সফনিয় 3:19 - Chakma Bible

¹⁹ যিগুনে তঅ উগুরে অত্যেচার গরন্ তারারে বেক্কুনোরে মুই সে সময়োত্ সাজা দিম্; মুই আঢুড়ুনোরে উদ্ধোর্ গুরিম আর যিগুনে ছিদি পোজ্যন্ তারারে তুবেম্। তারার্ লাজানার্ বদলে মুই তারারে গোদা দুনিয়েনত্ নাঙ্ গিনেনা পান্ আর বাঈনী গুরিম।

সফনিয় 3:19 Iomraidhean Croise

যিশাইয় 26:11

ও লগেপ্রভু, তঅ আঢ্‌‌তান তুই অজলত্ তুল্যচ্, মাত্তর্ তারা সিয়েন ন-দেগন্। তঅ মানুচ্চুনোত্তে তঅ আওজ্‌চান্ তারা দেগোদোক্ আর লাজাদোক্; আগুনানে তঅ শত্রুগুনোরে পুড়ি ফেলোক্।

যিশাইয় 33:1

ও ভস্তগুরিয়্যে, তরে অভিশাব্ দুয়োং! তুই ভস্ত ন-ওইনেয়ো ভস্ত গোজ্যস্; তঅ উগুরে বেঈমানি গরা ন-অয় তো তুই বেঈমানি গোজ্যস্। ভস্তর্ কামানি থুম্ গুরিলে তরে ভস্ত গরা অবঅ; বেঈমানি গরানা থুম্ অলে তঅ উগুরে বেঈমানি গরা অবঅ।

যিশাইয় 60:14

তরে যিগুনে অত্যেচার গুরিদাক্ তারা পুয়োগুনে মাঢা নিগিরিনে তঅ মুজুঙোত্ এবাক্; যিগুনে তরে ঈচ্ গুরিদাক তারা বেক্কুনে তরে জু জু জানেবাক্ আর তরে লগেপ্রভুর শঅর্, ইস্রায়েলর সেই সুদ্ধো-সাংগ মানুচ্চোর সিয়োন বিলি ডাগিবাক্।

যিশাইয় 60:18

কনঅ ক্ষতি গুরিবার কধা আর তমা দেজত্ শুনো ন-যেবঅ, তঅ দুযি ভিদিরে শুনো ন-যেবঅ কনঅ ভস্ত বা বিনাশ কধা। তঅ দেবাল নাঙানি অবঅ উদ্ধোর আর তর্ গেট্‌তুনোর নাঙানি অবঅ নাঙ্ গিনেনা।‌‌‌‌‌‌‍‍

যিশাইয় 61:7

মঅ মানুচ্চুনে লাজ বদলে সোম্বোত্তির দ্বিগুন ভাগ পেবাক্, আর অসর্মান বদলে তারা তারার সোম্বোত্তিগানিত্ রঙ্গফুত্তি গুরিবাক্। তারা দেজত্ তারা দ্বিগুন ভাগ পেবাক্ আর তারার উমরর্ হুজির হবর্ অবঅ।

যিরমিয় 30:16

“মাত্তর্ যিগুনে তরে শেজ্ গুরি দেদন্ তারারে বেক্কুনোরে শেজ্ গুরি ফেলা অবঅ; তর্ বেক শত্রুগুনে বন্দীদজাত্ যেবাক্। যিগুনে তরে লুদেয়োন তারারেয়ো লুদো অবঅ; যিগুনে তঅ জিনিস্‌চানি কাড়ি নেযাদন্ মুই তারা জিনিস্‌‌‌‌‌চানিয়ো কাড়ি নিবাত্তে দিম। মান্‌‌‌‌‌জ্যে তরে কবাক্, ‘ইয়েন সেই দূর্ গুরি দিয়্যে সিয়োনান যিয়েনরে কনজনে ন-তগান্, ‌

