবিয়ার সময়োত্ যেবাবোত্যে এলঅ সেবাবোত্যে ইস্রায়েলীয়গুনে অন্যেয় ইধু ডুবি যেইয়োন। গোজেনে তারার্ পাজির্ কধানি ইদোত্ তুলিবো আর তারার্ পাপত্তে সাজা দিবো।

সফনিয় 3:2

তে কাররে ন-মানে, শাজন্‌অ গ্রাজ্য ন-গরে। লগেপ্রভু উগুরে তে নির্ভর্ ন-গরে, তা গোজেন ইধু ন-যায়।

দ্বি’লম্বর বিররণ 4:16

যেনে তুমি ভান্ন্যেই পদথ্‌ যেইনে পূজোর্‌ নাঙে কনঅ মূত্তি ন-বানঅ বা কনঅ চেঙেরার্‌ মূত্তি ন বানঅ-সিবে মরদর্‌ বা মিলের্‌ ওক্‌,

১ তীমথিয় 1:5

এ উগুমানর্ উদ্দেচ্য অলঅ কোচ্‌পানা জাগেই তুলোনা। এ কোচ্‌পানাগান খাটি মন, সাব্ বিবেক আর আজল্ বিশ্বেজত্তুন্ এজে।

২ পিতর 3:9

কনঅ কনঅ মান্‌জ্যে মনে গরন্ প্রভু তার্ এগেমান্ পূরোণ গত্তে দেরি গরের্, মাত্তর্ সিয়েন নয়। আজলে তে তমা উগুরে ধৈজ্জ্য ধরের্, কিয়া কেঅ যে ভস্ত ওই যায় তে সিয়েন ন-চায়, বরং বেক্কুনে যেন পাপত্তুন্ মনানি ফিরান ইয়েনই তে চায়।