যিরমিয় 30:19

সিয়েনত্তুন্ নিগিলি এবঅ সাধুবাদ দেনার্ গীদ্ আর হুজির্ রঅ। মুই তারার মানুচ্চুন বাড়েম্, তারা কুমি ন-যেবাক্। মুই তারারে সর্মানিত গুরি তুলিম, তারারে কনজনে ঈচ্ ন-গুরিবাক্।

যিরমিয় 31:8

চঅ, মুই উত্তরর্ দেজত্তুন ইস্রায়েলীয়গুনোরে আনিম আর পিত্‌থিমীর শেজ্ দুযিত্তুন তারারে তুবেম্। তারা ভিদিরে থেবাক কান্, আদুড়্, পিদিলী মা আর পুয়ো পুদোবার্ পিড়ে উঠ্যে মিলে; দাঙর্ এক্কো দল ফিরি এবঅ।‌‌‌

যিরমিয় 33:9

সেক্কে এ শঅরানে পিত্‌‌থিমীর বেক জাদ্‌তুনো মুজুঙোত্ মরে হুজি আর সর্মান গুরিবো আর বাঈনী দান গুরিবো। মুই তার যেদক্কানি ভালেদি গুরিম সে জাদ্‌তুনে সিয়েন শুনিবাক্, আর তারে দিয়্যে অমকদ ভালেদি আর সুগ্ শান্দি দেগিনে দরে গির্‌‌গিরেবাক্।

যিরমিয় 46:28

ও মর্ চাগর্ যাকোব, ন-দোরেচ্, কিত্তে মুই তঅ সমারে সমারে আগং। যিদুক্কুন জাদ ভিদিরে মুই তরে ছিদি দুয়োং সে বেক্ জাদ্‌‌‍তুনোরে যুনিয়ো মুই এক্কুবারে ভস্ত গুরি দিম তো তরে মুই পুরোপুরি গুরি ভস্ত ন-গুরিম। মাত্তর্ এক্কুবারে সাজা ন-দিনেয়ো মুই তরে ন-ছাড়িম, মাত্তর্ ন্যায়বিচের্‌‌‍‍লোই মুই তরে শাজন্ গুরিম।”

যিহিষ্কেল 16:27

সেনত্তে মুই তঅ বিরুদ্ধে মঅ আঢ্‌তানি বাবেইনে তঅ সোম্বোত্তিগানি কোমেই দুয়োং। তঅ শত্রুগুনোর, অত্তাৎ পলেষ্টীয়গুনোর মিলেগুন, যিগুনে তর্ জঘন্য খাচ্চ্যদত্তে লাজ্ পেইয়োন মুই তারা আঢত্ তরে তুলি দুয়োং।

যিহিষ্কেল 16:57

সেক্কে তর্ পাজিগানি ফগদাং ন-পায়। ইক্কিনে অরামর্ ঝিগুন আর তার্ পাড়াল্যেগুন, পলেষ্টীয়গুনোর ঝিগুন, অত্তাৎ তঅ চেরোকিত্তেদি যিগুনে তরে ঈচ্ গরন তারা বেক্কুনে তরে ঠাট্টা-মশকারী গত্তন্।

যিহিষ্কেল 34:16

যিগুনে আজি যেইয়োন্ মুই তারারে তোগেম্ আর যিগুনে ভান্ন্যেই পধেদি যেইয়োন তারারে ফিরেই আনিম। মুই আহতগুনোরে ঘা-গানি বানি দিম্ আর বল্‌‌পোজ্যেগুনোরে সবল্ গুরিম্, মাত্তর্ পক্তামক্তা আর বোলিবন্দগুনোরে মুই ভস্ত গুরিম, কিত্যে মুই ন্যায়বিচেরর্ মাধ্যমে মর্ পালুনোরে দেগাশুনো গুরিম।

যিহিষ্কেল 39:13

দেজর্ বেক মানুচ্চুনে তারারে গোর্ দিবাক। এবাবোত্যেগুরি মর্ মহিমাগান্ ফগদাং গুরিবার দিনোত্ তারার সুনাঙান্ ছিদি পড়িবো।

যিহিষ্কেল 39:26

যেক্কে তারা তারার্ দেজত্ গমেডালে বজত্তি গুরিবাক্ আর কনজনে তারারে দর্‌‌বুক ন-দেগেবাক্ সেক্কে মঅ উগুরে অবিশ্বেজর্ কারনে তারার্ লাজ কধা তারা ভুলি যেবাক্।

মীখা 7:10

সেক্কে আমা শত্রুগুনে সিয়েন দেগিনে অমকদ লাজেবাক্। তারা দঅ আমারে কদাক্, “তমার্ গোজেন লগেপ্রভু কুধু?” মাত্তর্ আমা চোগ্‌‌‌কুনে তারারে পত্তে দেগিবাক্; এন্ কি, পধ কাদা ধোক্ক্যেন তারারে টেঙোই মাড়া অবঅ।‌

সফনিয় 3:15

লগেপ্রভু তঅ সাজাগান দূর্ গুরি দিয়্যে, তে তর্ শত্রুগুনোরে ধাবেই দিয়্যে। ইস্রায়েলর রাজা লগেপ্রভু তঅ ভিদিরে আঘে; তুই আর কনদিন্‌অ অমংগলত্তে ন-দোরেবে।

সখরিয় 8:23

সেই সময়োত্ নানান্ ভাষা আর জাদর্ দশজন মান্‌জ্যে এক্কো যিহূদীর কাবড় কাজাত্ ধুরিনে কবাক্, ‘আঢ, আমি তমা লগে যেই, কিত্যে আমি শুন্যেইদে যে, গোজেনে তমা লগে আঘে।’ মুই বেগত্তুন্ খেমতাবলা লগেপ্রভু এ কধাগান কঙর্।”

দ্বি’লম্বর বিররণ 26:19

তে ফগদাং গুরিলোদে, নাঙ্‌ গিনেনা, সুনাং আর বাঈনী গরানার্‌ কিত্তেত্তুন তার সৃট্টির অন্য জাদ্‌তুনো উগুরে তে তমারে জাগা দিবো আর তমার গোজেন লগেপ্রভুর এগেম্ মজিম তুমি অবা তার নাঙে এক্কো যুদো গোজ্যে জাদ্।”

ইব্রীয় 12:13

তমার্ আঢিবার পথ্‌তানি উজু গরঅ, যেন লেং মান্‌জ্যর অবস্থা আরঅ বেশ্ ন-অয়, বরং তে গম্ ওই উদে।

ফগদাং পেইয়্যে 20:9

সেক্কে মুই দেগিলুং, তারা উজেই যেইনে গোজেন মানুচ্চুনোর থেবার চাগালাগান আর তার্ সেই কোচ্‌পেইয়্যে শঅরান ঘিরিলাক্। মাত্তর্ স্বর্গত্তুন্ আগুনান্ লামি এইনে তারারে পুড়ি ফেলেল।

বিচের গুরিয়্যেগুন 1:7

সেক্কে অদোনী-বেষকে কলঅ‌, “মুই সত্তুরজন রাজার আঢ্ আর টেঙর্‌ বুজ্যে আঙুলুন্‌ কাবি দুয়োং। তারা মঅ‌ টেবিলোর তলেত্তুন ফেলাসেলানি তোগেনেই খেদাক্‌। মুই তারা উগুরে যিয়েনি গোজ্যং গোজেনেয়ো মঅ‌ উগুরে সেধোক্কেন্‌ গুরিলো।” পরেন্দি তারা অদোনী-বেষকরে যিরূশালেমত্‌ নেযানার পরেন্দি তে সিদু মুরি গেলঅ‌।